Batwi beꞌmaaja 8:3 - Kifuliiru

³ Rurema akabiika abatwali babiri beꞌMidyani, Horebu na Zeebu, mu maboko giinyu. Aaho! Biki byo nangaki yihayira kwo?» Gidyoni, mbu ababwire kwokwo, uburaakari bwabo bwanahooha.

Batwi beꞌmaaja 8:3 ပူးပေါင်းရင်းမြစ်များ

Zaburi 115:1

E Nahano, tutali twe tukwaniini ukulonga ulushaagwa. Si wehe we lukwaniini. Mukuba, we mwija, unali mwemeera.

Zaburi 44:3

Wâli kizi koleesa ubushobozi bwawe, mu kuyimula abandu beꞌmahanga, wanabahaniiriza bweneene. Ahandu haabo, wanahabiika bashokuluza biitu, wanakizi bagenduusa.

Migani 15:1

Umundu, ikyanya ashuvya ku bwitonde, ali mu hoohya uburaakari. Si ikyanya ashuvya ku bute, ali mu shubi bukayisa.

Migani 16:32

Umwigenderezi, ye mukulu ku ndwani. Na ngiisi úli mu yihangirira ku bute bwage, ye mukulu ku mundu úli mu gwata akaaya.

Migani 25:11

Igambo, ikyanya liri mu detwa ku kyanya kyalyo, liri mu simiisa nga kitumbwe íkyabumbwa mu nooro, kinabiisirwi mu kirugu kyeꞌharija.

Migani 25:15

Iri wangaganuuza umutwali ku bwigenderezi, angahanuulwa. Ee! Amagambo malembu, gangayishesheza mwiꞌtwe likayu.

Yohana 4:37

«Muyiji ngiisi kwo bali mu twa umugani, ti: “Muguma, ali mu byala. Noꞌgundi, ali mu yimbula.” Yugu mugani, guli gwoꞌkuli.

Barumi 12:3

Ukukulikirana na ngiisi kwo Rurema akangashaanira, namùbwiraga mweshi: Mutakizi yiyuvwa ukuhima kwo muli! Haliko, ngiisi muguma winyu, akizi yimenya ku bwitonde ngiisi kwo ali, ukukulikirana na ngiisi kwo Rurema akamúbiika mwoꞌbwemeere.

Barumi 12:6

Ibigabi byo tuhiiti, biri bya kwingi-kwingi, ukukulikirana na ngiisi kwo tugashaniirwi. Kwokwo, iri umundu angahaabwa ikigabi kyoꞌkutanga ubuleevi, akizi butanga nga kwoꞌbwemeere bwage buli!

Bafiripi 2:3

Mutakizi ki kubirira ubukulu! Mutanakizi yikangaata. Si mukizi ba batuudu! Munakizi bona kwaꞌbandi bo bamùkuliiri.

Batwi beꞌmaaja 8:2

Haliko, Gidyoni anabashuvya kwokuno: «Ngiisi hyo nꞌgakola, ka nangahigera na byo mwâli kizi kola? Nanga, maashi! Umwimbu gwo beene Hifurahimu banoboosa, guhimiri bweneene gweꞌmbaga yani, twe beene Habyezeeri.

Batwi beꞌmaaja 8:4

Uyo Gidyoni anahika ha lwiji Yorodaani, ali kuguma na yabo baabo magana gashatu, banalujabuka. Na kundu bâli mali jagabuka, si bakagenderera naaho ukulandiriza yabo bagoma baabo.