Batwi beꞌmaaja 7:2 - Kifuliiru

² Nahano anabwira Gidyoni kwokuno: «Yabo basirikaani bo uhiitagi, baki leeziri ulugero. Neꞌri nangamùhanguula mweshi kwo mugendi teera Abamidyani, hali ikyanya Abahisiraheeri bangayihaya, kwo bahima ku misi yabo boonyene.

Batwi beꞌmaaja 7:2 ပူးပေါင်းရင်းမြစ်များ

Ndondeko 46:2

Iri hakaba bushigi, Rurema anamúganuuza ku njira yaꞌmabone, ti: «E Yakobo, e Yakobo!» Na wa naye, ti: «E waliha, ndi hano!»

2 Kutondobola 14:11

Iri Hasa akayusa ukuhuuna, balya Bahendyopiya, Nahano anababiika mu maboko gaage kuguma naꞌbasirikaani baage beꞌBuyuda. Haaho, yabo Bahendyopiya banapuumuka.

Hisaaya 10:13

Si mwami waꞌBahasuriya, agweti agayihaya kwokuno: «Ngiisi byo ndi mu giraga, ndi mu bikoleesa ku misi yani nienyene. Na ku bwitegeereze bwani, keera nꞌgahima ibihugo bingi. Nanayifunda mu bihinda byabo, nanashahula mwaꞌkanyamwala keꞌbindu. Na bwo ndyagagi kikalage, nanagendi teera abaami baabo nga shuuli.

Hisaaya 2:11

Hâye ki be ulusiku, lwo Nahano naaho ye gakuzibwa! Si abanabwihemye boohe, bagabiikwa haashi. Ee! Abanabwikangaate bagakizi goka mu kati keꞌshoni.

Hisaaya 2:17

Ku kirya kyanya, Nahano naaho ye gakizi huuzibwa. Si abanabwikangaate boohe, bagatindimazibwa, banagoke mu kati keꞌshoni.

Yeremiya 9:23

Umundu, iri angagira mbu ayihaye, akizi yihaya naaho bwo akoli nyiiji, kwo nie Nahano, na kwo ndi mu kizi kundana mu kati koꞌbwemeera, na kwo ndi mu kizi twa imaaja mu kati koꞌkuli. Abandu ábali mu yihaya kwokwo, bo bali mu nzimiisa.» Kwokwo, kwo Nahano adesiri.

Hezekyeri 28:17

Emwe! Wâli buyahiri ngana-ngana, kyanatuma ugatondeera ukukizi yikangaata. Na bwo wâli mukulu, wanashereeza ubwitegeereze bwawe. Kwokwo, nanakunyanyaga haashi, halinde abandu baani banakuyigira kwo.

Hezekyeri 28:2

«E mwana woꞌmundu, ubwire mwami weꞌTiiro kwo nie Rurema Nahamwabo nadetaga kwokuno: “Si ugweti ugayikangaata bweneene, iri unayihaya, ti: ‘Niehe nie woꞌkuyikumbwa! Ngoli bwatiiri ku kitumbi kya íbiri mu yikumbwa, kinali ha kati keꞌnyaaja.’ Kundu ugweti ugayidundulika kwo we woꞌkuyikumbwa, si ulyagagi mundu ngana, utanali wa kunyigereera.

Danyeri 4:30

Haaho-haaho, lirya igambo lyanayami kolekaga. Ulya mwami anayimulwa mu bandu, anakizi gendi lya ubwasi nga ngaavu. Amagala gaage ganakizi loba neꞌkimi ukulyoka mwiꞌgulu. Umushaku gwage gwanalaaha nga mashala ga nyunda. Neꞌnyunu zaage zanalaaha, nga za kanyuni.

Habakuki 1:16

Yizo njenga zaabo, bagweti bagaziyikumba, iri banazitumuulira umubadu. Banadete: «Ee ma! Yizi njenga, ziri mu tugaza, tunakola mu zilongera mweꞌbyokulya bingi.»

Zakariya 12:7

Nahano agatee himira abandu beꞌBuyuda, akabuli himira naꞌbeꞌYerusaleemu. Kwokwo, lyo yabo bandu beꞌYerusaleemu, kiri naꞌbeꞌkibusi kya Dahudi, batayiji yihaya kwo bo bakuliiri abaabo ábasigiiri mu kihugo kyeꞌBuyuda.

Zakariya 4:6

Haaho, ulya muganda anambwira: «Nahano agweti agabwira Zurubaberi kwokuno: Ukuhasha kwawe, kutagaaba ku misi yawe, kandi iri ku bushobozi bwawe. Si ugaahasha naaho ku butabaazi bwoꞌMutima gwani.

Muharuuro 31:4

Ku yukwo, ngiisi mulala gutume abandu kihumbi-kihumbi bagendi kunguza izibo.»

Barumi 11:18

Ku yukwo, utakizi yihaya, mbu we himiri amatavi ágakakoonyolwa! Neꞌri wangagira mbu uyihaye, ukengeere kwo yiryo isina litakumeziri kwo. Si wehe, we limeziri kwo!

Barumi 3:27

Kwokwo, bikagi byo twangaki yihayira kwo? Si ndaabyo! Kituma kiki? Mukuba, ikyanya tuli mu gira mbu tusimbahe imaaja, Rurema atatutwaziizi. Si ali mu lola ku bwemeere bwitu naaho!

2 Bakorindo 4:7

Ibya Kirisito, biryagagi byaꞌkamaro bweneene! Kundu kwokwo, bitutuuziri mwo nga mu birugu biꞌbumba. Kwokwo, lyoꞌbushobozi bwage bwaꞌkahebuuza buyerekanwa ku bweranyange kwo bulyosiri imwa Rurema. Si butalyosiri imwitu!

Bahefeso 2:9

Bitanakulikiriini neꞌmikolezi yinyu, gira mutalonge ubulyo bwo mwangayihayira kwo.

Bukengeeze 32:27

Haliko nꞌgayoboha kwaꞌbagoma baabo baganjekeereza. Banganakengeera bayiteba, ti: ‘Nahano atali ye kabaminika, Si twe tukabahima.’

Bukengeeze 8:17

«Kwokwo, mutakolwe kwo mwayidesa, ti: “Si tukayigaza ku misi yitu twenyene!”

Bukengeeze 8:18

Nanga maashi! Mukengeere kwo Nahano, Rurema winyu, ye mu mùshoboleesa ukugala. Na kirya kihango kyo akanywana na bashokuluza biinyu, akiri mu kisimbaha halinde zeene.

Yakobo 4:6

Kuguma na yibyo, Rurema ali mu tuyushuulira ulukogo. Kyo kitumiri biyandisirwi mu Mandiko Meeru na kwokuno: «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»

1 Samweri 14:6

Uyo Yonataani anabwira umutabaazi wage: «Yijaga, tusooke luno luhande, halinde ku shumbi ya balya bapagaani. Nahano angakoli tutabaala. Ee ma! Ikyanya ali mu kiza, ndaaye úwangamúhangirira, baba bingi, kandi iri bagerwa naaho.»