Batwi beꞌmaaja 7:19 - Kifuliiru

¹⁹ Iri hakaba bushigi ikati, Gidyoni na yabo bandu igana, banahika ku mbeka yeꞌshumbi yaꞌbalaliizi ba mbere. Kyo kyanâli kola kyanya kyoꞌkuhindurania abalaliizi. Gidyoni kuguma na yabo baabo, banadihiriza ibibuga, iri banapwamuula na tulya tubindi twabo.

Batwi beꞌmaaja 7:19 ပူးပေါင်းရင်းမြစ်များ

Zaburi 2:9

Birya binyamahanga, ugakizi birongoora neꞌngoni yeꞌkyuma, unakizi binyanyaga haashi, halinde binajajaguke nga nyungu ziꞌbumba.»

Zaburi 90:4

Mu masu gaawe, imyaka kihumbi iri mu ba nga lusiku luguma keera úlwalenga, kandi iri nga kihande kiguma kyoꞌbushigi.

Kulyoka 14:24

Nahano âli ki riiri mwiꞌrya nguliro yoꞌmuliro, na mu yikyo kibungu. Iri hakaba ku mutwezi, Nahano anabonaga abasirikaani booshi baꞌBamiisiri, anayami babuligania.

Mataayo 25:6

Neꞌri ubushigi bukaba bukola ha kati, abandu banayiberekaania kwiꞌzu, ti: “Langiizi! Nahano woꞌbuhya, yoliira! Mugirage tugendi músanganira!”

1 Batesaloniki 5:2

Si mwenyene muyijagi kwoꞌlusiku lwa Nahamwitu lugatutubiira, nga kwoꞌmuzimba ali mu tubiirana bushigi.

Bwigule 16:15

«Mumenyage bwija kwo ngamùtubiira nga muzimba! Ahiriirwi ngiisi úli mu yama alaliiri. Anayame ayambiiti ikyambalwa kyage, atayiji kengeera agenda bukondwe imbere lyaꞌbandu, ishoni zinamùtetereze.»

Batwi beꞌmaaja 7:16

Balya Bahisiraheeri magana gashatu, Gidyoni anababera mweꞌbimaanye bishatu, anabaheereza ibibuga, noꞌtubindi tweꞌmikungula. Na mu yutwo tubindi, mwâli yasiri ibimole.

Batwi beꞌmaaja 7:18

Ikyanya ngaalasa ikibuga, kuguma na bo tuliriinwi, lyeryo niinyu munalase ibyeꞌmwinyu. Munayami yamiza kwiꞌzu lihamu kwokuno: “Imwa Nahano! Neꞌmwa Gidyoni!”»

Batwi beꞌmaaja 7:20

Lyeryo, birya biso kwo biri bishatu, byoshi byanayami dihiriza ibibuga byabo, banapwamuula na tulya tubindi. Banafumbata ibimole mu maboko gaabo goꞌlumosho. Na mu goꞌlulyo, banafumbata mweꞌbibuga. Birya bibuga, banakizi bidihiriza, iri banabanda akaluulu kwiꞌzu lihamu, iri banadeta: «Ingooti iri ya Nahano, inali yeꞌmwa Gidyoni!»