Batwi beꞌmaaja 7:15 - Kifuliiru

¹⁵ Yibyo birooto, iri Gidyoni akabiyuvwa, kuguma noꞌmugeeza gwabyo, anayikumba Rurema. Lyeryo, anayami galukira mu shumbi yaꞌBahisiraheeri, anadeta kwokuno: «Vyukagi tugende. Keera Nahano abiika Abamidyani mu maboko giinyu.»

Batwi beꞌmaaja 7:15 ပူးပေါင်းရင်းမြစ်များ

Ndondeko 24:48

«Nanafukama mu kuyikumba Nahano Rurema wa nahamwitu Hiburahimu. Na íbitumiri nꞌgamúyivuga, bwo akandongoora mu luno lugeezi lwani, anandungaania imwoꞌmunyere wa mwiꞌkondo lya nahamwitu Hiburahimu.

Ndondeko 40:8

Nabo, ti: «Twe noꞌwitu, twaloota ibirooto. Si ndaaye woꞌkutusobanulira byo.» Uyo Yusefu, ti: «Ukusobaanura ibirooto, gulyagagi mukolwa gwa Rurema. Aaho! Mubindotoloolere.»

Ndondeko 41:11

«Bushigi buguma, tukaloota. Ngiisi muguma witu akaloota byage-byage.

Batwi beꞌmaaja 3:28

Anababwira kwokuno: «Mungulikire! Si balya Bamohabu bali bagoma biitu. Na keera Nahano ababiika mu maboko giinyu.» Yabo bandu banagenda bamúkulikiiri, banamanuka, halinde ku kyambu kyaꞌBamohabu, ku lwiji Yorodaani, banakigwata. Abahisiraheeri batanahanguula kwo hagire umundu úgajabuka.

Batwi beꞌmaaja 4:14

Lyeryo, Deboora anabwira Baraka: «Yimukaga! Ulusiku lwa zeene, lyo Nahano agabiika Siseera mu maboko gaawe. Ewe! Ka Nahano yenyene atazi kuyeruukiza injira?» Uyo Baraka anamanuka ku mugazi Taboori, akoli rongwiri balya basirikaani bihumbi ikumi.

Batwi beꞌmaaja 7:11

Mango wayuvwa ngiisi byo bagweti bagaganuula, bigaakuha ikise bweneene. Haaho, lyo ugaaba ibiringiini ukugendi bateera.» Gidyoni anamanuka noꞌmukozi wage, banahika ha shumbi yaꞌbalaliizi baꞌBamidyani.

Batwi beꞌmaaja 7:14

Uwabo, ti: «Yibyo birooto byawe, biyerekiini hiꞌgulu lyoꞌlya Muhisiraheeri Gidyoni mugala Yohaashi. Mukuba, Abamidyani booshi, kuguma naꞌbasirikaani baabo, Rurema keera ababiika mu maboko gaage.»

Batwi beꞌmaaja 7:16

Balya Bahisiraheeri magana gashatu, Gidyoni anababera mweꞌbimaanye bishatu, anabaheereza ibibuga, noꞌtubindi tweꞌmikungula. Na mu yutwo tubindi, mwâli yasiri ibimole.

Batwi beꞌmaaja 8:7

Gidyoni, ti: «Ka kwokwo? Mumenye kwo Nahano agababiika mu maboko gaani. Halikago, mango ngaluka, ngamùshulikiisa ingoni zeꞌmigenge neꞌmihanda-njovu.»

1 Samweri 1:28

Uyu mwana, namútanga imwa Nahano, gira akizi múkolera ku kyanya kyoshi agaaba akiri mugumaana.» Iri Haana akayusa ukubwira Heri kwokwo, anafukama imbere lya Nahano, iri anamúyikumba.

1 Samweri 14:12

Yabo Bafirisiti banahamagala Yonataani, kuguma noꞌyo mutabaazi wage, ti: «Muzamukirage hano, gira tumùyigirize ngiisi kwo mugaalwa.» Yonataani anabwira uyo wabo: «Ungulikire! Si Nahano keera ababiika mu maboko giitu.»