Batwi beꞌmaaja 6:3 - Kifuliiru

³ Abahisiraheeri, ikyanya bâli kizi byala indalo, abanyazi banakizi yiji bateera. Yabo banyazi, bâli lyosiri mu Bamidyani, na mu Bahamareki, na mu bandi bandu ábâli lyosiri uluhande lweꞌsheere.

Batwi beꞌmaaja 6:3 ပူးပေါင်းရင်းမြစ်များ

Ndondeko 25:6

Si abaana baꞌbandi bakaage, ku kyanya âli ki riiri ho, anatee bagabira ibyeꞌmwabo, abuli bahandula ku mugala wage wa Hisake, anabatuma hala mu mahanga goꞌluhande lweꞌsheere.

Ndondeko 29:1

Yakobo, anagenderera noꞌlugeezi, anahulukira mu bihugo íbiri uluhande lweꞌsheere.

1 Baami 20:27

Abahisiraheeri nabo, banayikuumania, banahaabwa ibilwaniiso, gira bagendi lwisa abagoma baabo. Yabo Bahisiraheeri banashumbika ahandu habiri. Halikago, banabonekana nga tuso tuniini tubiri tweꞌmbene. Si Abaharaamu boohe, bâli kwiziri hooshi mu kihugo.

1 Baami 5:10

Ubwitegeereze bwage, bukataluka bwaꞌbandu beꞌsheere, noꞌbwaꞌBamiisiri booshi.

Hayubu 1:3

Uyo Hayubu âli mugale bweneene, weꞌbibuzi bihumbi birinda, neꞌngamiya bihumbi bishatu, neꞌngaavu kihumbi, naꞌmabuguma ga bapunda magana gataanu, naꞌbakozi bingi bweneene. Ye wâli mugangambale, ukuhima abandi booshi ba mu mbande zeꞌsheere.

Hayubu 31:8

Iri kwangaba kwokwo, leka ugundi akizi yiji lya imbuto zaani, kundu nie kazibyala. Ee! Imbuto zooshi zo nꞌgabyala, leka ugundi ayiji zikuula.

Kulyoka 17:8

Yaho i Refidimu, Abahisiraheeri banayiji teerwa naꞌBahamareki.

Hisaaya 11:14

Yabo bandu ba Rurema, bagayibiikaga kuguma, banagende uluhande lweꞌmuga, gira bagendi teera Abafirisiti. Banagende na mu batuuziri isheere, gira bagendi bashahula ibindu. Bakola bagakizi twala Abahedoomu, naꞌBamohabu, naꞌBahamooni.

Hisaaya 62:8

Nahano akabiika indahiro ku bushobozi bwage kwokuno: Ku kasiisa, ndâye ki heereze ingano zaawe, zibe zaꞌbagoma biinyu. Ndanâye ki leke ibinyamahanga kwo biyiji nywa ku divaayi yinyu, keera mwanagiyitubanulira kwo.

Yeremiya 49:28

Mwami Nebukandeneza weꞌBabeeri akahima beene Kedaari. Kiri neꞌbihugo byeꞌHazoori âli bitwaziri. Yibyo bihugo, Nahano adetaga hiꞌgulu lyabyo kwokuno: «Yabo bandu beꞌKedaari, batuuziri uluhande lweꞌsheere. Aaho! Mugendi bateera, munabazimiize.

Hezekyeri 25:3

“Muyuvwirize ngiisi kwo nie Rurema Nahamwinyu nadeta: Ikyanya abagoma bakayulubaza inyumba yani, mwanashambaala. Neꞌkyanya bakashereeza ikihugo kyeꞌHisiraheeri, banatwala Abayuda imbohe mu mahanga, mwanaba naꞌmalega.

Hezekyeri 25:4

«“Ku yukwo, ngola ngamùtanga mu bandu beꞌsheere. Bagashinga amaheema gaabo ha kati kiinyu, banakizi mùlya imimbu, iri banamùnywa naꞌmata.

Balaawi 26:16

«Aaho! Yuvwagwi ngiisi kwo ngamùhaniiriza: Ngakizi mùleetera amalibu. Neꞌkyanya mugashuushirwa, amasu giinyu gagahumaala, halinde munajambe ngana-ngana. Kundu mugakizi byala imbuto mu ndalo, zitagamùgenduukira. Mukuba abagoma biinyu, bo bagakizi zirya.

Mika 6:15

Na kundu mugabyala imbuto, si mutagaziyimbula. Na kundu mugalibata ku mizehituuni, si mugaabula amavuta. Na kundu mugakandaga imizabibu, si ndaayo divaayi yo mugalonga.

Bukengeeze 28:51

«Birya binyamahanga, bigashahula ibitugwa biinyu, kiri neꞌmimbu yinyu, halinde munahere noꞌmwena. Batanamùsigire kiri noꞌludete lweꞌngano, kandi iri divaayi, kandi iri mavuta, kandi iri hinyana, kandi iri hyanabuzi, kandi iri hyanahene. Si bagamùsivya-sivya naaho.

Batwi beꞌmaaja 10:12

na mu kyaꞌBasidooni, na mu kyaꞌBahamareki, na mu kyaꞌBamahooni. Aaho! Ikyanya mukandakira, ka ndakamùkiza mu maboko gaabo?

Batwi beꞌmaaja 3:13

Uyo Hegulooni, anakuumania Abahamooni naꞌBahamareki. Neꞌri bakahikaga mu kihugo kyeꞌHisiraheeri, banalwisa Abahisiraheeri, banabahima. Uyo Hegulooni anagendi gwata akaaya keꞌYeriko, (kuli kudeta: Akaaya keꞌbigazi).

Batwi beꞌmaaja 6:2

Yabo Bamidyani banakizi libuza Abahisiraheeri ngana-ngana, halinde banayihumbira imihobo mu migazi, gira bakakizi gendi bishama mwo.

Batwi beꞌmaaja 6:33

Ku yikyo kyanya, Abamidyani banagendi shumbika mu ndekeera zeꞌYezereheri, bali kuguma naꞌBahamareki, naꞌbandi baabo ábâli tuuziri ku butambi bwoꞌlwiji Yorodaani.

Batwi beꞌmaaja 6:4

Yabo banyazi banakizi yiji shumbika hoofi naꞌBahisiraheeri, banakizi bashereegeza imbuto mu kihugo kyoshi, halinde ukuhisa ku lubibi lweꞌGaza. Ndaanahyo hyoshi íhiteerwa ku shinda hyo bâli kizi basigira, biba byokulya, kandi iri bibuzi, kandi iri ngaavu, kandi iri punda.

Batwi beꞌmaaja 7:12

Abasirikaani baꞌBamidyani, naꞌBahamareki, kuguma naꞌbandi ábâli tuuziri uluhande lweꞌsheere, booshi bâli shumbisiri mwiꞌyo ndekeera, banâli riiri kanyegete, nga nzige. Kiri neꞌngamiya zaabo, zâli riiri kandaharuurwa, nga mushenyu kwiꞌbuga.

Batwi beꞌmaaja 8:10

Ku yikyo kyanya, Zeeba na Salumuna bâli mali hika i Karikoori. Bâli koli sigiriini naꞌbasirikaani bihumbi ikumi na bitaanu. Mukuba, ikyanya bakalyoka isheere, bâli mali minikwa mweꞌbihumbi igana na makumi gabiri.