Batwi beꞌmaaja 5:31 - Kifuliiru

³¹ «E Nahano, ngiisi kwo ukaminika Siseera, kube kwo ugakizi minika abandi bagoma baawe booshi. Si abiira baawe, bakizi yaka ngiꞌzuuba, ku kyanya liri mu tunduuka.» Ikihugo kyeꞌHisiraheeri, kyanahisa imyaka makumi gana, kiri mwoꞌmutuula.

Batwi beꞌmaaja 5:31 ပူးပေါင်းရင်းမြစ်များ

2 Samweri 18:31

Ha nyuma, hiniini, ulya Muhendyopiya anahika. Naye anadeta: «E mwami, nahamwitu, nguhitiiri imyazi miija. Kundu abagoma bashuba mu kuteera, haliko zeene, Nahano akukiza mu maboko gaabo.»

2 Samweri 18:32

Mwami anashubi múbuuza: «Ulya mugala wani wa Habusalumu, ka ali mugumaana?» Naye anashuvya kwokuno: «E mwami, nahamwitu, abagoma baawe booshi ábali mu looza ukukuyita, nga bangabiiri nga gulya musore.»

2 Samweri 23:4

haaho, ali nga lukula úwatema, anali ngiꞌzuuba íriri mu tunduuka, buzira kuhangirirwa neꞌbibungu. Ali nga nvula, íri mu meza umuyonga.”

Zaburi 19:6

Linali mu kizi suula umulindi. Liri mu tibita, nga nahano woꞌbuhya úshambiiri. Linali nga muhimi úgweti úgatibita ku ndangwe.

Zaburi 20:8

Bandu baguma, bakoli biisiri umulangaaliro ku magaare giꞌzibo. Abandi, bali mu gubiika ku fwarasi. Haliko twehe, tuli mu gubiika imwa Rurema Nahamwitu.

Zaburi 37:6

Agaagira ukuli kwawe kukizi tanguula nga lukula. Neꞌkyanya ugaatwa ulubaaja, ugakizi langashana ngiꞌzuuba lya kalenge-renge.

Zaburi 89:36

Keera nꞌgabiika indahiro. Na bwo ndi mweru bweneene, ndangabwira Dahudi ibibeesha.

Zaburi 89:37

Abandu beꞌkibusi kyage, bagayama ho imyaka neꞌmyakuula. Ubwami bwage, bugakizi yama imbere lyani, nga kwiꞌzuuba liyamiri ho.

Zaburi 91:14

Nahano adetaga kwokuno: «Ngiisi úyamiri anguuziri, anabe asimbahiri iziina lyani, ngamúkiza, na ngizi múlanga.

Zaburi 92:10

Haliko, abagoma baawe boohe, ku kasiisa ugabashereeza. Ee! Yabo banangora-mabi booshi, ugakizi bashaabula.

Zaburi 92:9

E Nahano, uyamiri uli mu huuzibwa imyaka neꞌmyakuula.

Zaburi 97:10

Mweshi mwe mukuuziri Nahano, mukizi shomba amabi. Mukuba, Rurema ye mu mùlanga, anamùkize mu bushobozi bwa banangora-mabi.

Zaburi 97:8

E Nahano, yaga gooshi, ikyanya abandu beꞌSayuni bali mu gayuvwa kwokwo, banashambaale. Kiri naꞌba mu twaya tweꞌBuyuda, nabo banashagaluke. Mukuba, we mu twa imaaja ku njira íkwaniini.

Kulyoka 20:6

Kundu kwokwo, ikyanya abandu bali mu ba banguuziri, banabe banzimbahiri, ndi mu kizi bagirira amiija, halinde ku bibusi bihumbi neꞌbihumbi.

Migani 4:18

Imikolezi ya ábakwaniini, iri nga lukula. Umulengeerwe gwayo, guli mu kizi genderera ukuyaka, halinde izuuba linatanguule.

Danyeri 12:3

Abitegeereza bagakizi langashana nga íbiri kwiꞌgulu. Na ábâli kizi yerekeza abandi kwo bagire íbikwaniini, nabo bagakizi langashana nga ndonde, halinde imyaka neꞌmyakuula!

Hosheya 6:3

«Emwe! Bwangaba bwija tulongage ukumenya Nahano nga ngiisi kwo ali. Ee! Tukizi gira umwete bweneene, halinde tumúmenye bwija. Na kwo kali kasiisa kwiꞌzuuba liri mu kizi huluka, kiri neꞌnvula iri mu bombeesa idaho ku mahona-nvula, kwo kanalyagagi kasiisa kwo agatushuvya.»

Mataayo 13:43

Haliko, ngiisi ábakwaniini imbere lya Daata, boohe, bagakizi langashana mu bwami bwage ngiꞌzuuba. Ngiisi úhiiti amatwiri, ayuvwe!

Barumi 8:28

Tuyiji kweꞌkyanya abandu bali mu ba bakuuziri Rurema, ali mu bakolera amiija mu kati ka byoshi. Mukuba, akabahamagala yenyene ku shungi zaage.

1 Bakorindo 8:3

Halikago, iri umundu angaba akuuziri Rurema, yoyo ye nayijikiini imwage!

Bahefeso 6:24

Rurema akizi mùgashaanira mweshi, mwe mukuuziri Nahamwitu Yesu Kirisito ku rukundo úlutâye male.

Bukengeeze 6:5

Kwokwo, mukizi múkunda ku mutima gwinyu gwoshi, na ku nzaliro ziinyu zooshi, na ku misi yinyu yoshi.

Bukengeeze 7:9

«Ku yukwo, mumenye kwo Nahano naaho, ye Rurema woꞌkuli. Ikyanya abandu bali mu ba bamúsimbahiri, kuguma neꞌmaaja zaage, naye ali mu ba asimbahiri ikihango kyage mu kati koꞌrukundo, halinde ukuhisa ku bibusi kihumbi.

Yakobo 1:12

Umundu ahiriirwi, ikyanya ali mu yihangaana mu magezo! Mukuba, ikyanya agaaba keera agahima, Rurema agamúhemba ubulamu, lube lushembe lwage. Ngiisi ábamúkuuziri, kwokwo kwo âli mali gwanwa abalagaania.

Yakobo 2:5

E beene witu bakundwa! Munyuvwirize bwija! Ngiisi ábali mu bonerwa mu kihugo kwo bali bakeni, baabo bo Rurema keera akatoola kwo bo bagaaba bagale ku bwemeere. Ee! Bwo bakuuziri Rurema, bagahaabwa ubwami bwo akatulagaania.

1 Peturu 1:8

Kundu mutazi bona Yesu, haliko mukoli múkuuziri. Na kundu mutamúbwini, haliko mukoli múbiisiri kwoꞌbwemeere. Munakoli yijuziibwi mwoꞌbushambaale bwaꞌkahebuuza, bwo tutangamenyi deta.

Bwigule 1:16

Mu kuboko kwage kweꞌlulyo, âli fumbiiti mweꞌndonde zirinda. Na mu kanwa kaage, âli bangisiri mweꞌngooti. Iyo ngooti, yâli ryagagi nyugi bweneene! Amalanga gaage, gâli langashiini bweneene, pepeepe, gâli riiri ngiꞌzuuba keera íryadaruula.

Bwigule 18:20

We igulu, ushambaalage! Mukuba, keera kashereera! Na niinyu mwe ndumwa, kuguma naꞌbaleevi, naꞌbandi bandu ba Rurema booshi, niinyu mushambaale kwakundi! Mukuba, kundu yako kaaya kâli kizi mùgirira amabi, haliko, keera Rurema akatwira ulubaaja hiꞌgulu lyago.

Bwigule 6:10

Iyo mitima yabo, yanateerera umulaga kwokuno: «E Nahano woꞌbushobozi bwoshi! Ulyagagi mweru, unali woꞌkuli. Aaho! Ugalindirira halinde mangoki ukatuyihoolere, mu kutwa imaaja zaꞌbandu beꞌkihugo? Si bo bakatuyita!»

Batwi beꞌmaaja 3:11

Ikihugo kyanamala imyaka makumi gana, kiri mwoꞌmutuula. Ha nyuma, uyo Hotinyeri anashaaja.

Batwi beꞌmaaja 3:30

Kwokwo, kwaꞌBahisiraheeri bakahima Abamohabu. Ikihugo kyanahisa imyaka makumi galimunaana, kiri noꞌmutuula.