Batwi beꞌmaaja 5:30 - Kifuliiru

³⁰ “Ku kasiisa, keera banyaga ibindu byaꞌbagoma. Na buno, bakoli tondiiri ukubigabaana. Ngiisi musirikaani, analongage munyere muguma, kandi iri banyere babiri. Siseera yenyene, alonga imirondo yeꞌkitangaaza. Kwokwo, naani, keera nalonga imirondo íbuyahiri, inatyeriiri bweneene. Neꞌgindi íri milukire kuguma, igaaba ya mwiꞌgosi lyani.”

Batwi beꞌmaaja 5:30 ပူးပေါင်းရင်းမြစ်များ

Ndondeko 37:3

Bwo Yakobo akabuta Yusefu mu bushaaja bwage, âli múkuuziri bweneene, ukuhima abandi baana baage booshi, kyanatuma agahangira Yusefu ikooti lyoꞌmulimbo.

2 Samweri 13:18

Uyo mukozi anayami lasha Tamaari imbuga, anahamika ulwivi. Ku yikyo kyanya, Tamaari âli yambiiti ikanju lyeꞌkishingo, lyeꞌndobe-ndobe. Imirondo mwene iyo, yo yâli kizi yambalwa naꞌbaluzi-nyere.

Hayubu 20:5

Balya banangora-mabi, kundu baki shambiiri, halikago yukwo kushambaala kwabo, kukola kugaamala. Kundu baki gweti bagashambaala, haliko ubushambaale bwabo, butagayama ho.

Zaburi 45:14

Umuluzi-nyere agweti agakulindirira mu kisiika kyage. Ayambiiti ikanju lyeꞌndobe-ndobe zeꞌnooro.

Zaburi 68:12

Ikyanya Nahano akakyula, abahya-kazi bingi bweneene, banagenda bagweti bagamenyeesania kwokuno: «Abaami kuguma naꞌbasirikaani baabo, keera bakapuumuka.» Abakazi banasigala mu kaaya, bagweti bagagabaana iminyago.

Kulyoka 15:9

Uyo mugoma ashuba mu yihaya, ti: “Ngabakulikira, halinde mbabindike. Na ngabe neꞌbindu byabo, halinde inyoota imale. Ee! Tugayomola ingooti ziitu, halinde tunabaminike naꞌmaboko giitu.”

Kulyoka 27:16

Umulyango gwoꞌkuyingira mu lubuga, gubiikwe kwoꞌmulondo gweꞌnuzi zeꞌkitaani, na zoꞌbwoya bwiꞌbara lya namukungumo, na lyeꞌkituku-tuku, neꞌlidukula. Yugwo mulondo, gugaaba gweꞌmeetere mwenda, gunalimbiisibwe bwija, gunashwekerwe ku nguliro zina, ndereke ku biterekero byazo bina.

Migani 16:19

Buli bwija ukuba mutuudu, kundu wangatindimazibwa, ho mwangagabaana iminyago na ábali mu yikangaata.

Hisaaya 9:2

E Rurema! Keera ukakuza ikihugo kiitu, halinde abandu baawe bakola mu kushambaalira. Bagweti bagakizi shambaala imbere lyawe, nga bandu ábali mu shambaalira umwimbu, na nga bandu ábagweti bagaagaba iminyago.

Batwi beꞌmaaja 5:19

Abaami beꞌKaanani, bakayiji tuteera iyo munda i Tanaaki, ha butambi lyeꞌshyoko zeꞌMegido. Kundu kwokwo, ndaazo harija zo bakanyaga ho.

Batwi beꞌmaaja 5:29

Lyeryo, analonga ishuvyo ukulyoka imwoꞌmuluzi-nyere mwitegeereza. Yiryo ishuvyo, anakizi litondobola-tondobola, ti: