Batwi beꞌmaaja 5:11 - Kifuliiru

¹¹ Mukizi yuvwiriza ha birigo byaꞌmiiji, ngiisi kwaꞌbavwomi bagweti bagaganuula. Bagweti bagaadeta ngiisi kwo Nahano akalonga ubuhimi, banagweti bagaadeta ngiisi kwaꞌbandu baꞌkaaya bakahima. Haaho, abandu ba Nahano banamanukira ku marembo goꞌtwaya.

Batwi beꞌmaaja 5:11 ပူးပေါင်းရင်းမြစ်များ

Ndondeko 24:11

Uyo mukozi, mbu ahikage kwiꞌhulukiro lyaꞌkaaya, anabona heꞌkirigo, anahavyagiza ingamiya. Kâli kola kabigingwe, kyo kyanya abakazi bâli kizi yiji vwoma.

Ndondeko 29:2

Neꞌri akalangiiza, anabona ikirigo mu ndagiriro. Haaho haꞌbangere bâli kizi leeta ibibuzi biyiji shyola. Na ku yikyo kyanya, ha butambi lyakyo, hâli vyagiiri inguuli zishatu zeꞌbibuzi. Haliko, kyâli koli tumbikiirwi niꞌbuye lihamu.

Ndondeko 29:3

Ikyanya yibyo bitugwa byoshi byâli kizi ba keera byakuumana ha kirigo, abangere banakizi kitumbuula kwiꞌbuye, babuli bivwomera, halinde bishyolage. Ha nyuma, banashubi kitumbikira.

Hayubu 29:7

«Nanakizi humaanana naꞌbashaaja kwiꞌrembo lyaꞌkaaya, nanababeera mwo, mu kati koꞌlushaagwa.

Zaburi 145:7

Ikyanya bagakizi kengeera ubwija bwawe, bagakizi bushagakulira, banakizi yimba ku bushambaale, bwo uli mu gira íbikwaniini.

Zaburi 71:15

Kundu ndayiji ngiisi kwo nangasobaanura ukuli kwawe, haliko, ngakizi shiiba ngweti ngakuhuuza, bwo we mu gira íbikwaniini.

Hisaaya 12:3

Ikyanya mugakizibwa, lyo mugashambaala bweneene, nga ku kyanya muli mu vwoma amagoloovi mu shyoko.

Hisaaya 28:6

Lyeryo, lyo agaheereza abatwi beꞌmaaja ubwitegeereze, gira bakizi zitwa ku njira íkwaniini. Naꞌbasirikaani ábagaaba bali mu lwira irembo lyaꞌkaaya, agakizi bakania indege.

Yeremiya 7:2

«Ewe! Ugendi yimanga ha mulyango gweꞌnyumba ya Nahano, unabwire abandu kwokuno: E Bayuda! Mwe muli mu kizi yingira muno, mbu muyikumbe Nahano. Aahago! Muyuvwe igambo lyage.

Kimombo 5:4

Amagoloovi giitu, leero tukola mu gagula. Kiri neꞌshaali ziitu, zikola neꞌkishingo kikayu.

Kimombo 5:9

Mu kuloozagya ibyokulya biitu, tuli mu yibiika ho twangasiga amatwe. Abiitani bagweti bagatuhinda-hinda mwiꞌshamba.

Mika 6:5

E maashi, bandu baani! Kengeeragi bwija ngiisi kwo Balaaki, mwami weꞌMohabu âli loziizi ukumùdaaka. Mukengeere ngiisi kwo Balaamu, mugala Behoori akamúshuvya. Kengeeri na ngiisi kwo nâli kizi mùkiza, ukulyoka i Shitimu, halinde ukuhisa i Girigaali. Munamenye kwo Nahano agweti agaagira íbikwaniini!»

Bukengeeze 22:24

Emwe! Yabo bombi, mugayami bahalamulira kwiꞌrembo lyaꞌkaaya, munabayite mu kubalasha amabuye. Uyo munyere, íbitumiri agayitwa, bwo atayamiza, anashuba mu kaaya. Na íbitumiri uyo mushosi agayitwa, bwo akayulubaza ishasha yoꞌwabo.

Bukengeeze 33:21

Gaadi akatoola uluhande lwija lweꞌkihugo. Akayilangira umutuli gwoꞌmutwali. Akaba mwimangizi waꞌbandu, mu kukwiza byo Nahano akashungika. Anakizi twira Abahisiraheeri imaaja ku njira íkwaniini.»

Batwi beꞌmaaja 11:40

ku ngiisi mwaka, abahya-kazi baꞌBahisiraheeri bali mu shaaga mu kaaya, halinde ukuhisa isiku zina, gira bagendi kengeera munyere Yefuta weꞌGiryadi.

Batwi beꞌmaaja 5:8

Ikyanya Abahisiraheeri bakatondeera ukuyikumba ibindi-bindi, mu kihugo kyabo, mwanayami yingira izibo. E balya, mu bandu bihumbi makumi gana byaꞌBahisiraheeri, hatakaboneka weꞌngooti, kandi iri weꞌsiribo.

1 Samweri 12:7

Aaho! Mugire muyimangage hano, gira nimùkengeeze hiꞌgulu lyaꞌmiija gooshi go Nahano âli kizi mùgirira, kuguma na bashokuluza biinyu.