Batwi beꞌmaaja 4:16 - Kifuliiru

¹⁶ Yabo basirikaani ba Siseera, ulya Baraka anagenda abalandiriziizi, kuguma na ábâli mu magaare gaabo, halinde banatibitira i Harosheeti-Hagoyimu. Baraka anagendi baminikira yo booshi, hatanasigala kiri na woꞌmuti.

Batwi beꞌmaaja 4:16 ပူးပေါင်းရင်းမြစ်များ

Zaburi 104:35

Haliko, banangora-mabi boohe, bazimiizibwe nyene mu kihugo, halinde bataki shubi boneka mwo. E mutima gwani, ukizi yivuga Nahano. Ugenderere ukukizi múyivuga.

Zaburi 83:10

Aaho! Ngiisi ábali mu gira yiryo igambi, ubahaniirize. Kubaagage nga kwo ukahana abandu beꞌMidyani, kuguma na Siseera na Yabiini, ha lwiji Kishooni.

Zaburi 83:9

Kiri naꞌBahasuriya keera bakabayibiikaga kwo, gira bayushuule beene Luutu mweꞌmisi.

Kulyoka 14:28

Galya miiji, ganayami bindikira amagaare gaabo giꞌzibo, kuguma na ábâli kizi gendera ku fwarasi. Kundu abasirikaani ba Faraho bâli kulikiiri Abahisiraheeri, haliko balya booshi banakamira mwomwo mu nyaaja. Ndaanaye kiri noꞌmuguma wabo úkafuuka.

Hisaaya 43:17

Nꞌgaleeta ibikalage byaꞌbasirikaani beꞌMiisiri, kuguma naꞌmagaare giꞌzibo, neꞌfwarasi. Yibyo byoshi, byanayami bindikirwa! Batâye ki yinamuke, bwo bakashereera booshi, nga kwoꞌlutambi lwiꞌtara luli mu zimuuka.

Barumi 2:12

Ikyanya abandu bali mu gira ibyaha buzira kumenya Imaaja za Musa, bâye teereke buzira kuzilegwa kwo. Haliko abaabo, ikyanya bagweti bagayifunda mu byaha, banakoli yiji Imaaja zaage, boohe, bagatwirwa ulubaaja ukukulikirana na ngiisi kwo zidesiri.

Yakobo 2:13

Iri abandu bangaba batali mu bonerana ulukogo, iri nabo batagalubonerwa. Haliko, iri bangaba bali mu lubonerana, iri nabo, mu kutwirwa ulubaaja, bagaakogwa.

Yoshwa 10:10

Haaho yabo Bahamoori, Nahano anababuligania imbere lyaꞌBahisiraheeri, halinde banalabikwa mwaꞌbandu bingi i Gibyoni. Abahisiraheeri banagenda babayimwiri, halinde ku mudulumuko gweꞌBeeti-Horoni, banabahiiva ukulyokera i Hazeeka, halinde i Makeeda. Yaho hooshi, bakahaminikira abandu bingi.

Yoshwa 11:8

Yabo baami, Nahano anababiika mu maboko gaabo. Abahisiraheeri banabahima, banabapuumuka kwo, halinde mu kaaya kahamu keꞌSidooni, neꞌMisirepooti-Mayimu, noꞌluhande lweꞌsheere lweꞌndekeera yeꞌMisipa. Mu yiryo izibo, ndaaye kiri noꞌmuguma yaꞌBahisiraheeri bakasiga.

Batwi beꞌmaaja 4:17

Ku yikyo kyanya, Siseera anagendi yifunda mwiꞌheema lya Yaheeri. (Yaheeri, âli riiri muka Hebeeri, Umukeeni.) Na íbikatuma agapumukira mwo, bwo uyo Hebeeri âli yijiini na mwami Yabiini weꞌHazoori, anâli yijiini kiri naꞌbandu beꞌmbaga ya Hebeeri.

Batwi beꞌmaaja 4:2

Kyanatuma agababiika mu maboko ga Yabiini, mwami weꞌKaanani. Uyo Yabiini âli tuuziri i Hazoori. Noꞌmukulu waꞌbasirikaani baage, iziina lyage ye wâli Siseera, weꞌHarosheeti-Hagoyimu.