Batwi beꞌmaaja 3:28 - Kifuliiru

²⁸ Anababwira kwokuno: «Mungulikire! Si balya Bamohabu bali bagoma biitu. Na keera Nahano ababiika mu maboko giinyu.» Yabo bandu banagenda bamúkulikiiri, banamanuka, halinde ku kyambu kyaꞌBamohabu, ku lwiji Yorodaani, banakigwata. Abahisiraheeri batanahanguula kwo hagire umundu úgajabuka.

Batwi beꞌmaaja 3:28 ပူးပေါင်းရင်းမြစ်များ

1 Baami 20:21

Kwokwo, kwo mwami waꞌBahisiraheeri akahima mwiꞌzibo, anagwata ifwarasi, kiri naꞌmagaare mingi giꞌzibo, anayita Abaharaamu bingi.

Yoshwa 2:7

Yabo bandu ba mwami, ikyanya bakahuluka mu kaaya, ulwivi lwiꞌrembo lwanayami hamikwa, banakizi genda bagabashakula, halinde banahika ku byambu byoꞌlwiji Yorodaani.

Batwi beꞌmaaja 10:11

Nahano anabashuvya: «Mwâli kizi longa amalibu i Miisiri, na mu kihugo kyaꞌBahamoori, na mu kyaꞌBahamooni, na mu kyaꞌBafirisiti,

Batwi beꞌmaaja 12:5

Yabo beene Giryadi, banagwata ibyambu byoꞌlwiji Yorodaani, íbyâli loziri uluhande lweꞌHifurahimu. Kwokwo, ngiisi mundu úwâli kizi lenga yaho, beene Giryadi bâli kizi múbuuza: «Ka uli mwene Hifurahimu?» Neꞌri uyo mundu âli kizi lahira,

Batwi beꞌmaaja 3:29

Ku lwolwo lusiku, banayita abandu nga bihumbi ikumi byaꞌBamohabu. Na booshi bâli riiri bishugusha, banâli riiri bihagange. Kundu kwokwo, ndaaye kiri noꞌmuguma wabo úkafuuka.

Batwi beꞌmaaja 4:10

Yaho i Kedeeshi, Baraka anatumira abandu bihumbi ikumi boꞌmulala gwa Nafutaali, noꞌgwa Zabulooni. Booshi, banakuumana yaho, kuguma na Deboora.

Batwi beꞌmaaja 7:14

Uwabo, ti: «Yibyo birooto byawe, biyerekiini hiꞌgulu lyoꞌlya Muhisiraheeri Gidyoni mugala Yohaashi. Mukuba, Abamidyani booshi, kuguma naꞌbasirikaani baabo, Rurema keera ababiika mu maboko gaage.»

Batwi beꞌmaaja 7:15

Yibyo birooto, iri Gidyoni akabiyuvwa, kuguma noꞌmugeeza gwabyo, anayikumba Rurema. Lyeryo, anayami galukira mu shumbi yaꞌBahisiraheeri, anadeta kwokuno: «Vyukagi tugende. Keera Nahano abiika Abamidyani mu maboko giinyu.»

Batwi beꞌmaaja 7:17

Anababwira: «Mukizi ndola kwo, halinde ku kyanya ngaahika ku mbeka yeꞌshumbi yaꞌBamidyani. Haaho, ngiisi kwo ngagiraga, kube kwo na niinyu mugaagira.

Batwi beꞌmaaja 7:24

Uyo Gidyoni anatuma indumwa mu migazi yeꞌkihugo kyeꞌHifurahimu, ti: «Mumanukage, muyiji lwisa Abamidyani. Munabatange ha birigo byoꞌlwiji Yorodaani, halinde i Beeti-Baara.» Yabo beene Hifurahimu banamanuka, banagwata lulya lwiji Yorodaani, halinde i Beeti-Baara. Kwokwo, kwo bakagira, nga ngiisi kwo bakabwirwa.

Batwi beꞌmaaja 7:9

Iri hakaba bushigi, Nahano anabwira Gidyoni: «Yimukaga, ugendi bateera. Keera nababiika mu maboko gaawe.

1 Samweri 17:47

Kiri na bano bandu booshi ábakumaniri hano zeene, lyo bagaamenya kwo Nahano, ikyanya agaakiza abandu, atali mu koleesa amatumu, kandi iri ingooti. Si izibo liri lyeꞌmwage, ye ganamùbiika mweshi mu maboko giitu.»