Batwi beꞌmaaja 21:8 - Kifuliiru

⁸ Banashubi buuza, ti: «Mu milala yaꞌBahisiraheeri, ka hali umulala úgutahika hano i Misipa, imbere lya Nahano?» Banayami menya kwo ndaaye mundu úwalyoka i Yabeeshi-Giryadi.

Batwi beꞌmaaja 21:8 ပူးပေါင်းရင်းမြစ်များ

1 Kutondobola 10:11

Abandu beꞌYabeeshi-Giryadi, iri bakayuvwa ngiisi kwaꞌBafirisiti bakagirira Sahuli,

Batwi beꞌmaaja 21:7

Keera tukabiika indahiro kwiꞌziina lya Nahano, kwo batâye yange banyere biitu. Aaho! Yaba bashosi ábakafuuka mu mulala gwa Binyamiini, kuti kwo tugabaheereza abakazi?»

Batwi beꞌmaaja 21:9

Mukuba, bakaharuura abandu ábâli riiri yaho, banabona kwo ndaaye mundu wabo úwâli riiri ho.

Batwi beꞌmaaja 5:23

«Umuganda wa Nahano anadeta kwokuno: “Akaaya keꞌMeroozi, kadaakwe. Abatuulaga baamwo, badaakirizibwe. Mukuba, batakayiji tabaala Nahano. Ee! Ikyanya indwani zikayiji teera Nahano, batakayiji mútabaala.”

1 Samweri 11:7

Anayami yabiira ishuuli zibiri, anazitema bitolo-bitolo. Inyama zaazo, anazituma mu Bahisiraheeri booshi. Indumwa zanakizi deta: «Ngiisi mundu útagayibiika ku Sahuli na ku Samweri, anabe alahiiri ukugenda mwiꞌzibo, kwoku kweꞌshuuli zaage zigatemwa-temwa.» Nahano anateera ikyoba mu Abahisiraheeri, kyanatuma booshi kuguma bagayimuka.

1 Samweri 11:9

Banabwira yizo ndumwa: «Mugendi bwira abandu beꞌYabeeshi-Giryadi kwokuno: “Kusheezi, ku kyanya kyaꞌkalenge-renge, mugaaba keera mwaguluulwa.”» Ikyanya zikagendi bwira abandu beꞌYabeeshi kwokwo, banashambaala bweneene.