Batwi beꞌmaaja 20:32 - Kifuliiru

³² Ku yikyo kyanya, beene Binyamiini bâli gweti bagayihaya, ti: «E balya, keera twabafuta kandi. Byaba nga kwo tushuba mu bafuta-futa.» Balya baabo Bahisiraheeri banayidesa: «Tubatibitage, halinde ku njira ya namuhirye, lyo tubatwala hala naꞌkaaya kaabo.»

Batwi beꞌmaaja 20:32 ပူးပေါင်းရင်းမြစ်များ

Yoshwa 8:5

Naani, kuguma naꞌbandi booshi bo tuliriinwi, tugagendi kateera hiꞌrembo lyako. «Mango yabo batuulaga bayiji tulwisa nga kulya kwa mbere, tugatee bapuumuka.

Yoshwa 8:6

Nabo, bagayija batulandiriziizi kwo, halinde batushendekeze hala naꞌkaaya kaabo. Bagaatona kwo batuhima, nga kwokulya kwa mbere. Ikyanya tugaaba tukola mu bapuumuka,

Batwi beꞌmaaja 20:31

Ikyanya beene Binyamiini bakahuluka mu kaaya, Abahisiraheeri banabatibita, lyo babahulusa mu kaaya. Beene Binyamiini banashubi yitira Abahisiraheeri baguma mu ndagiriro, na mu njira, nga kwo bakagira ubwa mbere. Injira nguma yâli kizi genda i Beteeri, neꞌyabo yâli kizi genda i Gibeya. Yabo Bahisiraheeri ábakayitwa, bâli riiri nga makumi gashatu.

Batwi beꞌmaaja 20:33

Lyeryo, Abahisiraheeri booshi banalyoka yaho. Neꞌri bakahika i Baali-Tamaari, banasikama. Abaabo ábâli bishamiri mu ndekeera yeꞌGibeya, banayami bishuuka.

Batwi beꞌmaaja 20:39

munayami hinduka, mulwise beene Binyamiini.» Ku yikyo kyanya, yabo beene Binyamiini bâli mali yita Abahisiraheeri makumi gashatu, banakizi yihaya, ti: «Tugweti tugabafuta, nga kwo tuyamiri tuli mu bafuta.»