Batwi beꞌmaaja 18:27 - Kifuliiru

²⁷ Birya bindu byo Mika akatuliisa, beene Daani banabitwala, banatwala noꞌlya mugingi úwâli kizi múkolera. Ha nyuma, banagendi teera kirya kihugo kyeꞌLahishi. Na kundu abatuulaga baamwo bâli yituliiri mu kati koꞌbutoge, na buzira luhahalizi, haliko banabaminika booshi ku ngooti. Kiri naꞌkaaya kaabo, banakajigiivya.

Batwi beꞌmaaja 18:27 ပူးပေါင်းရင်းမြစ်များ

Ndondeko 49:16

«Daani agakizi twala abandu baage, nga kweꞌgindi milala ituula igira.

Bukengeeze 33:22

Ku luhande lwa beene Daani, Musa anadeta: «Daani ali nga mwana weꞌndare, úgweti úgasimba-simba ukulyoka i Bashaani.»

Yoshwa 11:11

Mu yako kaaya, anaminika abatuulaga baamwo booshi. Mu byoshi íbyâli noꞌmuuka, ndaakyo kyo akasiga. Ha nyuma, anasivya akaaya koonyene.

Yoshwa 19:47

Kundu kwokwo, yabo beene Daani, bakalenga mu malibu, mu kulonga ubwabo buhyane, kyanatuma bagagendi teera akaaya keꞌLeshemu. Neꞌkyanya bakakagwata, banaminika abatuulaga baamwo booshi, banaba bo bagakatuula mwo. Yako kaaya, banakahindula iziina, banakayinika iziina lya shokuluza wabo Daani.

Batwi beꞌmaaja 18:10

Ikyanya mugaahika mwo, mugaabona kwaꞌbandu baakyo batali noꞌluhahalizi. Yikyo kihugo, kiri kihamu, ndaanabyo byo kibuziri. Na buno, Rurema keera akibiika mu maboko giitu.»

Batwi beꞌmaaja 18:26

Ulya Mika, iri akabona kwo bamúhimiri imisi, anajogoboka, anagalukira i kaaya. Yabo beene Daani, banagenderera noꞌlugeezi lwabo.

Batwi beꞌmaaja 18:7

Yabo bandu kwo bali bataanu, banalyoka yaho, banagenda i Lahishi, banagwana yaꞌbandu batuudu, na bazira luhahalizi lwoshi. Yabo bandu, bâli tuuziri mu butoge, nga bandu beꞌSidooni. Na mu yikyo kihugo kyabo kyoshi, mutâli riiri umukakazo gwoshi, kandi iri ikiteero kyaꞌbagoma. Na bweꞌkihugo kyabo kyâli riiri neꞌnagiira, kyanatuma bagaaba bagale bweneene. Kundu kwokwo, bâli tuuziri hala naꞌbandu beꞌSidooni, ndaanabo bandi bandu bo bâli komberiinwi.

Batwi beꞌmaaja 8:11

Yabo basirikaani boꞌkujeba-jeba, kwo bâli lyosiri isheere, Gidyoni kuguma naꞌbandu baage, banagenda babalandiriziizi halinde i Noba, neꞌYogibeha. Banagwana yaꞌbasirikaani, bagweti bagayihumeera kwo bali noꞌbutoge, anabatubiira, anabateera.