Batwi beꞌmaaja 18:17 - Kifuliiru

¹⁷ Ikyanya balya bandu bataanu bakayingira mu nyumba, banayabiira lirya ikangaata, na gulya muzimu úgwâli kizi yikumbwa, neꞌrya migisi. Ku kyekyo kyanya, ulya mugingi âli yimaaziri kwiꞌrembo, kuguma na balya bandu magana galindatu.

Batwi beꞌmaaja 18:17 ပူးပေါင်းရင်းမြစ်များ

Ndondeko 31:19

Neꞌkyanya Labaani akagendi kema ibibuzi byage ubwoya, Laheeri analonga ubulyo bwoꞌkumúzimba imigisi yage.

Ndondeko 31:30

Nyiji kwo ukoli kumbwiri yisho bweneene, kyo kikatuma ukayongoloka. Kundu kwokwo, kituma kikagi ukagenda wazimba imigisi yani?»

Kulyoka 32:20

Lyeryo, anayabiira gulya mugisi, anaguduulika kwoꞌmuliro, anagujigiivya, halinde gwanaba lukungu. Yulwo lukungu, analufusha mwaꞌmagoloovi, anaganywesa Abahisiraheeri ku misi.

Hisaaya 41:29

Aahabi! Iyo migisi yoshi, si iri yeꞌbibeesha naaho! Imikolezi yayo iri ndaayo. Iryagagi mimaata naaho, nga mbuusi!»

Hisaaya 46:7

Bali mu kizi gibetula ha bitugo, banagendi gishinga ahandu halebe. Haaho, ho iri mu beera, itanashobwiri ukugira kwo ihashaage. Na kundu abandu bangagitakira, itangahasha ukubashuvya. Na kundu bangaba bagoozirwi, itashobwiri ukubatabaala.

Hezekyeri 21:21

E ngooti! Ukizi temaga ilulyo, neꞌlumosho. Niꞌsongo lyawe, ulihindize imbande zooshi.

Hosheya 3:4

Kwokwo, kwaꞌBahisiraheeri bagaramba isiku nyingi, buzira mwami, na buzira batwali. Kiri ukutanga amatuulo kugaaba ndaakikwo. Kwakundi, indundo zaꞌmabuye, naꞌbagingi, neꞌmigisi, neꞌbikolanwa byoꞌkukizi hanuusa Rurema, bigaaba ndaakibyo.

Mika 5:13

Ngahongolaga imigisi yinyu Hasheera, na njereeze noꞌtwaya twinyu.

Batwi beꞌmaaja 18:14

Balya bagahirizi bataanu ábâli geeziri mu kihugo kyeꞌLahishi, banabwira beene wabo: «E balya, mu zino nyumba íziri hano, hali inyumba nguma íri mwiꞌkangaata lyoꞌmugingi. Muli umuzimu úguli mu yikumbwa, muli neꞌmigisi. Aahago! Mukoli yiji kwo tugaagira.»

Batwi beꞌmaaja 18:16

Ku kyekyo kyanya, balya bandu magana galindatu boꞌmulala gwa Daani, bâli koli yimaaziri kwiꞌrembo, bali neꞌbyugi.

Batwi beꞌmaaja 18:18

Iri akabona kwo balya bagahirizi bayingira mu nyumba ya Mika, banayabiira birya byoshi, anababuuza: «Maki gano go mugweti mugaagira?»

Batwi beꞌmaaja 18:2

Kwokwo, banayitoola mweꞌbikalage bitaanu byeꞌndwani, ukulyoka mu kaaya keꞌZoora, na mu keꞌHeshitaholi, banabatuma kwo bagendi gahiriza ikihugo. Iri bakahikaga mu migazi yeꞌkihugo kya Hifurahimu, banahanda mu nyumba ya Mika.

Batwi beꞌmaaja 6:31

Ulya Yohaashi, kundu yabo bandu bâli gweti bagamúkayira, haliko anabashuvya: «Kituma kikagi mugweti mugabulanira Baali? Ka muloziizi kwo mumúkize? Aahago! Ngiisi úgamúbulanira, agayitwa ku mutwezi. Baali, iri angaba ali Rurema, mumúlekage ayibulanire yenyene. Na ngiisi úkahongola akatanda kaage, amúshereeze.»

1 Samweri 19:13

Mikaali anayabiira umugisi, anagugwejeza ku ngingo, anagubwikira noꞌmulondo. Na hiꞌtwe lyagwo, anahabiika umusego gwoꞌbwoya bweꞌmbene.

1 Samweri 4:11

Kiri naꞌKajumba ka Rurema, nako kanagwatwa imbira. Na bagala Heri bombi, Hofini na Finehaasi, banayitwa.