Batwi beꞌmaaja 16:9 - Kifuliiru

⁹ (Ku yikyo kyanya, Delila âli koli bishiri abandu mu kisiika kyage.) Haaho, Delila anakanga Samusooni, mu kuyamiza kwiꞌzu lihamu, ti: «Kwayijwa e Samusooni! Abafirisiti bayiji kuteera.» Samusooni, mbu ayuvwe kwokwo, anayami duutula iyo migozi nga hinuzi hyeꞌkitaani íhyahika kwoꞌmuliro. Delila atanalonga ukumenya akambishwa keꞌmisi yage.

Batwi beꞌmaaja 16:9 ပူးပေါင်းရင်းမြစ်များ

Zaburi 58:9

Ee! Banyerere nga kweꞌkishongo kiri mu nyerera mwiꞌzuuba. Banabe ngiꞌbunda íryashalamuka, buzira kubona izuuba.

Batwi beꞌmaaja 15:14

Samusooni, ikyanya akaba keera ayegeera i Leehi, yabo Bafirisiti banamúyijira, iri banayamiza. Lyeryo, Umutima gwa Nahano gwanayingira mu Samusooni, gwanamúkania indege. Zirya ngoba zo bâli múshwesiri mwo, zanaduuduka nga hinuzi hyeꞌkitaani íhyahika kwoꞌmuliro. Kiri neꞌbifundo, byanatibukira haashi, shati!

Batwi beꞌmaaja 16:10

Ha nyuma, Delila anashubi takira Samusooni, ti: «E mushosi, si wandeba! Ugweti uganjaasa. Buno nakuyinginga, maashi, umbwire ngiisi byo bangakukona mwo.»

Batwi beꞌmaaja 16:7

Samusooni anamúshuvya: «Iri umundu anganjweka neꞌmigozi irinda mibishi yeꞌmitudu, haaho, lyo ngaaba mu bukaholwe, nga bwaꞌbandi bandu.»

Batwi beꞌmaaja 16:8

Kwokwo, yabo bakulu baꞌBafirisiti, banaleetera Delila iyo migozi irinda mibishi yeꞌmitudu, anamúshweka.