Batwi beꞌmaaja 15:14 - Kifuliiru

¹⁴ Samusooni, ikyanya akaba keera ayegeera i Leehi, yabo Bafirisiti banamúyijira, iri banayamiza. Lyeryo, Umutima gwa Nahano gwanayingira mu Samusooni, gwanamúkania indege. Zirya ngoba zo bâli múshwesiri mwo, zanaduuduka nga hinuzi hyeꞌkitaani íhyahika kwoꞌmuliro. Kiri neꞌbifundo, byanatibukira haashi, shati!

Batwi beꞌmaaja 15:14 ပူးပေါင်းရင်းမြစ်များ

Hayubu 20:5

Balya banangora-mabi, kundu baki shambiiri, halikago yukwo kushambaala kwabo, kukola kugaamala. Kundu baki gweti bagashambaala, haliko ubushambaale bwabo, butagayama ho.

Zaburi 118:11

Kundu bâli nzokaniini imbande zooshi, haliko, nanabaminika ngana kwiꞌziina lya Nahano.

Zaburi 18:34

Ibigere-gere byani, ali mu bisikamya ngeꞌnenge zaꞌkabale. Kiri na ku marango, ali mu ndanga.

Kulyoka 14:3

«Kwokwo, lyo Faraho ayihenda, mbu: “Ishamba likoli bahamiiri, kyo kitumiri bagweti bagalidalamba-dalamba mwo”.

Kulyoka 14:5

Uyo mwami weꞌMiisiri, iri akayuvwa kwaꞌBahisiraheeri bamútibita, anayishuhiza, kuguma naꞌbatwali baage, banadeta: «E balya, makagi gano twagira? Si twaleka Abahisiraheeri bagendage, bataganaki tukolera!»

Mika 7:8

E bagoma baani! Mutagaki mbonyoleza. Mukuba, kundu nangaagwa, haliko ngaki vyuka. Na kundu nangaba mbwatiiri mu kihulu, haliko Nahano agaaba akiri mulengeerwe gwani.

Zakariya 4:6

Haaho, ulya muganda anambwira: «Nahano agweti agabwira Zurubaberi kwokuno: Ukuhasha kwawe, kutagaaba ku misi yawe, kandi iri ku bushobozi bwawe. Si ugaahasha naaho ku butabaazi bwoꞌMutima gwani.

Bafiripi 4:3

Na naawe, we witu mukozi mwemeera, nakuhuuna kwo yabo bamaawe, ubatabaale. Mukuba, yabo bombi twâli kizi himbukira kuguma, mu kukizi kolera Imyazi Miija. Twanâli kizi gikolera kuguma na Kerema, naꞌbiitu bakozi. Yabo booshi, amaziina gaabo gakola mayandike mu kitaabo kyoꞌbulamu.

Batwi beꞌmaaja 14:19

Lyeryo, Umutima gwa Nahano gwanayami yingira mu Samusooni, anaba mwoꞌbushobozi. Kyanatuma agayami genda mu kaaya keꞌHashikelooni, anayita mwaꞌbandu makumi gashatu, ananyaga ibyambalwa byabo byoꞌmulimbo, anabiheereza balya ábakalimbuula gulya mugani. Samusooni, anaba akoli rakiiri bweneene, kyanatuma agalyoka yaho, anataahira imunda ababusi baage.

Batwi beꞌmaaja 14:6

Uyo Samusooni, haaho Umutima gwa Nahano gwanamúyingira mwo, gwanamúshoboleesa. Irya ndare, anagijanganula, nga kwokulya umundu angajanganula ihyanahene. Yibyo Samusooni akagira, atakabiganuulira ababusi baage.

Batwi beꞌmaaja 15:13

Na wa nabo, ti: «Nanga maashi! Tutagakuyita, si tugakushweka naaho, tunagendi kusikiiriza mu maboko gaabo.» Kwokwo, banamúkona neꞌngoba zibiri mbyahya, banamúhulusa mu lwala.

Batwi beꞌmaaja 15:9

Abafirisiti banayiji shumbika mu poroveesi yeꞌBuyuda, banagendi teera akaaya keꞌLeehi.

Batwi beꞌmaaja 16:12

Delila anayabiiraga ingoba mbyahya, anamúshweka. (Ku yikyo kyanya kandi, Delila âli bishiri abandu mu kisiika kyage.) Lyeryo, anashubi kanga Samusooni mu kuyamiza: «E Samusooni, Abafirisiti kandi bayiji kuteera!» Zirya ngoba, uyo Samusooni anayami shubi ziduutula nga hihiku.

Batwi beꞌmaaja 16:24

Ikyanya abandu bakabona Samusooni, banahuuza umuzimu gwabo, mu kudeta: «Umugoma witu, ye shuba mu shereeza ikihugo kiitu, akanatumala bweneene. Kundu kwokwo, keera umuzimu gwitu gwamúbiika mu maboko giitu.»

Batwi beꞌmaaja 16:9

(Ku yikyo kyanya, Delila âli koli bishiri abandu mu kisiika kyage.) Haaho, Delila anakanga Samusooni, mu kuyamiza kwiꞌzu lihamu, ti: «Kwayijwa e Samusooni! Abafirisiti bayiji kuteera.» Samusooni, mbu ayuvwe kwokwo, anayami duutula iyo migozi nga hinuzi hyeꞌkitaani íhyahika kwoꞌmuliro. Delila atanalonga ukumenya akambishwa keꞌmisi yage.

Batwi beꞌmaaja 3:10

Ulya Hotinyeri, Umutima gwa Nahano gwanamúyingira mwo, anaba mutwi weꞌmaaja mu Bahisiraheeri. Neꞌri akagendi gira izibo noꞌmwami Kushani-Rishatahimu weꞌHaraamu, Nahano anabiika uyo mwami mu maboko gaage.

Batwi beꞌmaaja 5:30

“Ku kasiisa, keera banyaga ibindu byaꞌbagoma. Na buno, bakoli tondiiri ukubigabaana. Ngiisi musirikaani, analongage munyere muguma, kandi iri banyere babiri. Siseera yenyene, alonga imirondo yeꞌkitangaaza. Kwokwo, naani, keera nalonga imirondo íbuyahiri, inatyeriiri bweneene. Neꞌgindi íri milukire kuguma, igaaba ya mwiꞌgosi lyani.”

1 Samweri 10:10

Sahuli noꞌmukozi wage, mbu bahikage i Gibeya, anasanganirwa neꞌkiso kyaꞌbaleevi. Umutima gwa Rurema gwanayami múyingira mwo, naye anatondeera ukutanga ubuleevi.

1 Samweri 10:6

«Lyeryo, Umutima gwa Nahano gugayami kushonookera kwo, unatondeere ukutanga ubuleevi mwe nabo. Yugwo mutima gwage, gugakuhindula, unabe gundi-gundi.

1 Samweri 11:6

Ulya Sahuli, mbu ayuvwagwe kwokwo, Umutima gwa Rurema gwanayami múyijira ku bushobozi, anaraakara bweneene.

1 Samweri 17:35

ndi mu yami bibingiriza, na nvuuse ikyanabuzi mu kanwa kaabyo. Neꞌri byangandeera, ndi mu bigwatira ku kinwanwa, na mbishulike, halinde na mbiyite.

1 Samweri 4:5

Kalya Kajumba keꞌKihango kya Nahano, ikyanya kakahika mu shumbi yaꞌBahisiraheeri, banakabandira akabuuli, awi yiyi yiyi, halinde ikihugo kyoshi kyanajugumbana.