Batwi beꞌmaaja 14:17 - Kifuliiru

¹⁷ Mu yizo siku zirinda zoꞌbugeni, muka Samusooni, anagenderera ukulira. Âli mali múluhya bweneene, kyanatuma gulya mugani, ku lusiku úlugira izirinda, agamúlimbuulira gwo. Lyeryo, mukaage anayami gendi guganuulira beene wabo.

Batwi beꞌmaaja 14:17 ပူးပေါင်းရင်းမြစ်များ

Ndondeko 3:6

Uyo mukazi, anabona kweꞌbitumbwe bya kirya kiti bibuyahiri bweneene, anabona kwo byanganuna mu kanwa. Na kwakundi, byanganabaleetera ubumenyi. Nguye, ku yibyo bitumbwe, anadotola kiguma, anakilya kwo. Na bwo âli riiri na yiba, kyanatuma agamúfumbadika kyo, naye analya.

Hayubu 2:9

Mukaage anayiji múbwira, ti: «E yaga, ka uki gagiiri ukutungaana imbere lya Rurema? Giraga ngana ushaahuze Rurema, gira uyifwire.»

Migani 7:21

Kwokwo, kwoꞌyo mushule akahubiisa yugwo musore ku magambo manunu-manunu. Anagulevya, mu kugulyeryega.

Yeremiya 9:3

«Yehee! Ukizi yiyeka naꞌbiira baawe. Kiri na beene winyu, utayami bayitegera umulundi. Kundu balyagagi beene winyu, si bagweti bamùlyalyania! Kiri na ngiisi mwira, ali kateerania!

Mika 7:5

Mutakolwe mbu mukizi biika umulangaaliro ku mutuulani, kandi iri ku mwira wawe. Hatanagire byo mugabwira kiri na bakiinyu.

Luka 11:8

«Namùbwira kwoꞌyo mundu, kundu atangavyuka noꞌkuheereza uwabo umukate, mbu bwo ali mwira wage, haliko agavyuka ngana, anamúheereze ngiisi íbimúgooziri. Mukuba, uyo wabo, atayoyerera ukumúyiguza.

Batwi beꞌmaaja 14:16

Uyo muka Samusooni anagenda imunda yiba, agweti agabululuka, anamúbwira kwokuno: «Yoho wee! Kiziga utanguuziri, si unjombiri! Keera watwira beene witu umugani, na nienyene, utambwira umugeeza gwagwo.» Samusooni, ti: «Nanga, maashi! Umugeeza gwa yugu mugani, ndazindi gulimbuulira kiri naꞌbabusi baani. Aaho! Ka we namu gulimbuuliraga?»

Batwi beꞌmaaja 14:18

Ku lulya lusiku lwa kalinda, izuuba lítazi sooka, yabo bandu banabwira Samusooni kwokuno: «Bikagi íbinunu ukuhima ubuuki? Na nyandi úhiiti imisi ukuhima indare?» Samusooni anabashuvya: «Inyana yani, mutáki girimiise, mutangalimbwiri yugu mugani.»

Batwi beꞌmaaja 16:13

Delila anashubi mútakira, ti: «E mushosi, kiri buno, uki gweti ugandeba. Unaki genderiiri ukundyogooza. Umbwire, maashi, ngiisi byo bangakukona mwo.» Samusooni, ti: «Yibi bisagi byani birinda, iri wangabilukira mweꞌbihande byeꞌmirondo, unabikonere ku nguliro, lyo ngaaba noꞌbukaholwe nga bwaꞌbandi.»

Batwi beꞌmaaja 16:16

Galya magambo ga Delila, ganakizi huhuukiza Samusooni, ganamúvuna umutima.

Batwi beꞌmaaja 16:6

Kwokwo, Delila anagendi múbwira kwokuno: «E Samusooni, iyi misi yawe ya kahebuuza, nakuyinginga, umbwire ngiisi ho ugilyosiizi. Unambwire na biki byoꞌmundu angakukona mwo, halinde anakuvindagaze.»