Batwi beꞌmaaja 12:9 - Kifuliiru

⁹ Uyo Habusaani âli busiri abaana boꞌbutabana makumi gashatu, na boꞌbunyere gandi makumi gashatu. Yabo banyere baage, akabagondeesa naꞌbandu beꞌgindi milala. Kiri na bagala baage, anabayangira abakazi ba mu gindi milala. Habusaani anahisa imyaka irinda ali mu twa imaaja mu Bahisiraheeri.

Batwi beꞌmaaja 12:9 ပူးပေါင်းရင်းမြစ်များ

Zaburi 127:3

Bagala biitu, bulyagagi buhyane ukulyoka imwa Nahano. Yenyene ye mu tuheereza abaana, bibe bihembo.

Yeremiya 29:6

Mukizi yanga, munabute bayisho na banyoko. Kiri na bagala biinyu, mukizi bayangira. Na banyere biinyu, mukizi bayangiisa, halinde lyo nabo bakakizi buta. Mutagendi keehera mu kihugo kyeꞌBabeeri, si mugendi luguukira mwo.

Batwi beꞌmaaja 10:4

Uyo Yahiiri, âli busiri abaana boꞌbutabana makumi gashatu, banâli kizi gendera ku bapunda makumi gashatu. Bâli twaziri utwaya makumi gashatu mu kihugo kyeꞌGiryadi. Yutwo twaya, tuli mu buuzibwa Twaya twa Yahiri halinde zeene.

Batwi beꞌmaaja 12:10

Iri hakazinda, anashaaja, anaziikwa mu kaaya keꞌBetereheemu.

Batwi beꞌmaaja 12:14

Uyo Habudooni âli busiri abaana boꞌbutabana makumi gana, naꞌbijukulu makumi gashatu. Yabo booshi, bâli kizi gendera ku bapunda makumi galinda. Uyo Habudooni, anahisa imyaka munaana, ali mu twa imaaja mu Bahisiraheeri.

Batwi beꞌmaaja 12:8

Ikyanya Yefuta akaba keera afwa, Habusaani weꞌBetereheemu anaba ye mutwi weꞌmaaja mu Bahisiraheeri.