Batwi beꞌmaaja 11:27 - Kifuliiru

²⁷ Niehe, ndaakyo kindu kyoshi kyo nzindi kuhubira kwo. Si wehe, keera wambubira, mu kuyiji ndeera. Aaho! Nahano ye gatutwira ulubaaja, mu kuhambuula Abahisiraheeri naꞌBahamooni.»

Batwi beꞌmaaja 11:27 ပူးပေါင်းရင်းမြစ်များ

Ndondeko 16:5

Kyanatuma Sarayi agabwira Hiburamu: «Uyu muja-kazi, si nie kakuheereza ye. Halikago, bwo akoli heesiri inda, atakiri mu mbona kwo nie nabuja. Ngiisi mabi gooshi go ali mu ngirira, we koli gabetwiri. Kwokwo, twembi, Nahano ye gatuhambuula.»

Ndondeko 18:25

Nanga! Utangayita ábakwaniini, na ábatakwaniini. Bitanganaziga kwo ábayimaaziri mu kuli, bahanirwe kuguma na banangora-mabi. Si we mutwi weꞌmaaja wa mu kihugo kyoshi, unali mu zitwa mu kati koꞌkuli.»

Ndondeko 31:53

Kwokwo, Rurema wa Hiburahimu, na wa Nahoori, bakizi tuhambuula.» Kwokwo, uyo Yakobo anabiika indahiro kwiꞌziina lya Rurema. Anali ye yishe Hisake âli kizi yoboha.

2 Kutondobola 20:12

Yaba basirikaani ábatuyijira, bali katundu. Tutanashobwiri imbere lyabo. Aaho! Kuti kwo tugaagira? Si tulangaliiri ubutabaazi imwawe! Bwo we Rurema witu, wenyene ubahane.»

Hayubu 23:7

Mukuba, abandu boꞌkuli, bo bangamúganuuza bwija. Kwokwo, bwo Rurema ali mutwi weꞌmaaja zaani, agazindwira kwo ndagweti buhube, ndanâye ki legwe.

Hayubu 9:15

Kundu nangabiiri ngwaniini imbere lyage, ndangamúshuvya. Bwo yehe ye mu twa imaaja, nangamúhuuna naaho, kwo angoge.

Zaburi 50:6

Rurema ye mutwi weꞌmaaja. Kwokwo, igulu ligweti ligatanga ubumasi kwo ali woꞌkuli.

Zaburi 7:11

Rurema, ye siribo yani. Ye gweti úgaakiza abandu boꞌkuli.

Zaburi 75:7

Ndaaye mundu úwangatwa ulubaaja lwoꞌwabo, aba alyoka uluhande lweꞌmuga, kandi iri lweꞌsheere, kandi iri wa mu mbande ziꞌshamba.

Zaburi 82:8

E Rurema, uyimukage, maashi! Ukizi twa imaaja za booshi ba mu kihugo. Si abandu baꞌmahanga gooshi bali beꞌmwawe!

Zaburi 94:2

Uyimukage, maashi! Si we mu twa imaaja zaꞌbandu booshi mu kihugo. Aaho! Ngiisi ábagweti bagayikangaata, ugire ubahane nga kwo bibakwaniini.

Zaburi 98:9

Ee! Yibyo byoshi bikizi yimbira Nahano, bwo agayiji twa imaaja za ábali mu kihugo. Yizo maaja, agakizi zitwira ábali mu kihugo nga kwo bibakwaniini, mu kati koꞌkuli.

Mwigiriza 11:9

E mutabana, ikyanya ukiri musore, ukizi shambaala. Ukizi shagaluka mu mutima gwawe. Ngiisi byo uloziizi ukugira, ubigire. Na ngiisi byaꞌmasu gaawe gayifwijiri, ukizi bikulikira. Kundu kwokwo, ukizi kengeera kwo yibyo byoshi, Rurema agaki kutwira ulubaaja hiꞌgulu lyabyo.

Mwigiriza 12:14

Ngiisi byoꞌmundu agaagira, Rurema agaki bitwira kwoꞌlubaaja. Agalutwa kiri na ku íbiri mu girwa mu bumbishwa, biba biija, kandi iri bibi.

2 Bakorindo 11:11

Kituma kikagi? Ka mbu bwo nimùshombiri? Nanga! Si Rurema yenyene ayiji kwo nimùkuuziri!

2 Bakorindo 5:10

Tweshi, tukwiriiri tuyimange imbere lya Kirisito, gira tutwirwe ulubaaja! Ngiisi muguma witu anahembwe ku byo âli kizi gira ikyanya âli ki tuuziri mu magala, biba biija, kandi iri bibi.

2 Timoteyo 4:8

Buno, ngoli bikiirwi ulushembe, bwo ngoli kwaniini imbere lya Nahano. Yulwo lushembe, agambeereza lwo ku lusiku lwo agagaluka kwo, anabe ali mu twa imaaja ku njira yoꞌkuli. Ndanali nienyene naaho nie galongaga ulushembe. Si agaluheereza na ngiisi bandi ábali neꞌkyedu kyoꞌkubona ngiisi kwo agagaluka.

Baheburaniya 12:23

Keera mukagwana yaꞌbandu biꞌshengero, zo fula za Rurema. Naꞌmaziina gaabo gakoli yandisirwi yumwo mwiꞌgulu. Mwo mukanagwana na Rurema yenyene. Ye mu twa imaaja zaꞌbandu booshi. Mwo mukanagwana neꞌmitima yaꞌbandu ábakoli kwaniini imbere lyage, banakoli tungiini.

Batwi beꞌmaaja 11:28

Kundu Yefuta akashuvya kwokwo, haliko uyo mwami weꞌHamooni atanamútwaza.

1 Samweri 2:10

si ngiisi ábali mu hagana na Nahano bagatemwa-temwa biniga-biniga. Agalavya hiꞌgulu lyabo, nga mulavyo ukulyoka hiꞌgulu, ye ganahana amahanga gooshi. Agaheereza mwami wage imisi. Ee! Bwo keera akamútoola, aganamúhuuza.»

1 Samweri 24:12

«E daata, lolaga ikano lyoꞌmulondo gwawe, lyerino ngoli fumbiiti. Yiri ikano, ikyanya nalishisha, naleka ukukuyita. Kwokwo, umenye ku kasiisa kwo ndakujinikiiri. Kundu ndaalyo igambo lyo nzindi kuhubira kwo, haliko wehe, uki gweti ugambiiva, mbu unyite.

1 Samweri 24:13

«Ku yukwo, ha kati kiitu twembi, Nahano abe ye gaatwa ulubaaja. Keera wambubira bweneene. Kwokwo, hali ikyanya Nahano yenyene anganyihoolera. Si niehe, ndagakuhuma kwo!

1 Samweri 24:15

«E mwami waꞌBahisiraheeri, ka biziziragi kwo ndoziizi ukukuyita? Uyimwiri nyandi? Ka mutumba gwa kabwa? Kandi iri kihuuhulu kyeꞌnguku?

1 Samweri 24:16

Ku yukwo, Nahano abe ye gaalola yiri igambo, anatuhambuule. Abe ye gakizi mbulanira, mu kundyosa mu maboko gaawe.»