Barumi 11:3 - Kifuliiru

³ «E Nahano, keera bakaminika abaleevi baawe, banahongola noꞌtutanda two uli mu tangirwa kwaꞌmatuulo. Nienyene naaho, nie koli sigiiri. Na naani buno, bakoli loziizi ukunyita.»

Barumi 11:3 ပူးပေါင်းရင်းမြစ်များ

1 Baami 18:13

«E nahamwitu, ka utakabwirwa ngiisi kwo nꞌgagira ku kyanya Yezebeeri âli kizi yita abaleevi ba Nahano? Si nꞌgayabiira abaleevi igana, nanakizi babisha makumi gataanu-gataanu mu lwala. Ha nyuma, nanakizi basheegula ibyokulya naꞌmagoloovi.

1 Baami 18:4

Kiri neꞌkyanya umugoli Yezebeeri âli kizi yitiisa abaleevi ba Nahano, Hobadiya anayabiira abaleevi igana, anakizi babisha mu lwala, makumi gataanu-gataanu, anakizi basheegula ibyokulya naꞌmiiji.)

Nehemiya 9:26

«Kundu kwokwo, balya bashokuluza biitu batâli kizi kusimbaha. Si bakakizi huna imbere lyawe, batanatwaza imaaja zaawe. Banayita kiri naꞌbaleevi baawe, banali bo bâli kizi bayinginga kwo bakugalukire. Banakizi tuka iziina lyawe bweneene.

Yeremiya 2:30

«Kundu nꞌgamùhaniiriza, ndaabyo bikamùgirira. Si ikyanya mukahanwa, mutanangalukira. Mwâli kizi minika abaleevi biinyu ku ngooti. Mwehe, mulyagagi nga ndare ndangi íshalisiri, inakola mu janganulana.