Balaawi 6:2 - Kifuliiru

² Harooni na bagala baage kwokuno, hiꞌgulu liꞌtuulo lyoꞌkusiriiza lwoshi: «Yiryo ituulo, likwaniini lilaale yaho ku katanda, halinde shesheezi. Noꞌmuliro, guyame guyasiri.

Balaawi 6:2 ပူးပေါင်းရင်းမြစ်များ

Ndondeko 26:7

Abandu ba mu kihugo kyeꞌGeraari, iri bakabuuza Hisake hiꞌgulu lya mukaage, anabashuvya: «Uyu, ali mwali wani.» Akayoboha ukudeta kwo ali mukaage, bwo Rebeka âli nonosiri bweneene. Âli yobohiri kwaꞌbatuulaga beꞌyo munda bagakengeera bamúyita.

Zaburi 51:4

Kwokwo, yago mahube gaani gooshi, ugashukage, halinde ibyaha byani bilonge ukuyeruusibwa.

Migani 24:28

Utakizi tangira umutuulani wawe ubumasi bweꞌbibeesha. Utakizi múbangaaniza.

Migani 26:19

kwo binali imwoꞌmundu úli mu habura umutuulani wage, na ha nyuma anadete: «Njuba mu yilyogoolera naaho.»

Hisaaya 21:2

Gano mabone, kiryagagi kihuume ngana! Nꞌgabona abiira balyalya keera bakuhindukira, banakola mu kushahula ibindu, babuli kushereeza. E Bahelamu, kuguma naꞌBamediya! Mugirage muzunguluke kano kaaya, munakateere! Abandu baamwo, kundu bagweti bagababaza abaabo, haliko yukwo kubabala, ngola ngakumala.

Hisaaya 24:16

Tuyuvwiti ngiisi kwo bagweti bagayimbira Nahano, halinde ku mbeka zeꞌkihugo. Banali mu deta: «Rurema ayivugwe, bwo ye kwaniini!» Lyeryo, nanadeta: «Yayewe imwani! Yayewe imwani! Ngoli hubagiiri! Ngoli hubagiiri!» Ingulani zigenderiiri ukugulana! Ee! Ingulani zigenderiiri ukugulana.

Hisaaya 33:1

Yayewe imwinyu, mwe Bahasuriya! Kundu mugweti mugaminikana, si mwenyene mutazindi minikwa. Na kundu batazindi mùtanga mu bagoma, si mwehe mugweti mugatangana mwo. Yuvwagwi! Ikyanya mugaaba keera mwashereezania, lyo na niinyu mugashereezibwa. Neꞌkyanya mugaaba keera mwayusa ukusongerana mu bagoma, lyo na niinyu mugasongerwa mwo.

Yeremiya 9:5

E Yeremiya! Ukoli tuuziri mu banabibeesha, banalahiiri ukummenya nga ngiisi kwo ndi.» Kwokwo, kwo Nahano adesiri.

Hezekyeri 40:46

Neꞌkisiika íkiri mu lola imbembe, kiri kyaꞌbagingi ábali mu kola ha katanda. Na yabo bagingi, bali balya ba mwiꞌkondo lya Saadoki naaho. Mukuba, mu mulala gwa Laawi, bo bahangwirwi ukuyegeera Nahano.»

Balaawi 1:3

«Yiryo ituulo lyoꞌkusiriiza lwoshi, iri yangaba ngaavu, ikwaniini ibe shuuli, inabe nzira kashembo. Anagisholere halinde ha mulyango gwiꞌheema lyeꞌmihumaanano. Kwokwo, lyo Nahano amúyemeera.

Balaawi 19:11

«Mutakizi zimba. Mutanakizi tebana. Mutanakizi lyalyania.

Balaawi 5:15

«Hali ikyanya umundu angakengeera ahubira Nahano, mu kuleka ukumútangira íbimúkwaniini. Akwaniini alole mu bibuzi byage, analeetere Nahano ikipanga kiguma, kinabe kizira kashembo. Kandi iri aleete iharija ízangaatwa ikipanga, ukukulikirana noꞌlugero úluli mu koleesibwa Ahandu Heeru. Yikyo kitugwa, akitangage, libe ituulo lyoꞌkuhyula.

Balaawi 5:19

Yiryo, liri ituulo lyoꞌkuhyula, bwo ashuba munamahube imbere lya Nahano.»

Balaawi 6:1

Nahano anashubi bwira Musa kwo amenyeese

Hamoosi 8:5

Munagweti mugaadeta mbu: «Ulusiku lukulu lweꞌmbaluko yoꞌmwezi, lulengage duba, kuguma noꞌlusiku lweꞌSabaato, lyo tukizi shubi guliisa ingano, iri tunagunga abakeni! Tugakizi gungana ku bigero. Neꞌkishingo, tugakishonia. Ee! Ukulooza noꞌkutalooza, tugakizi gungana!

Habakuki 1:13

Kundu kwokwo, ulyagagi mweru. Utali mu kejeerera amabi, utali mu gooyera ibihigo. Aaho! Kutagi wayihulikira, wanabalekeerera baminike abandu ábakwaniini ukubahima?

Yohana 8:44

«Mwehe, yisho ye Shetaani! Ngiisi byo agweti agayifwija, byo na niinyu muloziizi ukugira. Yehe, ayamiri ali mwitani ukulyokera ku ndondeko. Atanagweti agakulikira ukuli, bwo ndaakwo úkumúli mwo. Ikyanya agweti agabeesha, ali mu ba adeta naaho indeto yeꞌmwabo. Mukuba, ali munabibeesha, anali ye yishe wa banabibeesha.

Mikolezi 5:4

Ikyanya utazi liguliisa, si bishuba bindu byawe! Kiri neꞌkyanya keera waliguliisa, ushubi hangwirwi ukukoleesa ifwaranga zo walilonga kwo, nga kwo utáloziizi! Aahago! Biki íbyakushimya kwo ugire ibala mwene yiri? Batali bandu bo wabeesha, si wabeesha Rurema yenyene!»

Bahefeso 4:25

Kwokwo, mutwikire ku bibeesha! Ngiisi muguma winyu akizi bwira uwabo ibyoꞌkuli. Mukuba, tweshi tukolaga birumbu bya magala maguma.

Bakolosaayi 3:9

Mutanakizi ki besherana. Mukuba, keera mukatwikira ku ngesho ziinyu mbi za keera.

Bwigule 22:15

Haliko, utubwa tugasigala imbuga lyako, kuguma naꞌbalozi, naꞌbashule, naꞌbiitani, na ábali mu yikumba imigisi, na ngiisi ábakuuziri ibibeesha, noꞌkukizi bideta-deta.