Balaawi 26:6 - Kifuliiru

⁶ «Ngamùleetera umutuula, munakizi gwejera buzira kuyikanga-kanga. Ninamùyimulire inyamiishwa ndangi. Kiri naꞌbagoma, batagakizi yiji mùteera.

Balaawi 26:6 ပူးပေါင်းရင်းမြစ်များ

2 Baami 2:24

Ulya Hirisha anakebagana, anabaloleekeza, anabadaaka kwiꞌziina lya Nahano. Lyeryo, idubu zibiri zanalyoka mu kishuka, zanayami lya imisore makumi gana niꞌbiri.

1 Kutondobola 22:9

Kundu kwokwo, mugala wawe Sulumaani agayima mu kati koꞌmutuula. Yeki, ngamúluhuusa mu bagoma baage ba ngiisi luhande, halinde bamúlekeerere. Mu siku zoꞌbutwali bwage, ngaleetera Abahisiraheeri umutuula noꞌbutoge.

2 Kutondobola 20:30

Uyo Yehoshafaati yehe, Rurema anamúluhuusa imbande zooshi, anatwala mu kati koꞌbutoge.

Hayubu 11:19

Neꞌkyanya ugakizi gwejera, utagateerwa noꞌmundu yeshi. Abandu bingi bagakizi yiji kutabaaza.

Hayubu 5:23

Kundu amabuye gangabiiri mu ndalo, utagagooka. Kiri neꞌnyamiishwa ndangi, mugabeeranwa mu mutuula.

Zaburi 144:14

Ingaavu ziitu, zigakizi ba zishishiri, zinafiike. Inzitiro ziitu, zitâye tulwe. Naꞌbandu biitu, batâye gendi shwekerwa i mahanga. Mu kaaya kiitu, mutâye be ikimombo hiꞌgulu lyaꞌmalibu.

Zaburi 147:14

Imbibi zeꞌkihugo kiinyu, ali mu zibiika mwoꞌmutuula, anakizi mùyigusa neꞌngano nyiija.

Zaburi 29:11

Nahano agweti agatabaala abandu baage, gira babe bihagarusi. Anali mu bagashaanira mu kati koꞌmutuula!

Zaburi 3:5

Ikyanya ndi mu lira imbere lyawe, uli mu njuvya ukulyoka ku mugazi gwawe mutaluule.

Zaburi 4:8

Keera wanjambaaza bweneene, na ngoli shambiiri ngana-ngana ukuhima abandu ábakayeza ingano nyingi neꞌdivaayi.

Zaburi 85:8

E Nahano, urukundo lwawe lutali neꞌmbeka. Aaho! Utuyereke lwo, maashi, unatukize.

Kulyoka 23:29

Yabo booshi, ndagabayimula ku mwaka muguma, gira lyeꞌkihugo kitasigale kimaata. Iri nangayami bayimula, lyeꞌnyamiishwa zigaluguuka, zinayiji mùhima imisi.

Migani 3:24

Ikyanya ugaaba ukoli gwejiiri, utagakizi ki kanguka. Si ugakizi longa iro liija.

Migani 6:22

Ku kyanya ugakizi genda, gagakizi kurongoora. Neꞌkyanya ugaaba ugwejiiri, gagakizi kulanga. Kiri neꞌkyanya ugaaba uvyusiri, ganakizi kuhanuula.

Hisaaya 35:8

Iyo munda igaaba injira mbamu. Iyo njira, iziina lyayo «Njira yaꞌbataluule bali mu lenga mwo». Abandu ba Rurema naaho, bo bagagilenga mwo. Si abanabitalaalwe boohe, batâye hanguulwe. Kiri naꞌbahwija, ndaaye úgagiterekera mwo.

Hisaaya 35:9

Mwiꞌyo njira, mutâye lenge indare, kandi iri izindi nyamiishwa ndangi. Iyo njira, ngiisi bo Rurema agaaba aguluula naaho, bo bâye gilenge mwo.

Hisaaya 45:7

Nie kalema umulengeerwe neꞌkihulu. Nie mu gira umundu abe muhiirwa, kandi muhanya. Birya byoshi, nie mu bigira, bwo nie Nahano.

Hisaaya 9:7

Nahano akatumira beene Yakobo indumwa yoꞌkubakengula.

Yeremiya 30:10

«E beene Yakobo, muli bakozi baani! Ku yukwo, mutayobohe. E Bahisiraheeri! Mutavunike indege.» Kwokwo, kwo Nahano adesiri. «Ngamùlyosagya mu buja i mahanga. Kiri naꞌbaana biinyu, bagalyoka yo. Beene Yakobo bagashubi tuula ku butoge, mu kati koꞌmutuula. Ndaanaye mugoma úgashubi bateera ikyoba.

Yeremiya 31:26

Byo bigaatuma umundu agaaba ali mu deta kwokuno: “Iri nashaaga mwiꞌro, nabona kwo njubi luhuusiri bwija bweneene!”»

Hezekyeri 14:15

«Yikyo kihugo, hali ikyanya nangatuma mweꞌnyamiishwa, gira zikizi yita abandu, kinasigale kimaata. Abandu batanaki bone ho bangalenga.

Hezekyeri 14:17

«Yikyo kihugo, hali ikyanya nangakivyula mwiꞌzibo, na mbanguule abagoma bashereeze abandu baamwo, kuguma neꞌnyamiishwa.

Hezekyeri 14:21

Rurema Nahamwitu adetaga kwokuno: «Kalya kaaya keꞌYerusaleemu, ngakahana ku bihano bina bikayu: kwiꞌzibo, na kwiꞌshali, na ku nyamiishwa ndangi, na ku kiija. Kwokwo, lyo ndonga ukuminika abandu baamwo, kiri neꞌnyamiishwa.

Hezekyeri 34:25

«“Kwokwo, twe naꞌbandu baani, tuganywana ikihango, halinde banatuule mu mutuula. Ngabalyokeza inyamiishwa ndangi mu kihugo, lyo balonga ukuramba mwiꞌshamba buzira mbuzi-mbuzi, banakizi gwejera mu kishuka.

Hezekyeri 34:27

Ibiti bya mu ndalo zaabo, bigakizi tongeka kweꞌbitumbwe. Neꞌndalo zaabo zinayere bweneene! Booshi banalongage ukuramba mu mutuula mu kihugo kyabo. «“Na balya ábaki konirwi mu buja, ngavungula iminyororo yabo, na mbafuushule mu bushobozi bwa basheebuja. Haaho, lyo bagaamenya ku kasisa kwo nie Nahano.

Hezekyeri 5:17

Na kwakundi, ngamùtumira inyamiishwa ndangi, gira zikayite abaana biinyu. Mugakizi teerwa naꞌmalwazi, kiri niꞌzibo, halinde abagoma banakizi mùyita ku ngooti. Kwokwo, kwo nie Nahano ndesiri!»

Hosheya 2:18

Nahano adetaga kwokuno: «Yulwo lusiku, ugambuuza “Yibanie”. Si utâye ki shubi mbuuza “Baali witu”.

Hosheya 2:20

Ku yulwo lusiku, tuganywana ikihango neꞌnyamiishwa, kiri noꞌtunyuni twa mu kyanyaanya, na byoshi íbiri mu yibulula, gira bitaki shubi mùteera. Ngamùsaagiza kiri noꞌmuheto, neꞌngooti, neꞌzindi siribo ziꞌzibo, lyo mulonga ukuramba mu mutuula.

Balaawi 25:18

Iri mwangaba muloziizi ukutuula ku butoge, mukizi simbaha imaaja zaani, munakizi kulikiriza ngiisi kwo namùtegeka.

Balaawi 25:19

Haaho, lyeꞌdaho igaameza imimbu ngana-ngana, munakizi lya, munayigute, munatuule buzira mbuzi-mbuzi.

Balaawi 26:22

Ngahamuliza inyamiishwa ndangi mu kati kiinyu, zinalye abaana biinyu, zinasivye neꞌbitugwa biinyu. Emwe! Umuharuuro gwinyu, gugakizi niiha, halinde injira ziinyu zinashake.

Balaawi 26:25

Na ku bwenge mugaaba muhongwiri ikihango kyani, ngamùtibulira mwiꞌzibo. Na kundu mwangagira mbu mugendi yibisha mu twaya, haliko ngamùmwagulira mweꞌkiija, gira mumale, munabiikwe mu maboko gaꞌbagoma biinyu.

Balaawi 26:7

Yabo bagoma biinyu, mugakizi bayimula, munabaminike ku ngooti.

Mika 4:4

Si ngiisi mundu agakizi luhuukira mwiꞌdako lyeꞌmizabibu yage, neꞌmizehituuni yage. Ndaakiye mundu úgaki bateera ikyoba. Yaga gooshi, Nahano woꞌbushobozi bwoshi, ye gadesiri.

Sefaniya 3:13

Abahisiraheeri ábagaaba basigiiri, batagaki huba, batagaanaba banabibeesha, bataganaki henderezania. Si bagakizi longa ibyokulya, banagwejere. Ndaanaye mundu úgayiji bateera ikyoba.»

Hagayi 2:9

Ku yukwo, iyo nyumba mbyahya, igalangashana bweneene ukuhima irya ya mbere. Ee! Hano handu, abandu bagahalongera umutuula. Nie Nahano woꞌbushobozi bwoshi, nie ndesiri kwokwo.”»

Zakariya 9:10

Ngamúshaagiza amagaare giꞌzibo, kuguma neꞌfwarasi zoꞌkugakulula, halinde bitaki bonekage mu kihugo kya Hifurahimu, kandi iri mu Yerusaleemu. Kiri neꞌmiheto yiꞌzibo, ngagivuna-vuna. Umwami winyu, aganywaniisa ibinyamahanga byoshi kuguma, mu kati koꞌmutuula. Ubwami bwage, bugalyokera ku nyaaja nguma, halinde ku gindi, bunalyokere ku lwiji Hefuraati, halinde ukuhisa heꞌkihugo kihekiiri.

Yohana 14:27

«Namùsigira umutuula. Gulya mutuula, gulyagagi gweꞌmwani. Gutanali ngoꞌmutuula úgushaaziri mu kihugo. Ku yukwo, mutakizi ki gerania mu mitima yinyu! Mutanakizi ki yoboha.

Mikolezi 12:6

Ubushigi bwoꞌlusiku lwo Heroode âli kola agatwira kwo Peturu ulubaaja, Peturu âli ki shwesirwi mu nyumba yeꞌmbohe, anâli gwejiiri ha kati kaꞌbasirikaani babiri, anâli shwesirwi neꞌminyororo ibiri. Na ha mulyango gweꞌnyumba, hâli biisirwi abandi basirikaani.

Barumi 5:1

Bwo tukoli biisiri Rurema kwoꞌbwemeere, tukoli kwaniini imbere lyage. Na buno, tukoli ba noꞌmutuula twe naye, ku njira ya Nahamwitu Yesu Kirisito.