Balaawi 26:43 - Kifuliiru

⁴³ «Yikyo kihugo, ikyanya kikiri kimaata, kikwaniini kishambaale nga kwo kikoli luhuusiri. Ku yikyo kyanya, bagayemeera ukuhanwa, mbu bwo bâli shombiri imaaja zaani, banalahira ukuzisimbaha.

Balaawi 26:43 ပူးပေါင်းရင်းမြစ်များ

2 Kutondobola 33:12

Uyo Manaasi, ikyanya âli kola mu malibu, anatakira Rurema Nahamwabo, kwo amúkejeerere, anayibiika haashi bweneene imbere lya Rurema wa bashokuluza baage.

2 Kutondobola 36:21

Ngiisi kwoꞌmuleevi Yeremiya âli kizi deta igambo lya Nahano, kwo byanâli kizi koleka. Iri hakatama, ikihugo kyanalonga ikiluhuuko kyeꞌSabaato. Kyanasigala mushaka, halinde ukuhisa imyaka makumi galinda.

Hayubu 5:17

«Bahiriirwi, ngiisi bo Rurema woꞌBushobozi Bwoshi ali mu yerekeza. Ku yukwo naawe, ikyanya ali mu kuyerekeza, utamúgayirize.

Zaburi 119:67

Ikyanya utâli zaazi mbana, nâli kizi habuka. Haliko buno, ngweti ngakulikiriza Igambo lyawe.

Zaburi 119:71

Ikyanya nâli kizi libuuka, lyo nꞌgalonga akamaro. Mukuba, nꞌgalonga ukukizi yiga imaaja zaawe.

Zaburi 119:75

E Nahano, nyiji kweꞌmaaja zaawe zikwaniini. Kwokwo, ikyanya ukambana, lyo ukagira nga kwo byâli ngwaniini.

Zaburi 50:15

Ku kyanya uli mu makuba, undabaaze. Ngakukiza! Naawe unakizi ngingika.»

Zaburi 50:17

Si ikyanya bagweti bagakuyerekeza, uli mu banegura! Unali mu shemya amagambo gaani ha butambi.

Hisaaya 26:16

E Nahano, ikyanya twâli kizi gooka, twanakulooza. Ku kyanya tukahanwa, twanakutakira.

Yeremiya 31:19

E Nahano! Twâli mali habuka, twanayijamburiisa, iri tunayiteeza ishoni. Ee! Ku kyanya twâli ki riiri baanuke, tukavujuuka mu bitali nga byo. Halikago ha nyuma, twanatumburukwa, twanayemeera kwo tuli banabyaha. Na buno, tukolaga mu gerania, iri tunakugalukira.”»

Danyeri 9:14

Ikyanya tukahuna imbere lyawe, utanatindiriza ukutuhana. Mukuba, ngiisi byo ugweti ugakizi kola, uli mu bikola ku njira íkwaniini.

Balaawi 26:11

«Ngayiji shumbika mu kati kiinyu, ndanâye mùheereze ingoto.

Balaawi 26:15

Munabe mukola mu hongola ikihango kyani, mu kugayiriza imaaja zaani, munashombe byo namùtegeka.

Balaawi 26:30

Bwo ngaaba ngoli mùjinikiiri, ngamùsheregeza ho mugweti mugayikumbira imizimu. Kiri noꞌtutanda two muli mu giyokera kwoꞌmubadu, ngatuhongola. Ibirunda biinyu, ngabilasha ku migisi yinyu ífwiri namunyogo.

Balaawi 26:41

Hali ikyanya bagasobanukirwa na íbikatuma nꞌgabayihindulira, na mbahise i mahanga mu kihugo kyaꞌbagoma baabo. Banabe bakoli yibiisiri haashi imbere lyani, banayemeere kwo bakambubira.

Hamoosi 5:10

E Bahisiraheeri! Kundu abandu bali mu bulanira ukuli, si mwehe muli mu ba mubashombiri bweneene. Neꞌkyanya bali mu deta ukuli, si muli mu bagayiriza.

Zakariya 11:8

Mu mwezi muguma naaho, nanayami yimula abangere baabyo bashatu. Kundu kwokwo, birya bibuzi, ndanaki biyigenderera. Nabyo, byananjomba.

Yohana 7:7

Mwehe, bitangaziga kwaꞌbandu beꞌkihugo bamùshombe. Halikago niehe, bakoli njombiri, bwo ngweti ngayerekana kweꞌmikolezi yabo iri mibi.

Barumi 8:7

Ikyanya abandu bali mu yitoneesa ku mifwije gaabo mabi, lyo bali mu ba bagoma ba Rurema. Batasimbahiri imaaja zaage, batanashobwiri ukuzisimbaha.

Bukengeeze 32:36

«Abahisiraheeri bagerwa naaho bo bagasigala. Imisi yabo, inabe keera yamala. Baguma baabo, banabe bakola baja. Haaho, Nahano agabayuvwirwa indengeerwa, anabaheereze íbibakwaniini.