Balaawi 26:36 - Kifuliiru

³⁶ «Mu kati kiinyu, ngiisi ábagaaba bakiri kitwe-kibona mu bihugo byaꞌbagoma biinyu, ngababiika mwoꞌlushunguti. Kiri neꞌhyasi íhigaaba higweti higayehuulwa neꞌmbuusi, higayami bakanga. Bagatibita ngoꞌmundu úgweti úgatibita indwani. Na kundu ndaaye úbayimwiri, haliko bagakizi gwa.

Balaawi 26:36 ပူးပေါင်းရင်းမြစ်များ

Ndondeko 35:5

Yakobo na bagala baage, iri bakaba bakola mu lugeezi, Rurema anakizi yobohya abatuulaga ba mu twaya tweꞌbutambi, halinde banaleka ukukizi balandiriza.

Ndondeko 4:12

Ikyanya ugakizi lirima, utagaki shubi yeza. Si ukola ugaaba mundu woꞌkukizi jeba-jeba mu kihugo, iri unakizi yangaara.»

2 Kutondobola 14:14

Banatwala ibibuzi katundu, kuguma neꞌmbene, neꞌngamiya. Ha nyuma, banagalukira i Yerusaleemu.

Hayubu 13:25

Si ndi naaho nga kyasi íkiri mu yehuulwa neꞌmbuusi! Aaho! Ka wangalandiriza ihikere íhikoli yumiri?

Zaburi 53:5

Rurema adetaga: «Aaho! Balya banangora-mabi, ka batâye sobanukirwe? Si batali mu ndabaaza, banali mu janganula abandu baani, nga bagweti bagavwajagira ibyokulya.»

Zaburi 53:6

Yabo banangora-mabi, bagaki shenguka neꞌkyoba, kundu byoꞌkubayoboheesa, ndaabyo. Abagoma baawe, Rurema agashaabula amavuha gaabo, gabe mijande-mijande. Yabo bagoma, si keera akabalahira. Kwokwo, ugabatetereza ngana.

Zaburi 89:43

Ee! Yabo bagoma baako, keera wabaheereza imisi, babe bihagarusi. Na buno booshi, keera wanabashambaaza.

Migani 28:1

Banangora-mabi bali mu puumuka, ndaanaye úbayimwiri. Si abandu boꞌkuli boohe, bali bihagarusi nga ndare.

Hisaaya 30:17

Mu yabo bagoma, muguma naaho agabiika ikikando, abandu biinyu kihumbi banayami puumuka. Abataanu baabo nabo, bagamùshindibuka kwo mweshi. Mugasigala naaho ngeꞌkiti kishinge kyonyene kwiꞌrango, kinamanisirwi kweꞌhisanganira hiꞌrembera.»

Hisaaya 7:2

Uyo Ahaazi, iri akayuvwa kwaꞌBaharaamu bakoli yibiisiri kuguma naꞌBahisiraheeri, anayoboha bweneene, kuguma naꞌbandu booshi beꞌBuyuda. Booshi, banatondeera ukujuguma, nga kweꞌbiti biri mu shagala hiꞌgulu lyeꞌmbuusi.

Hisaaya 7:4

«Uyo mwami, umúbwirage kwokuno: “E mwami, utahemuke! Si ukizi yitonda, unatuuze. Uyo Resini, bo na mugala Remalya, kundu bakoli rakiiri, utaleke mbu bakuhemule. Si bombi balyagagi nga shaali ízikola zigazimuuka!

Yeremiya 37:10

Kundu mwangahima akatundu kaꞌbasirikaani baage, anasigalane abasirikaani bagerwa naaho ábakomeresiri, haliko yabo bagerwa bangahuluka mu maheema gaabo, banayiji jigiivya i Yerusaleemu.”»

Yeremiya 46:16

Bali mu kizi hirimana kwo, boonyene ku boonyene. Banashubi bwirana: “Muvyuke, maashi! Tugalukire imwitu, mu beene witu. Yabo bagoma, tubaleke, gira batakengeere batuyita.”

Kimombo 1:3

Balya Bayuda, abagoma baabo keera bakabalandiriza, banabagwata. Leero, bataki hiiti ho bagafushukira. Keera bakatwalwa i mahanga, banakoli ba baja. Bagweti bagaakola ku kahaati, batanali mu luhuuka.

Kimombo 1:6

Akaaya keꞌSayuni kataki buyahiri. Naꞌbatwali baako bali nga mbongo ízabula byo zigaalya. Bataki hiiti kiri neꞌmisi yoꞌkutibita umugoma, si bakolaga jabati-jabati!

Kimombo 4:19

Emwe! Abagoma bâli kizi tulandiriza bweneene. Bâli mulindi-mulindi nga nyunda, wa vwi! Iri twâli kizi tibitira mu migazi, banatugwane mwo. Neꞌri twâli kizi gendi yibisha mwiꞌshamba, banayiji tutega mwo.

Hezekyeri 21:12

Neꞌri bangakubuuza, ti: “Ewe! Kituma kiki ugweti ugabululuka kwokwo?” Unabashuvye: “Ngweti ngabululukira imyazi mibi íyadetwa kwo iri njira. Emwe! Iri ya kushengula imitima, inali ya kulebeza amaboko naꞌmadwi. Ngiisi úrambiri, agaahola. Na yibyo byoshi, ukukoleka, bigakoleka ngana! Kwokwo, kwo nie Rurema Nahamwinyu ndesiri.”»

Hezekyeri 21:15

Na íbitumiri bagweti bagagityaza, gira bakizi yitana mwo. Banagiyeruuse, lyo ikizi kyemula nga mulavyo.

Hezekyeri 21:7

«E mwana woꞌmundu, ulangiize i Yerusaleemu, iri unatanga ubuleevi bwoꞌkugikanukira, kundu yaꞌbandu bagweti bagakizi nyikumbira. Ewe! Ukizi kanukira Abahisiraheeri!

Hosheya 8:3

Kundu kwokwo, baki genderiiri naaho noꞌkushemya íbiri biija. Kyo kinatumiri abagoma bakola bagabahiiva.

Balaawi 26:17

Nienyene, ngamùhana, halinde abagoma biinyu bagakizi mùhima. Na kundu abagoma biinyu bamùshombiri, haliko bo bagakizi mùtwala. Munayami tibita, kiri na ku kyanya ndaaye úmùyimwiri.

Balaawi 26:35

Ku kyanya kigaaba kikola kimaata, lyo kigalonga ukuluhuuka, halinde lyo kigomboola birya byanya byoshi byo kishuba kigaluhuuka, ku kyanya mwâli ki tuuziri mwo.

Bukengeeze 1:44

«Neꞌri mukayingira mwo, Abahamoori, abatuulaga baamwo, banamùshindibuka kwo, nga kwokulya kweꞌnjuki. Banamùfutira-futira iyo munda i Seyiri, banamùlandiriza halinde i Horima.

Yoshwa 5:1

Ikyanya Nahano akakamiza Abahisiraheeri ulwiji Yorodaani, gira bajabuke, abaami booshi baꞌBahamoori na baꞌBakaanani, banayuvwa. Kyanatuma bagashenguka, banatwika indege. (Abahamoori bâli tuuziri uluhande lweꞌmuga lwoꞌlwiji Yorodaani, naꞌBakaanani bâli tuuziri ku butambi bweꞌNyaaja Mediterane.)

Yoshwa 7:5

Banayita Abahisiraheeri nga makumi gashatu na ndatu. Neꞌri abaabo bakapuumuka, banabashindibuka kwo, ukulyokera kwiꞌrembo lyaꞌkaaya kaabo, halinde i Shebarimu, banabayitira ku mudulumuko. Ikyanya Abahisiraheeri bakabona kwokwo, banatwika indege, banaba nga bujonga.

1 Samweri 17:24

Yabo Bahisiraheeri, mbu babonage Golyati, booshi banagwatwa neꞌkyoba, banayami puumuka.