Balaawi 26:31 - Kifuliiru

³¹ «Utwaya twinyu tuhamu, ngatujigiivya. Na ho mugweti mugayikumbira imigisi, ngahahindula libe ishamba. Na kundu mugakizi ndangira amatuulo goꞌkusiriiza, imishiiriri yago itaganzimiisa.

Balaawi 26:31 ပူးပေါင်းရင်းမြစ်များ

Ndondeko 8:21

Yago matuulo, ikyanya Nahano akayuvwa umushiiriri gwago, gwanamúsimiisa, anayidesa kwokuno: «Buno, ndâye ki daake idaho, mbu bwaꞌbandu bambubira. Na kundu imitono yabo ituula-tuula mibi ukulyokera ubwanuke bwabo, ndâye ki shereeze kandi ibiremwa byoshi, nga ngiisi kwo nꞌgagira.

2 Baami 22:19

Keera ukayuvwa ngiisi kwo nꞌgadaaka kano kaaya, nanadaaka kiri naꞌbatuulaga baamwo, kwo kagashaka. Haaho, umutima gwawe gwanajuguma, wanayibiika haashi imbere lyani. Wanadaatula ibyambalwa byawe, iri unaliruuka imbere lyani. Yibyo byoshi, keera nabiyuvwa.

2 Kutondobola 36:19

Ha nyuma, irya nyumba ya Rurema, Nebukandeneza anagisingoola. Anasingoola naꞌkajumiro neꞌzindi nyumba zaaho zooshi, na ngiisi kindu kyeꞌkishingo. Kiri neꞌnzitiro ízâli zungulusiri i Yerusaleemu, anazihongola.

Nehemiya 1:3

Bananjuvya kwokuno: «Ewe! Balya biitu ábakasigala i Buyuda, bagweti bagalibuuka bweneene. Bagweti bagatyozibwa bweneene. Inzitiro zeꞌYerusaleemu, zikoli hongwirwi. Kiri neꞌnyiivi zaazo, zikaduulikwa kwoꞌmuliro.»

Nehemiya 2:17

Ha nyuma, nanababwira: «E balya, ku kasiisa mubwini ngiisi kwo tukola mu libuuka. Kano kaaya keꞌYerusaleemu kakola biguuka. Neꞌnyiivi zaako, keera zikasiriizibwa. Aahago! Zino nzitiro zeꞌYerusaleemu, tushubi ziyubakulula, gira tutashubi gayirizibwa.»

Nehemiya 2:3

nanamúshuvya, ti: «E mwami, ulame! Ka nangalekaga ukujengeerwa? Si akaaya ko bashokuluza baani bakaziikwa mwo, keera kakahongoka. Kiri neꞌnyiivi zaako, banaziduulika kwoꞌmuliro.»

Hisaaya 1:7

Ibinyamahanga bikola mu mùshahula imimbu, bikabuli singoola utwaya twinyu, halinde ikihugo kinashereezibwe lwoshi. Kundu kwokwo, mugweti mugabaloleera naaho.

Hisaaya 6:11

Nanabuuza: «E Nahamwitu, yibyo byoshi, ngwiriiri ukukizi bigira, halinde mangoki?» Naye, ti: «Ukizi giraga kwokwo, halinde ku kyanya utwaya twabo tugaaba tusigiiri mushaka. Neꞌnyumba zaabo, zinasigale biguuka. Neꞌkihugo kyabo kinasherebere lwoshi-lwoshi.

Hisaaya 63:18

Ku kyanya kiniini, twâli riiri beene inyumba yawe. Halikago buno, abagoma biitu keera bakayiji gihongola,

Hisaaya 64:9

Utwaya two ukataluula kare, buno tukola mushaka. I Yerusaleemu nayo keera ikasherebera, inakola biguuka.

Hisaaya 66:3

«Si balya babi boohe, ikyanya bali mu ndangira ituulo lyeꞌngaavu, lyo bali mu ba ngoꞌmundu úwayitana. Neꞌkyanya bali mu ndangira ituulo lyeꞌbibuzi, lyo bali mu ba nga úwasingula akabwa igosi. Ikyanya bali mu ndangira ituulo lyoꞌmushyano, bali mu ba nga bayiji mbeereza umuko gweꞌngulube. Neꞌkyanya bali mu nyokera umubadu, bali mu ba nga bali mu yikumba imigisi. Yaba bandu bakola mu yifunda mu ngiisi byo baloziizi. Imitima yabo ikuuziri ukuyilala mu bitali nga byo.

Yeremiya 22:5

«“Halikago, nie Nahano nadeta kwokuno: iri mutangakizi ndwaza, nabiika indahiro kwiꞌziina lyani, kweꞌno nyumba yinyu yoꞌmulimbo, ngagihindula bibe biguuka.”

Yeremiya 26:6

Kwokwo iyo nyumba yani, ngagishereeza, nga kwo nꞌgashereeza iheema lyeꞌmihumaanano i Shiilo. Iziina lya kano kaaya, abandu baꞌmahanga gooshi bagakizi likoleesa naaho mu kudaakana.”»

Yeremiya 26:9

Wakuura ku biki, mu kutanga ubuleevi kwiꞌziina lya Nahano, mbu ino nyumba ya Nahano igashereezibwa nga lirya iheema lyeꞌShiilo! Kiri na kano kaaya, mbu kagasigala mushaka, buzira bandu!» Yabo bandu booshi, banasokanana Yeremiya mwomulya mu nyumba ya Nahano.

Yeremiya 4:26

Ikyanya nꞌgalangiiza, nanabona kwiꞌdaho írishuba neꞌnagiira, likola ishamba. Utwaya twoshi, tukola biguuka. Na íbitumiri bigaaba kwokwo, bwo Nahano akoli turakariiri.

Yeremiya 4:27

Nahano adetaga kwokuno: «Ikihugo kyoshi kigashereezibwa. Kundu kwokwo, ndagakishereeza lwoshi-lwoshi.

Yeremiya 4:7

Abasirikaani bagahuluka, nga ndare íkola mu vuvunyuka mwiꞌbundo lyayo. Ee! Nakiminika keera akashaaga mu kihugo kyage, anakola mu njira, gira ayiji shereeza ikihugo kiinyu. Utwaya twinyu tugasigala biguuka, ndaanaye mundu úgatutuula mwo.

Yeremiya 44:2

Nahano woꞌbushobozi bwoshi, Rurema waꞌBahisiraheeri adetaga kwokuno: «Mwenyene mukayibonera ngiisi kwo nꞌgashereeza abandu beꞌYerusaleemu, naꞌba mu tundi twaya twoshi tweꞌBuyuda. Na buno, yutwo twaya, tukola mushaka. Ndaanaye mundu útutuuziri mwo, halinde zeene.

Yeremiya 44:6

Kwokwo, nanamùrakarira bweneene, halinde nanasingoola utwaya tweꞌBuyuda, kiri neꞌnjira zeꞌYerusaleemu. Na buno, yaho hooshi bikola biguuka, na mushaka.

Yeremiya 52:13

Uyo mukulu anasingoola inyumba ya Nahano, naꞌkajumiro, neꞌzindi nyumba zooshi zeꞌYerusaleemu. Ngiisi nyumba mbamu, akagisingoola.

Yeremiya 9:11

Aahago! Yibyo byoshi, nyandagi mwitegeereza, úwangabisobanukirwa? Na nyandi úkaganuuza Nahano, halinde anamúbishuuka íbitumiri ikihugo kyashereera? Kituma kikagi ikihugo kikola kimaata ngiꞌshamba? Na kituma kiki ndaaye mundu úkiri mu kilenga mwo?

Kimombo 1:1

Mu mahanga gooshi, akaaya keꞌYerusaleemu ko kâli kizi huuzibwa bweneene. Haliko buno, kakola nga namufwiri. Yako kaaya kâli yijwiri mwaꞌbandu bingi, si buno keera kasiba lwoshi. Mu tundi twaya, kundu ye wâli muluzi-nyere, si buno, kakolaga muja-kazi naaho.

Kimombo 1:10

Yabo bagoma, keera bakashahula ibindu byoshi byeꞌkishingo. Na kundu Nahano akalahiza ibinyamahanga kwo bitâye yifunde mu nyumba yage, haliko, yenyene akayibonera ngiisi kwo bikagiyigogombeka mwo, byanagiyulubaza.

Kimombo 2:6

Ikyanya Nahano akahongola inyumba yage, ikayami yibumbulika haashi, nga kulya ikitunda kiri mu hongolwa mu ndalo. Akayami bayibagiza isiku ngulu, kiri noꞌlusiku lweꞌSabaato. Na bwo âli rakiiri bweneene, anayami lahira mwami wabo, kiri naꞌbagingi.

Kimombo 2:7

Ku kasiisa, Nahano akazira akatanda kaage, anazira neꞌnyumba yage nyiija i Sayuni. Analekeerera abagoma bayiji hongola inyumba nzitire. Mwomwo mu nyumba yage, banakizi bandira mwaꞌkabuuli hiꞌgulu lyoꞌbuhimi bwabo, nga kwaꞌbandu ba Rurema bâli kizi gira mwo ku lusiku lukulu.

Hezekyeri 12:20

Utwaya twinyu, kundu tuki yijwiri abandu, tugasigala biguuka, halinde ikihugo kinasigale kimaata. Kwokwo, lyo mugaamenya ku kasiisa kwo nie Nahano.»

Hezekyeri 21:15

Na íbitumiri bagweti bagagityaza, gira bakizi yitana mwo. Banagiyeruuse, lyo ikizi kyemula nga mulavyo.

Hezekyeri 21:7

«E mwana woꞌmundu, ulangiize i Yerusaleemu, iri unatanga ubuleevi bwoꞌkugikanukira, kundu yaꞌbandu bagweti bagakizi nyikumbira. Ewe! Ukizi kanukira Abahisiraheeri!

Hezekyeri 24:21

mbwire Abahisiraheeri kwokuno: “Rurema Nahamwitu adetaga kwokuno: Ngayulubaza inyumba yani, kundu mugweti mugayikangaata hiꞌgulu lyayo, iri munagilangaalira. Neꞌkyanya muli mu kizi gilola-lola kwo, munashambaale bweneene! Kundu kwokwo, bagala biinyu na banyere biinyu ábakasigala i Yerusaleemu, bagayitwa ku ngooti.

Hezekyeri 6:6

«“Ngiisi twaya two mutuuziri mwo, tugahinduka biguuka. Na ngiisi ho muli mu yikumbira imigisi, hagahongolwa. Ututanda twayo, tugaashaka. Neꞌmigisi yinyu, igaki vungulwa-vungulwa, halinde inamale lwoshi. Ngiisi ho muli mu giyokera umubadu, hagahongolwa, na byoshi byo mwâli kizi kola, binashereezibwe.

Hezekyeri 9:6

Muyite abashaaja booshi, naꞌbakazi, naꞌbatabana, naꞌbanyere, kiri naꞌbaana bato booshi. Haliko, ngiisi ábagweti akalangikizo, boohe mutakolwe kwo mwabahuma kwo. Mutondeerere haahano mu nyumba yani.» Kwokwo, banatondeerera ku balya bashaaja ábâli riiri imbere lyeꞌnyumba ya Rurema.

Danyeri 2:46

Mwami Nebukandeneza, mbu ayuvwagwe kwokwo, anagwa buubi imbere lya Danyeri, iri anamúgingika. Anakyula kwo Danyeri atangirwe amatuulo, banamúyokeere noꞌmubadu.

Hamoosi 7:9

Ha yizo mbeero zeꞌmizimu, heꞌkibusi kya Hisake bali kizi gendi yikumba ku marango, ngazishereeza lwoshi-lwoshi. Kiri neꞌnyumba zaabo ndaluule, nazo ngazihongola. Ee ma! Imbaga yoshi ya mwami Yerobwamu, ikolaga igaminikwa.»

Mika 3:12

Hiꞌgulu liinyu, kyo kitumiri akaaya keꞌYerusaleemu kagahingwa nga ndalo, kanahinduke biguuka! Na ngiisi ho bayubasiragi inyumba ya Nahano, hooshi, hagaamera ibishungu-shungu.

Sefaniya 3:6

Nahano adetaga kwokuno: «Keera najigiivya abandu ba mu mahanga mingi. Inyumba zaabo, kundu zâli riiri ngomu, keera nazishereeza. Injira zaabo, nazisiga mushaka, zitanakiri mu lenga mwoꞌmundu yeshi. Utwaya twabo, keera tukasigwa mushaka, ndaanaye úki tutuuziri mwo.

Luka 21:24

«Abandu baguma, bagayomekwa ingooti. Naꞌbandi, bagagwatwa imbira, banatwalwe mu mahanga gooshi. Kiri neꞌYerusaleemu yonyene, ibinyamahanga bigayiji gikandagira, halinde isiku zaabo zimale.

Mikolezi 6:14

Keera tukayuvwa ngiisi kwo akadeta kwo Yesu weꞌNazareeti agahongola iyi nyumba ya Rurema, anahindule neꞌmigeeza yo tukasigirwa na Musa.»

Baheburaniya 10:26

Iri twangaba keera tukamenyeesibwa íbiri byoꞌkuli, tunashubi haasa-haasa mu byaha, iri ndaakiryo ituulo íryangatushaagiza ibyaha.