Balaawi 26:26 - Kifuliiru

²⁶ «Ngamùyima ibyokulya. Abakazi ikumi, bagakizi koleesa ikiyokero kiguma naaho, mu kuyokya imikate. Na mu kumùhakira, bagakizi mùheereza utukoojoka tuniniini. Kwokwo, kundu mugakizi lya, halikago mutagayuvwa kwo mwashaluuka.

Balaawi 26:26 ပူးပေါင်းရင်းမြစ်များ

2 Baami 6:25

Mu yako kaaya, umwena gwanagunuuza mwo, halinde itwe lya punda, lyanagulwa ku bingorongoro makumi galimunaana byeꞌharija. Neꞌgarama igana zaꞌmazongoroko geꞌngunde, zikagulwa ku bingorongoro bitaanu byeꞌharija.

Zaburi 105:16

Yaho mu kihugo kyeꞌKaanani, Nahano akashalisa abandu baage. Ngiisi ho bâli kizi longera ibyokulya, anabaleetera umwena naaho.

Hisaaya 3:1

Lolagi! Ibindu bya mu kihugo kyeꞌBuyuda, kiri neꞌbya mu kaaya keꞌYerusaleemu, Nahano Rurema woꞌbushobozi bwoshi, agaki bisivya. Abandu batanaki be noꞌbulyo bwoꞌkulonga ibyokulya, kandi iri miiji.

Hisaaya 5:10

Ihekitaari zishatu zeꞌndalo yeꞌmizabibu, zigakizi kandwa mweꞌlitiri makumi gataanu naaho zeꞌdivaayi. Ngiisi úgakizi byalaga ibitigiri ikumi byeꞌmbuto zeꞌngano, agakizi yimbula ikitigiri kiguma naaho.»

Hisaaya 9:19

Yabo bandu, kundu bali mu manyulana imbande zooshi, si baki shalisiri. Ubuzinda, bagakizi lya kiri neꞌnyama zaꞌbaana baabo.

Hisaaya 9:20

Manaasi agweti agateera Hifurahimu. Hifurahimu naye, ali mu teera Manaasi. Yabo bombi, banabuli teera Abayuda. Kundu kwokwo, ubute bwa Nahano butazi hooha. Aki bangwiri ukuboko kwage, mu kulooza ukuhana abandu baage.

Yeremiya 14:12

Na kundu boonyene bangayishalisa, ndagaki yuvwa amahuuno gaabo. Kundu bangandangira amatuulo goꞌkusiriiza, kiri naꞌgandi matuulo, ndagaki gayakiira. Si ngabaminika ku ngooti, na kwiꞌshali, na ku kiija.»

Hezekyeri 14:13

«E mwana woꞌmundu! Abandu beꞌkihugo kirebe, iri bangambubira, banabe batali bemeera imwani, ngakoleesa ubushobozi bwani, mu kushereeza ibihinda byabo byeꞌbyokulya. Banabe bakoli shalisiri bweneene, halinde na mbaminike kuguma neꞌbitugwa byabo.

Hezekyeri 4:10

Ngiisi lusiku, ugakizi lya ibyokulya byeꞌgarama magana gabiri na makumi gashatu.

Hezekyeri 4:16

Anashubi mbwira: «E mwana woꞌmundu, mu kaaya keꞌYerusaleemu, ngashereeza mweꞌkihinda kyeꞌbyokulya. Abandu, ikyanya bagakizi birya, bigakizi gerwa. Biganakizi liibwa mu kati keꞌkyoba. Kiri naꞌmagoloovi nago, gagakizi gerwa, banakizi ganywa bashengusiri.

Hezekyeri 4:17

«Na íbitumiri bagaagira kwokwo, bwo bagaaba babuziri ibyokulya naꞌmagoloovi. Neꞌkyanya bagakizi lolana kwo, banabone ngiisi kwo bakoli jambiri, lyo bagakanguka. Na íbitumiri bagaaba mwoꞌbukaholwe, bwo bâli kizi yifunda mu byaha.»

Hezekyeri 5:16

«Ku yikyo kyanya, ngamùshalisa, gira nimùshereeze. Neꞌkyanya umwena gugagunuuzagya, lyo mugayiyuvwa nga myambi ikola mu mùshita.

Hosheya 4:10

Kundu bagakizi lya bweneene, halikago batagakizi yiguta. Na kundu bagakizi shulehana, haliko batagakizi buta. Mukuba, nie Nahano keera bakanjanda, banakizi kulikira íbiri mu yikumbwa.

Balaawi 26:27

«Iri mwangalonga yibyo bihano, munabe muki genderiiri ukundahira,

Mika 6:14

Kundu mugakizi lya, si mutagaki yiguta. Amabunda giinyu gagayama gali mamaata. Na kundu mugakizi lunda ibindu, haliko bigakizi nyerera! Ngiisi byo mwasingula, ngaaleka binyagwe ku ngooti.

Hagayi 1:6

Kundu mukabyala imbuto nyingi, halikago mwanayiji yimbula biniini naaho. Na kundu mugweti mugaalya, si mutali mu yiguta. Na kundu mugweti mugaanywa, si muki nyotiirwi. Na kundu mugweti mugayambala, si muki kaywiri. Neꞌkyanya muli mu longa imbembo, ziri mu yami mala, nga zikalokezibwa mu ludaha lutule.”