Balaawi 26:20 - Kifuliiru

²⁰ Mugakizi yitubanula ku busha. Indalo ziinyu zitagayera ihiteerwa ku shinda. Kiri neꞌbiti, bitagatongeka.

Balaawi 26:20 ပူးပေါင်းရင်းမြစ်များ

Ndondeko 4:12

Ikyanya ugakizi lirima, utagaki shubi yeza. Si ukola ugaaba mundu woꞌkukizi jeba-jeba mu kihugo, iri unakizi yangaara.»

1 Baami 18:2

Kwokwo, Hiriya analyoka yaho, gira agendi yiyerekana imwage. Ku yikyo kyanya, umwena gwâli kizi gunuuza mu Samariya.

Hayubu 31:40

haaho ngana, imishuugi ikizi mera mwo, kuguma noꞌluhwadete, hatanaki mere ingano, kandi iri ubulo.» Amagambo ga Hayubu, ho gakahekera hano.

Zaburi 107:34

Ikyanya abandu bâli yifuuziri mu byaha, anakizi hindula ikihugo kyabo kiginuunuke.

Zaburi 127:1

Ulwimbo lwa Sulumaani. Luli mu yimbwa na ábali mu zamuukira i Yerusaleemu. Nahano, iri angaba atali ye mu yubaka inyumba, abuubasi bagaaba bayiluhiza ubusha. Nahano, iri angaba atali ye mu langa akaaya, abalaliizi baako bagaaba balaliiri ubusha.

Hisaaya 17:10

E Bahisiraheeri, keera mukahinduliraga Rurema ingoto, anali ye gweti úgamùkiza. Mutaki kengiiri kwo Rurema yiꞌbuye lyo mwâli bishamiri mwo. Si muli mu gendi leeta imbuto nyiija mu binyamahanga, munayiji zibyala.

Hisaaya 17:11

Yizo mbuto, muli mu zibyala lusiku luguma, zinayami mera. Na úbugaakya, zinaleete akaaso. Halikago, ikyanya muli mu gira mbu muyimbule, ehee! Zinayami nyerera. Mukuba, yizo mbuto zooshi, ubulwazi buli mu yami ziyita.

Hisaaya 49:4

Kundu kwokwo, nanadeta: «Ngiisi byo nꞌgahimbukira kwo, si bikafwa ubusha! Kundu nꞌgabiyitubanula kwo, bikola ndaabyo. Kundu kwokwo, yibyo byoshi, Nahano Rurema ye yiji ikishingo kyabyo. Ye ganambemba hiꞌgulu lyabyo.»

Yeremiya 12:13

Abandu baani, kundu bakabyala ingano, si bakola bagayimbula imigenge. Na kundu bâli kizi yitubanula mu kukola, ndaako kamaro balongaga. Buno, mu kuyimbula, bakola bagateteerwa, bwo ngoli barakariiri.»

Hosheya 2:11

Kyo kitumiri byoshi, ngayiji múnyaga byo, ngeꞌngano keera ízayera, neꞌdivaayi mbyahya. Ngamúnyaga kiri neꞌmirondo yo nꞌgamúheereza, mbu akizi bisha mwoꞌbukondwe bwage.

Balaawi 26:4

ngamùniekeza invula ku kyanya íkikwaniini, halinde ikihugo kilonge ukuyera bweneene. Kiri neꞌbiti binatongeke.

Habakuki 2:13

Kundu kwokwo, Nahano woꞌbushobozi bwoshi keera akalagaania kwo ngiisi byaꞌbandu bali mu himbuukira kwo, bigaki herera mu muliro. Haliibwi! Si yabo bandu bagweti bagayitubanulira ubusha!

Hagayi 2:16

Ikyanya mwâli langaliiri kwo mugalonga ibitiri makumi gabiri byeꞌngano mu kihinda, si mwâli kizi longa ibitiri ikumi naaho. Neꞌkyanya mwâli kizi genda, mbu muvunuulage ilitiri makumi gataanu zeꞌdivaayi, mwâli kizi vunuula ilitiri makumi gabiri naaho.

1 Bakorindo 3:6

Niehe, nie kabyala imbuto. Na Hapoolo, ye wâli kizi zinywisa. Haliko, Rurema yenyene ye kazimeza!

Bagalatiya 4:11

Ngolaga mu mùtaaniza kwo ngeeka imikolwa yoshi yo nâli kizi fukerera kwo mu kati kiinyu, ikola igaafwa busha!

Bukengeeze 11:17

Iri mwangakolwa mbu mukizi gira kwokwo, ku kasiisa Nahano agamùrakarira, anashweke igulu, halinde invula inahangame. Kundu Nahano amùheziizi kino kihugo kiija, haliko kigagubuuka, munazimiirire mwo.

Bukengeeze 28:18

«Mugagumba. Neꞌndalo, zinasibe. Neꞌbitugwa biinyu, bitanayolole.

Bukengeeze 28:42

«Inzige zigayiji shereeza ibiti biinyu, kiri neꞌbitumbwe mu mbingiro ziinyu.

Bukengeeze 32:22

Uburaakari bwani, buli mu yaka nga muliro, bunali mu yika, halinde i nakwere. Buli mu siriiza íbiri mu mera kwiꞌdaho. Buli mu jigiivya haashi, halinde indaliro zeꞌmigazi.