Balaawi 26:16 - Kifuliiru

¹⁶ «Aaho! Yuvwagwi ngiisi kwo ngamùhaniiriza: Ngakizi mùleetera amalibu. Neꞌkyanya mugashuushirwa, amasu giinyu gagahumaala, halinde munajambe ngana-ngana. Kundu mugakizi byala imbuto mu ndalo, zitagamùgenduukira. Mukuba abagoma biinyu, bo bagakizi zirya.

Balaawi 26:16 ပူးပေါင်းရင်းမြစ်များ

1 Baami 8:37

«Hali neꞌkyanya bangateerwa noꞌmwena, kandi iri kiija, kandi iri invula ihangama, kandi iri ikibola kibashereegeza imbuto. Banganateerwa neꞌnzige, kandi iri bindi-bindi bizimu, kandi iri bateerwa naꞌbagoma, banalonge ubuhanya mu twaya.

Hayubu 18:11

Bagweti bagateerwa neꞌkyoba ngiisi luhande, Banagweti bagahambirizibwa.

Hayubu 20:25

Iyo myambi, bali mu gishogola mu migongo yabo. Banalyose isongo-songo zaayo mu madiku, ziki langashiini. Bakoli yobohiri naaho, kwo bakola bagaafwa.

Hayubu 31:8

Iri kwangaba kwokwo, leka ugundi akizi yiji lya imbuto zaani, kundu nie kazibyala. Ee! Imbuto zooshi zo nꞌgabyala, leka ugundi ayiji zikuula.

Zaburi 109:6

Aahago! Uyo mugoma, umúbiike mu maboko goꞌmundu mubi woꞌkumúyihindulira. Ulungikage umulezi wage, anamútwire ulubaaja, imbere lyaꞌbatwi baazo.

Zaburi 73:19

Ee! Masaasa atabukwa, bagweti bagakizi yami shereera. Bali mu kangwa ku magambo maniini naaho, banayami minikwa.

Zaburi 78:33

Kyanatuma bagaahisa imyaka mingi, bagweti bagahanyagala. Na mu kuheza, banafwa booshi.

Kulyoka 15:26

Anadeta: «Niehe nie Nahano, Rurema winyu. Na ndi nie mu mùkiza. Kwokwo, iri mwangakizi yuvwiriza izu lyani ku bwitonde, ndagamùleetera ikiija, kundu nꞌgakireetera Abamiisiri. Ku yukwo, ikyanya ngakizi mùbwira igambo, mukwiriiri mukizi ndega amatwiri, munakizi gira íbikwaniini imbere lyani. Imaaja zaani, mukizi zisimbaha, nga ngiisi kwo nakyula.»

Migani 3:33

Ikyanya abandu bali mu gira íbitali nga byo, Nahano ali mu badaaka. Si ngiisi ábali mu gira íbikwaniini boohe, ali mu kizi bagashaanira.

Hisaaya 10:4

Si mwâye gendi bunda mu mbohe, kandi iri muminikwe kuguma na ábali mu yitirwa mwiꞌzibo. Kundu kwokwo, ubute bwa Nahano bugaaba butazi hooha. Agaaba aki bangwiri ukuboko kwage, mu kulooza ukuhana abandu baage.

Hisaaya 62:8

Nahano akabiika indahiro ku bushobozi bwage kwokuno: Ku kasiisa, ndâye ki heereze ingano zaawe, zibe zaꞌbagoma biinyu. Ndanâye ki leke ibinyamahanga kwo biyiji nywa ku divaayi yinyu, keera mwanagiyitubanulira kwo.

Hisaaya 7:2

Uyo Ahaazi, iri akayuvwa kwaꞌBaharaamu bakoli yibiisiri kuguma naꞌBahisiraheeri, anayoboha bweneene, kuguma naꞌbandu booshi beꞌBuyuda. Booshi, banatondeera ukujuguma, nga kweꞌbiti biri mu shagala hiꞌgulu lyeꞌmbuusi.

Yeremiya 12:13

Abandu baani, kundu bakabyala ingano, si bakola bagayimbula imigenge. Na kundu bâli kizi yitubanula mu kukola, ndaako kamaro balongaga. Buno, mu kuyimbula, bakola bagateteerwa, bwo ngoli barakariiri.»

Yeremiya 15:3

«Ngabalungikira abashereeza bana, bo baaba: ingooti, zikizi bayita. Noꞌtubwa, tubakululire ha butambi. Na banyunda, babajojomole. Neꞌnyamiishwa, zijanganule ibirunda byabo.» Kwokwo kwo Nahano adesiri.

Yeremiya 15:8

Bwaꞌbashosi bakola bagayitwa, banamufwiri bagaluguuka ukuhima umushenyu kwiꞌbuga. Ngayitiisa kiri neꞌmisore ku kyanya bakiri bikalage. Kwokwo, banyina bagashenguka, iri banabululuka.

Yeremiya 20:4

«Nahano akubwiraga kwokuno: “Ukola ugakizi huumirwa, mwe naꞌbiira baawe booshi. Ikyanya mugaaba muli mwiꞌzibo, yabo biira baawe baꞌBayuda bagaminikwa mu masu gaawe ku ngooti. Na ábagasigala, ngabatanga booshi mu maboko ga mwami weꞌBabeeri. Uyo mwami, anabatwale imbohe i Babeeri, anagendi basivya neꞌngooti.

Yeremiya 5:17

Balya bagoma, ngiisi byo muli mu yimbula, bo bagakizi birya. Bagakizi lya ibibuzi biinyu, neꞌngaavu ziinyu. Bagakizi lya neꞌmizabibu yinyu, neꞌmitiini. Bagakizi lya kiri na bagala biinyu, na banyere biinyu. Utwaya twinyu tuzitire, muli mu tuyegamira. Kundu kwokwo, yabo bagoma bagatushereeza ngana.»

Hezekyeri 24:23

Mukizi yisoosa ibihunika ku matwe, munayambale neꞌbiraato. Mutanakizi lira ku kimombo, bweꞌbyaha biinyu byo bigamùhuumira, halinde munakizi yiganyira mwenyene ku mwenyene.

Hezekyeri 33:10

Nahano anashubi mbwira: «E mwana woꞌmundu, ubwire Abahisiraheeri ngiisi kwo bagweti bagayiganyira, ti: “Amahube giitu neꞌbyaha biitu, bikoli tuzidohiiri. Na buno, keera byatuvuna indege! Aahago! Kuti kwo tugaramba?”

Hamoosi 5:11

Ikyanya abandu bakeniri, muli mu shubi balibata-libata. Si ikyanya muli mu batangiisa ingano ku kahaati, lyo muli mu bazimba. Kundu mukakizi yubaka inyumba nyiija zaꞌmabuye mabaaje, mutâye zituule mwo! Na kundu muli mu limiisa indalo zeꞌmizabibu miija, ikyanya bâye gikande mweꞌdivaayi, mutâye ginywe kwo.

Mika 6:15

Na kundu mugabyala imbuto, si mutagaziyimbula. Na kundu mugalibata ku mizehituuni, si mugaabula amavuta. Na kundu mugakandaga imizabibu, si ndaayo divaayi yo mugalonga.

Hagayi 1:6

Kundu mukabyala imbuto nyingi, halikago mwanayiji yimbula biniini naaho. Na kundu mugweti mugaalya, si mutali mu yiguta. Na kundu mugweti mugaanywa, si muki nyotiirwi. Na kundu mugweti mugayambala, si muki kaywiri. Neꞌkyanya muli mu longa imbembo, ziri mu yami mala, nga zikalokezibwa mu ludaha lutule.”

Zakariya 14:12

Halikago, ku luhande lwa ábakayiji teera i Yerusaleemu, Nahano agabaleeteraga buno buhanya: Amagala gaabo gagaabola, banakiri bagumaana. Amasu gaabo, gagavunda ganakiri mu bikangara byago. Indimi zaabo, zigaabola zinakiri mu tunwa.

Malaki 2:3

Ngakizi daaka naꞌbaana biinyu. Na mwenyene, ngamùvugumula amashe i malanga. Yago mashe, gaganashaaga mu byebirya bitugwa byo mugabaaga ku siku ziinyu ngulu. Ha nyuma, mwe na yago mashe, munashulugutwe hala.

Bukengeeze 28:51

«Birya binyamahanga, bigashahula ibitugwa biinyu, kiri neꞌmimbu yinyu, halinde munahere noꞌmwena. Batanamùsigire kiri noꞌludete lweꞌngano, kandi iri divaayi, kandi iri mavuta, kandi iri hinyana, kandi iri hyanabuzi, kandi iri hyanahene. Si bagamùsivya-sivya naaho.

Bukengeeze 32:25

Abaana baabo, bagayitirwa mu mitalimbwa. Booshi mu nyumba, bagahuumirwa, banahole. Imisore, imitabana neꞌminyere, igahuumirwa, kuguma naꞌbaana ábakiri mu yonga, kiri naꞌbashaaja.

Baheburaniya 10:31

Umundu, iri angatibukaga mu maboko ga Rurema úli mugumaana, uyo agaaba ahuumirwa lwoshi!

Batwi beꞌmaaja 6:11

Ha nyuma, umuganda wa Nahano anagenda mu kaaya keꞌHofura, anabwatala mwiꞌdako lyeꞌkiti kyoꞌmwalooni kya Yohaashi, Umuhabyezeeri. Ku yikyo kyanya, Gidyoni mugala woꞌyo Yohaashi, âli gweti agayeluula ingano mu kikandiro kyeꞌmizabibu, gira lyaꞌBamidyani batakengeere bamúbona.

1 Samweri 2:33

Na mu beene winyu, ngiisi ye ndagayitira ha kashasha kaani, agakizi vunika umutima, ku mwizingeerwe. Abaana baawe, bagakizi fwa, bakiri misore.