Balaawi 25:36 - Kifuliiru

³⁶ Uyo mukeni, utakolwe mbu wamúyungukira kwo. Haliko, ukizi yerekana kwo unzimbahiri, mu kumúhanguula kwo mutuulanwe.

Balaawi 25:36 ပူးပေါင်းရင်းမြစ်များ

Nehemiya 5:15

Haliko baguvuruneeri ábakatanga imbere lyani, boohe, bâli kizi vindagaza abandu. Bâli kizi tangiisa ngiisi mundu ibingorongoro byeꞌharija makumi gana, kuguma neꞌbyokulya, neꞌdivaayi. Kiri naꞌbatabaazi baabo, nabo bâli kizi lyalyania abandu. Haliko niehe, nzimbahiri Rurema, ndanâli kizi gira kwokwo.

Nehemiya 5:3

Abandi, ti: «Ikyanya tuli mu ba tukoli shalisiri, tuli mu tanga indalo ziitu, neꞌmizabibu yitu, kiri neꞌnyumba ziitu, bibe ngwati.»

Zaburi 15:5

Ali mu kaabana, buzira kutona kwo agayungulwa. Neꞌkyanya bali mu múshonga ikitulire, mbu lyo ahana umuzira buhube, ali mu kilahira. Yago miija gooshi, ngiisi úli mu kizi gagira, yehe atâye kakazibwe.

Kulyoka 22:24

«Umundu wani umukeni, iri wangamúkaaba ifwaranga, utakizi ba nga umúkaabiri, utanakizi múhuuna ubunguke.

Kulyoka 22:25

Iri wangatwala umulondo gwoꞌwinyu, mbu gube ngwati, ukwiriiri umúgalulire gwo, izuuba lítazi sooka.

Migani 28:8

Ngiisi úli mu yushuula ubugale bwage ku njira yoꞌkugungana, ali mu bikumaniza umundu úli mu kejeerera abakeni.

Hisaaya 24:2

Hatagaki ba ulubibi ha kati koꞌmundu ngana, noꞌmugingi, kandi iri ha kati koꞌmuja, na nahamwabo, kandi iri ha kati koꞌmuja-kazi, na nabuja, kandi iri ha kati koꞌmuguzi, na nakuguza, kandi iri ha kati ka úwakaaba, na úwakaabana, kandi iri ha kati ka úli mu yishuza umwenda, na úli mu guyishuzibwa.

Yeremiya 15:10

Haaho, nie Yeremiya nanadeta: «Ala nie! E maawe, kituma kiki ukambuta? Si abandu booshi bagweti bagandongooza! Si bali mu nduka, ndaanagwo mwenda gwoꞌmundu mbiiti. Na naani kwakundi, ndaaye mundu yeshi úgumbiiti.»

Hezekyeri 18:13

Ali mu kaabana mu kulangaalira ubunguke. Aahago! Umundu mwene uyo, ka agagenderera ukulama? Aahabi! Ku kasiisa, agayitwa. Yenyene, agabetula umuko gwage.

Hezekyeri 18:17

Ali mu yiyeka ukugira amabi. Neꞌkyanya ali mu kaabana, atali mu huuna ubunguke. Ali mu kizi simbaha imaaja zaani. Umundu mwene uyo, atagayitwa hiꞌgulu lyeꞌbyaha bya yishe. Si yehe agakizi lama.

Hezekyeri 18:8

Ikyanya ali mu haana umwenda, atali mu langaalira ubunguke. Atali mu gira amabi, si ali mu twa imaaja mu kati koꞌkuli.

Hezekyeri 22:12

«Baguma biinyu bagweti bagakizi yitana, lyo bahaabwe imbuli. Banali mu kizi haana umwenda, mu kulooza ubunguke bwingi! Banagweti bagakizi nyaga ibya beene mu kugungana. Balya bandu, keera banyibagira lwoshi! Kwokwo, kwo nie Rurema Nahamwinyu ndesiri.

Balaawi 25:17

«Mutakizi gungana. Haliko, mukizi nyoboha, nie Nahano Rurema winyu.

Balaawi 25:37

«Ikyanya wamúkaaba ifwaranga, utasare mbu akizi kuyungula. Ikyanya wamúheereza ibyokulya, utasare kwo angakuyungula.