Balaawi 23:32 - Kifuliiru

³² Yulwo lusiku, mugaluluhuuka kwo nga kwo muli mu luhuuka ku lweꞌSabaato. Haliko, ku yulwo lusiku, muyishalise. Mugakizi lutondeera kabigingwe, mu siku mwenda za gwogwo mwezi, halinde kabigingwe ka úbugaakya.»

Balaawi 23:32 ပူးပေါင်းရင်းမြစ်များ

Nehemiya 13:19

Ku yukwo, nanakyula kweꞌnyiivi zeꞌYerusaleemu zikizi hamikwa ku kyanya kyeꞌhihuuna-huuna, Isabaato ítazi tondeera. Itanayigulwe Isabaato ítazi mala. Nanabiika abakozi baani ha miryango, gira bakizi hangirira abadandaza, batayifunde mu Yerusaleemu ku lusiku lweꞌSabaato.

Zaburi 35:13

Si ku luhande lwani, ikyanya bâli lwaziri, nâli kizi yambala ubusuuzu, iri ninayishalisa, mu kuyerekana kwo najengeerwa. Kundu kwokwo, amahuuno gaani gatanalonga ishuvyo.

Zaburi 51:17

E Nahano, unyigulage akanwa, halinde lyo ngizi kuyivuga imbere lyaꞌbandu.

Hisaaya 57:15

Rurema ayamiri ho imyaka neꞌmyakuula! Ali Mweruuka, anatuuziri mwiꞌgulu bweneene. Anadetaga kwokuno: «Nduuziri mwiꞌgulu bweneene, hanali hataluule. Na kwakundi, nduuziri kuguma na ngiisi úli mutuudu, anabe ayibiisiri haashi. Ee! Yabo batuudu, bwo bali mu yibiika haashi, kyo kitumiri ngabaheereza imisi mihyahya.

Hisaaya 61:3

I Sayuni, kundu abandu bakola mu yibwandalika mu munyota-kiiko, haliko agabaheereza ulushembe úlunonosiri. Na kundu bajengiirwi, agabashiiga amavuta, halinde balangashane. Na ngiisi ábagaaba bavunisiri imitima, agabashambaaza. Yabo bandu, Nahano agababyala mu ndalo yage, gira abayerekane mwoꞌbulangashane bwage, Bagakizi gira íbikwaniini, bagaanaba bakaniri ngeꞌbiti bila byeꞌmyalooni.

Balaawi 16:29

«Ulusiku lwiꞌkumi lwoꞌmwezi gwa kalinda, mwe neꞌbinyamahanga íbimùtuuziri mwo, mukizi shiiba muyishalisiizi. Ndaanayo mikolwa yo mugakizi kola. Luno lubaaja, lugakizi yama ho.

Balaawi 16:31

Yulwo lusiku, mugakizi luluhuuka kwo, iri munayishalisa. Luno lubaaja, lugayama ho.

Balaawi 23:27

«Mu siku ikumi za gwogwo mwezi gwa kalinda, mugakuumana hiꞌgulu lyani, iri munayishalisa, munandangire ituulo lyoꞌkusiriiza.

Balaawi 23:33

Nahano anashubi bwira Musa,

Mataayo 5:4

Bahiriirwi, ábagweti bagajengeerwa! Boohe, Rurema agabaholeeza.

1 Bakorindo 11:31

Haliko, iri twangagwanwa twayibuliriza twenyene, lyoki Rurema atangaki tuhana.

Baheburaniya 4:11

Ku yukwo, tukizi gira umwete gwoshi gwoꞌkuyingira mu buluhuukiro bwa Rurema. Hatanagire kiri noꞌmuguma witu úgaabula ukubuyingira mwo. Tutakizi tenguha, nga kwo bashokuluza ba keera bakagira.

Baheburaniya 4:3

Haliko twehe, tukoli giyemiiri. Kyo kitumiri tugayingira mu buluhuukiro bwa Rurema. Haliko abandi, Rurema akadeta kwokuno hiꞌgulu lyabo: «Yabo bandu, keera nꞌgashiikiza ku buraakari bwani, kwo batâye yingire mu buluhuukiro bwani!» Umukolwa gwa Rurema, gwâli mali yuta ukulyokera ho akabumbira ikihugo.