Balaawi 22:18 - Kifuliiru

¹⁸ kwo amenyeese Harooni na bagala baage, naꞌbandi Bahisiraheeri booshi, kwokuno: «Yizi maaja, ziloziri Abahisiraheeri nirizina, kuguma neꞌbinyamahanga íbimùtuuziri mwo. Hali ikyanya mwangandangira ituulo lyeꞌkitugwa kyoꞌkusiriiza, liba lya kukwiza byo mukalagaania Rurema, kandi iri lya kwoꞌmundu aloziizi.

Balaawi 22:18 ပူးပေါင်းရင်းမြစ်များ

2 Kutondobola 31:14

Umulaawi Koore mugala Himuna, ye wâli kizi laliira ulwivi lweꞌsheere lweꞌnyumba ya Nahano. Kwokwo, banamúbiika abe mwimangizi waꞌmatuulo gooshi ágatangwa imwa Rurema nga kwoꞌmundu aloziizi. Ye wanâli kizi gaba amatuulo mataluule imwa Nahano, kiri naꞌgandi.

Zaburi 116:14

Keera nꞌgalagaania Nahano ngiisi byo ngamútangira. Byo na byebyo, ngamútangira imbere lyoꞌmuhumaanano gwaꞌbandu baage.

Zaburi 116:18

Ngiisi byo nꞌgakulagaania, ngakutangira byo imbere lyoꞌmuhumaanano gwaꞌbandu baawe.

Zaburi 22:25

Mukuba, ngiisi úli mu longa amakuba, atali mu múhindulira ingoto, atanali mu múgayiriza, atanali mu múnegura. Si ikyanya ali mu múlirira, ali mu múyuvwiriza.

Zaburi 56:12

Na bwo ngubiisiri kwoꞌmulangaaliro, ndagaki teerwa neꞌkyoba. Umundu, kutagi kwo agashubi ngira?

Zaburi 61:5

Ndoziizi kwo ngizi tuula mu nyumba yawe ndaluule, ngizi langwa mu byubi byawe.

Zaburi 61:8

Leka mwami akizi twala imbere lyawe, halinde imyaka neꞌmyakuula. Ukizi múlanga mu kuyemeerana, na mu kukundana.

Zaburi 65:1

Izaburi ya Dahudi, imwoꞌmwimangizi waꞌbimbi.

Zaburi 66:13

Ikyanya nâli kola mu makuba, nꞌgakulagaania kwo ngakutangira amatuulo. Kwokwo, ngayegeera inyumba yawe, njoliiri ibitugwa byoꞌkusiriiza. Ngiisi kwo nꞌgakulagaania, kwo nganagira.

Kulyoka 12:5

Ikitugwa kyo mugatoola, kibe kipanga kyoꞌmwaka muguma, kinabe kizira kashembo. Yikyo kitugwa, kyangaba kiri kyanabuzi, kandi iri kyanahene.

Mwigiriza 5:4

Ho wangatanga umuhango buzira kugukwiza, buli bwija ulekage ukugutanga.

Balaawi 1:10

«Yiryo ituulo lyoꞌkusiriiza lwoshi, iri lyangaba kiri kibuzi kandi iri mbene, kikwaniini kibe kipanga, kandi iri kihebe, kinabe kizira kashembo.

Balaawi 1:2

kwo agendi menyeesa Abahisiraheeri kwokuno: «Mu kati kiinyu, iri hangaba umundu úloziizi ukutangira Nahano ikitugwa libe ituulo lyoꞌkusiriiza, angakitoola mu ngaavu, kandi iri mu bibuzi, kandi iri mu mbene.

Balaawi 17:10

«Ngiisi Muhisiraheeri nirizina, kandi iri kinyamahanga íkimùtuuziri mwo, iri angalya umuko, ngamúrakarira, ninamútwe mu Bahisiraheeri.

Balaawi 17:13

«Hali ikyanya Umuhisiraheeri kandi iri kinyamahanga íkimùtuuziri mwo, angagendi hiiva, anayije ayita inyamiishwa íhangwirwi ukuliibwa, kandi iri kanyuni. Umuko gwabyo, akwiriiri aguyonere kwiꞌdaho, anagufulire.

Balaawi 22:17

Nahano anashubi bwira Musa,

Balaawi 23:38

Yago matuulo, gali mu yushuulwa ku galya go muli mu ndangira ulusiku lweꞌSabaato, naꞌmatuulo go muli mu ndangira mu kukwiza byo mukandagaania, kiri naꞌgandi go muloziizi ukundangira.

Balaawi 7:16

«Hali ikyanya ituulo lyangatangwa, nga kwoꞌmundu aloziizi, kandi iri hiꞌgulu lyoꞌkukwiza byo akalagaania. Haaho, umutuli muguma gugaliibwa lwolwo lusiku. Haliko íbigasigala, byangaliibwa úbugaakya.

Hamoosi 4:5

Muyokye imikate íri mweꞌsaama, libaagage ituulo lyoꞌkudeta kongwa. Ha nyuma, munatangage agandi matuulo goꞌbulooze bwinyu, lyo mulonga ubulyo bwoꞌkukizi yikangaata hiꞌgulu lyago imbere lyaꞌbandu! Mukuba kwokwo, kwo muloziizi ukukizi gira. Kwokwo, kwo nie Rurema Nahamwinyu ndesiri.

Yona 1:16

Yabo bashooji, mbu babonage kwokwo, banatondeera ukuyoboha Nahano bweneene, banayami mútangira ituulo, banalagaania kwo bagakizi múkolera.

Yona 2:9

Abandu baguma bagweti bagayikumba imizimu ya kabusha-busha. Mu kugira kwokwo, bali mu yibuliisa imigashani.

Malaki 1:14

«Umundu, nga angandagaania kwo agandangira ikitugwa kiija, anayiji ndangira kyaꞌkashembo, uyo adaakwe. Si nie mwami mukulu! Naꞌmahanga gooshi, gayamiri ganyobohiri. Kwokwo, kwo nie Nahano woꞌbushobozi bwoshi ndesiri.»

Muharuuro 15:3

Neꞌkyanya mugaaba mukoli kituuziri mwo, mukakizi nzimiisa, ku njira yoꞌmushiiriri gweꞌbitugwa byo mugandangira. Yago matuulo, gagakizi shaaga mu nguuli zeꞌbitugwa biinyu. Bikizi ba kwokwo, iba ku matuulo goꞌkusiriiza lwoshi, kandi iri ku goꞌkukwiza byo mukandagaania, kandi iri ku ágatangwa nga kwoꞌmundu aloziizi, kandi iri ku geꞌbyanya byeꞌsiku ngulu ziinyu.

Mikolezi 18:18

Pahulu anashubi gira izindi siku nyingi mu kaaya keꞌKorindo. Ha nyuma, anaseezera abaabo Bakirisito beꞌyo munda, anagenda mu keꞌKengereya. Na bwo âli mali gwanwa alagaania Rurema ku magambo malebe, anaba keera agakoleesa, kyanatuma agayibegeesa akahala. Ha nyuma, banashonera mu mashuba, kuguma na Pirisila na Hakila, banagenda mu poroveesi yeꞌSiriya.

Bukengeeze 12:17

«Ngiisi ho mugaaba mutuuziri, ikyanya mugaaba mwataluula ikihande kiꞌkumi, kwo mukitangire Rurema, mutakolwe kwo mwakilya kwo imwinyu, kiba kyeꞌngano, kandi iri kyeꞌdivaayi, kandi iri kyaꞌmavuta. Kwo na kwokwo biba byatangwa itomola mu ngaavu ziinyu, kandi iri mu bibuzi biinyu, kiri na mu mbene ziinyu, kandi iri gaba matuulo goꞌkukwiza byo mwalagaania, kandi iri go muli mu tanga nga kwo muloziizi, kandi iri goꞌlushangi.

Bukengeeze 12:6

Iyo munda, yo mugakizi twala amatuulo giinyu goꞌkusiriiza, kuguma naꞌgandi matuulo. Munakizi twala na yeꞌkihande kiꞌkumi kyeꞌmimbu yinyu, naꞌgandi matuulo go muli mu tanga nga kwo muloziizi. Munatange naꞌmatuulo goꞌkukwiza byo mwalagaania Nahano. Munakizi leeta ifula zooshi, ziba za ngaavu, kandi iri za bibuzi, kandi iri za mbene.

Bukengeeze 16:10

Yago mayinga, iri gangahika, munagirage ulusiku lukulu lweꞌmimbu, mu kusimbahiisa Nahano, Rurema winyu. Mutange amatuulo, nga kwo umundu aloziizi, ukukulikirana na kwo Nahano agaaba amùgashaanira.