Balaawi 19:32 - Kifuliiru

³² «Ikyanya umushaaja agayija, mukizi múheereza ulushaagwa, mu kuyimuka imbere lyage. Na kwakundi, mukizi simbaha Rurema winyu. Niehe, nie Nahano.

Balaawi 19:32 ပူးပေါင်းရင်းမြစ်များ

Ndondeko 31:35

Uyo Laheeri, anabwira yishe: «E daata, ungejeerere! Utayagalwe, ndaakwo nangayimanga imbere lyawe, bwo ndi mu lwaꞌbakazi.» Kwokwo, kwo Labaani âli kizi looza iyo migisi yage, atanagibona.

Ndondeko 48:12

Ha nyuma, uyo Yusefu analyosa bagala baage ku madwi ga shokulu wabo, anayinama, anahisa amalanga haashi.

1 Baami 2:19

Kwokwo, Batisheeba anagendi detera Hadoniya imunda mwami. Mwami, iri akabona nyina Batisheeba, anayimuka ku kitumbi kyage kyeꞌkyami, anagendi músanganira, anayinama imbere lyage, anashubi bwatala ku kitumbi kyage, anatuma kwo baleetere nyina naye ikitumbi. Neꞌri Batisheeba akaba akoli bwatiiri uluhande lweꞌlulyo lwa mwami,

2 Baami 17:36

Mbe nie mugakizi yikumba naaho. Mukuba, nie kamùlyosa i Miisiri ku bitangaaza bya kahebuuza, na mu kati koꞌbushobozi. Mukizi nyikumba, iri munanvukamira. Mbe nie mugakizi tangira amatuulo.

Hayubu 32:4

Ikyanya yabo bashaaja bâli gweti bagahambanwa na Hayubu, uyo Herihu âli bwatiiri kanyerere ha butambi, bwo âli kiri musore.

Hayubu 32:6

anatondeera ukudeta kwokuno: «Nie kiri musore, na mwehe mukola bashaaja. Kyo kyatuma ndamùbwira byo ndoniri.

Migani 16:31

Ngiisi úli neꞌnvwi, luli lushembe lwoꞌkulangashana. Ali mu zilonga, mu kukizi gira íbikwaniini.

Migani 20:29

Imisore iri mu longa ubulangashane ku njira yeꞌmisi yayo. Si abashaaja boohe, abandu bali mu bagingika hiꞌgulu lyeꞌnvwi zaabo.

Migani 23:22

Ukizi simbaha yisho. Mukuba, ye kakubuta. Kiri na nyoko, utakizi múgayiriza, mbu bwo akola mugiikulu.

Hisaaya 3:5

Abandu bagakizi libuzania, halinde ngiisi mundu anakizi hagana noꞌmutuulani wage. Imisore, igakizi shundeeza abashaaja, noꞌtufwa-busha, tugakizi shundeeza abanalushaagwa.

Kimombo 5:12

Abatwali biitu bakagendi manikirwa ku maboko gaabo. Kiri naꞌbashaaja biitu, bakola mu gayirizibwa.

Balaawi 19:14

«Mutakizi daaka babitwitwi. Kiri neꞌmbumi, mutakizi zisiitaza. Haliko, mukizi yoboha Rurema winyu. Niehe, nie Nahano.

Barumi 13:7

Ku yukwo, mukizi heerezagya ngiisi mundu íbimúkwaniini! Umundu, iri angaba akwaniini ukuhaabwa umurambu, mukizi rambulira imwage. Neꞌri angaba akwaniini ukubugulwa, mukizi múheereza ikibugulo. Neꞌri angaba akwaniini ukusimbahwa, mukizi músimbaha. Neꞌri angaba akwiriiri ukuhaabwa ulushaagwa, mukizi múgingika.

1 Timoteyo 5:1

Abashosi ábakoli kaniri, hatagirage ye ugakanukira. Si ukizi bahanuula nga bayisho. Neꞌmisore mitabana kwakundi, ukizi giba mwo nga beene winyu.

1 Peturu 2:17

Mukizi heereza abandu booshi ulushaagwa. Abiinyu Bakirisito, mukizi bakunda. Na mwami, mukizi múheereza ulushaagwa. Na Rurema, mukizi múyoboha.