Balaawi 19:27 - Kifuliiru

²⁷ «Umushaku ku mwatwe giinyu, mutakizi gumwesa ikitapwa. Noꞌlwanwa lwinyu, mutakizi lumwa mu mbengere.

Balaawi 19:27 ပူးပေါင်းရင်းမြစ်များ

1 Kutondobola 19:4

Kwokwo yabo bashosi ba Dahudi, ulya Hanuuni anabagwatiisa, anababegeesa inyanwa, anabalandamulira neꞌbyambalwa halinde ku nio, abuli baliika bagende.

Hisaaya 15:2

Abamohabu booshi, ikyanya bakabona íbikakoleka ku bandu beꞌNebo naꞌbeꞌMedeba, banayami banda akashiba, ti yoho wee! Abandu beꞌDibooni, bagenda mu nyumba yeꞌmizimu yabo, gira bagendi lirira mwo. Yabo booshi keera bakunguulwa imishaku, kiri neꞌnyanwa.

Yeremiya 16:6

«Mu kyekyo kihugo kyeꞌBuyuda, mwaꞌbanabushobozi bagaherera, kuguma naꞌbagunda. Ndaanaye úgaagira mbu abaziike, kandi iri kubalirira. Ndaanaye úgayibejanga, kandi iri kubegwa, mu kuyerekana umwizingeerwe.

Yeremiya 41:5

abandu makumi galimunaana bakayija i Misipa bagweti ingano noꞌmubadu gira babitange ituulo mu nyumba ya Nahano. Baguma baabo bâli lyosiri i Shekemu, naꞌbandi i Shiilo, naꞌbandi i Samariya. Yabo booshi, bâli yikurungwiri inyanwa, noꞌkuyibejanga-bejanga. Banâli yambiiti ubusanganira mu kuyerekana umwizingeerwe.

Yeremiya 48:37

Yabo bandu, mu kuyerekana kwo bajengiirwi, keera bakakunguulwa umushaku ku matwe, kiri neꞌnyanwa. Keera banashaakirwa ku maboko, banakoli kenyiiri amasuuzu.

Yeremiya 9:25

Abamiisiri, naꞌBayuda, naꞌBahedoomu, naꞌBahamooni, naꞌBamohabu, kiri naꞌbatuulaga booshi ba mwiꞌshamba, balya ábali mu kunguula imishaku mu mbengere. Balya booshi, batâli kizi tenguulwa nga kwo bibakwiriiri. Kiri naꞌBahisiraheeri booshi, nabo batazindi tenguulwa ku biri mu mitima yabo.»

Hezekyeri 44:20

Yabo bagingi, batakwiriiri ukukizi kunguulwa amatwe, bataganakizi leka kwoꞌmushaku gulaahe. Haliko, bagakizi guniihya kwo.

Hezekyeri 7:18

banayambale amasuuzu. Kiri naꞌmatwe gaabo, kwo bali booshi, ganakunguulwe, mu kuyerekana ngiisi kwo bakoli jengiirwi. Amalanga gaabo gagazizibala hiꞌgulu lyeꞌshoni, banakizi teteerwa lwoshi-lwoshi.

Balaawi 19:28

«Ikyanya mugagandaara úwafwa, mutakizi yibejanga-bejanga hiꞌgulu lyage. Mutanakizi yishala ishalo. Niehe, nie Nahano.

Balaawi 21:5

«Abagingi, mu kigandaaro, batahangwirwi ukumwebwa akahala, kandi iri ukumwa ulwanwa mu mbengere, kandi iri kuyishaakira.

Bukengeeze 14:1

«Mwehe, mukola bandu ba Nahano, Rurema winyu. Ku yukwo, iri mwangakizi ba mu kigandaaro, mutakizi yishaakira. Mutanakwiriiri ukukizi begwa umushaku i malanga.