Balaawi 16:22 - Kifuliiru

²² Kwokwo, yikyo kihebe, ikyanya kigayidungeera mwiꞌshamba, kigatwala mweꞌbyaha byoshi byaꞌbandu.

Balaawi 16:22 ပူးပေါင်းရင်းမြစ်များ

Zaburi 103:10

Kiri neꞌkyanya ali mu tuhana, atali mu kulikiriza ibyaha biitu, nga ngiisi kwo biri.

Zaburi 103:12

Nga kweꞌmuga halyagagi hala ngana neꞌsheere, kwo neꞌbyaha biitu, ali mu bilasha hala bweneene.

Hezekyeri 18:22

bwaꞌmabi gaage gooshi, gagayibagirwa. Na bwo ali mu kizi gira ibyoꞌkuli, agalonga ukulama.

Hezekyeri 4:4

«Ha nyuma, unagendi gwejerera ulubavu lwawe lweꞌlumosho, unayibetuze ibyaha byaꞌBahisiraheeri, halinde ukuhisa ku siku magana gashatu na makumi galimwenda. Yizo siku, ziyumiini neꞌmyaka yo bakwaniini ukuhanwa. Ulusiku luguma luyumiini noꞌmwaka muguma. Ku yizo siku zooshi, yikyo kihano kyaꞌBahisiraheeri, ugakizi kibetula.

Balaawi 14:7

Yugwo muko, anagushangire ubugira kalinda kuꞌlya mundu úgayeruusibwa umubembe, abuli deta kwo akoli yerusiibwi. Kalya kanyuni kagumaana nako, anabuli kalikuula kapurumukire mu kishuka.

Balaawi 16:21

Yikyo kihebe, Harooni agakibiika kwaꞌmaboko gombi mu ruhanga, anakizi kitondobolera kweꞌbyaha byoshi byaꞌBahisiraheeri, naꞌmahube gaabo, noꞌbuhuni bwabo. Kwokwo, kwo agalyosa yibyo byaha mu bandu, anabibiike ku mbene. Ha nyuma, umundu útoozirwi, agakiyimula kigende mwiꞌshamba.

Balaawi 16:23

«Ha nyuma, Harooni anagalukire mwiꞌheema lyeꞌmihumaanano. Anamuhogolere birya byambalwa byo atáyambiiti Ahandu Heeru bweneene, anabisige mwo.

Mika 7:19

Uganashubi tuyuvwirwa indengeerwa. Ibyaha biitu ugabilibata-libata mwiꞌdako lyaꞌmagulu gaawe, ukabuli bilasha mu kalingi keꞌnyaaja.

Yohana 1:29

Iri bukakya, Yohana anabonaga Yesu agweti agamúyijira, anadeta: «Lolagi! Uyu, ye Kyanabuzi kya Rurema. Yehe, ye gashaaza ibyaha mu kihugo.

Bagalatiya 3:13

Yiryo idaaki, kundu liri mu leetwa neꞌMaaja, haliko keera Yesu akatuguluula mu kati kaalyo. Mukuba yehe akadaakwa, ho twangadaasirwi. Biri nga kwo biyandisirwi mu Mandiko Meeru kwokuno: «Iri umundu angamanikwa ku kiti, iri adaasirwi.»

Baheburaniya 9:28

Kyo kitumiri Kirisito naye akatangwa, gira ayitwe lyeryo liguma naaho hiꞌgulu lyoꞌkushaaza ibyaha byaꞌbandu bingi. Aganaki shubi yija mu kihugo ubwa kabiri. Si kutagaki ba hiꞌgulu lyoꞌkushaaza ibyaha. Si leero kukolaga kugaaba hiꞌgulu lyoꞌkuyiji kiza ngiisi ábagweti bagamúlindirira.

1 Peturu 2:24

Kirisito yenyene, akabetula ibyaha biitu mu magala gaage. Anayitirwa ku kibambo, gira nyiitu ku luhande lweꞌbyaha, tube tukoli fwiri. Tunabe tuli ho, hiꞌgulu lyoꞌkukizi gira íbikwaniini. Mukuba, mu nguma za Yesu, mwo mukakirira.