Balaawi 13:45 - Kifuliiru

⁴⁵ «Ngiisi úkoli lwaziri umubembe, akwiriiri akizi yambala ubusanganira, atanakizi shanuza umushaku. Anakizi bwikira naꞌkanwa kaage, anakizi genda agabanda akashiba kwokuno: “Ngoli yulubiiri, ngoli yulubiiri.”

Balaawi 13:45 ပူးပေါင်းရင်းမြစ်များ

Ndondeko 37:29

Uyo Rubeni, ikyanya akagalukira iwa kirya kirimbi-rimbi, anagwana Yusefu atakiri mwo, kyanatuma agayami daatula ibyambalwa byage ku mwizingeerwe.

2 Samweri 13:19

Uyo Tamaari anayami yibuga umunyota-kiiko mwiꞌtwe. Niꞌkanju lyage, analilalaanula, anagenda akoli betwiri amaboko kwiꞌtwe, iri anabululuka.

2 Baami 7:3

Haaho ha mbuga lyoꞌlwivi lwaꞌkaaya keꞌSamariya, hâli riiri abanamubembe bana. Yabo bandu banahanuusania, ti: «Kituma kiki tugabeera hano, halinde tufwe?

Hayubu 1:20

Hayubu anayami yijejeeta, anadaatula ikyambalwa kyage. Ha nyuma, anayibega umushaku kwiꞌtwe, anayibulaga haashi, anatondeera ukuyikumba Rurema kwokuno:

Hayubu 42:6

Ku yukwo, ngiisi byo nꞌgadeta, buno ngweti ngabidetuula. Ngabwatala haashi mu luvu, na mu munyota-kiiko, mu kuyerekana kwo yago magambo, keera nagatwikira kwo.»

Zaburi 51:3

E Rurema! Keera nahuba bweneene. Kwokwo, ungejeerere. Yago mahube gaani, ugahotolage. Si indengeerwa zaawe ziri za kahebuuza! Noꞌrukundo lwawe lutâye male.

Zaburi 51:5

Amahube gaani, ngayiji bwija. Ibyaha byani biyamiri biri imbere lyani.

Hisaaya 52:11

Mwe mubetwiri ibirugu bya Nahano! Mushaage mu kaaya keꞌBabeeri. Mushaagage, maashi! Mutaki hume ikindu kyoshi kyoꞌmuziro! Si muyiyeruusagye, munakalyoke mwo.

Hisaaya 6:5

Iri nꞌgabona kwokwo, nanadeta: «Ala nie! Si leero ngola ngashereera! Si akanwa kaani kayulubiiri. Naꞌbandu bo tutuliinwi, nabo utunwa twabo tuyulubiiri. Kundu kwokwo, keera nayibonera Umwami. Ye na Nahano woꞌbushobozi bwoshi!»

Hisaaya 64:6

Mu kati kiitu, ndaaye úgweti úgahuuna kwiꞌziina lyawe. Ndaanaye uli mu kebukwa, mbu akuhuune ulukogo. Si keera watuhindulira ingoto, wanalekaga ibyaha biitu bitushereeze!

Yeremiya 3:25

«Ku yukwo, bikwiriiri ishoni zituyizingage kwo, zinatudeedeke haashi. Mukuba, tweshi na bashokuluza biitu, twâli kizi gira ikyaha imbere lya Rurema Nahamwitu. Ukulyokera ubwanuke bwitu halinde buno, ndaaye úkamúsimbaha.»

Yeremiya 36:24

Na kundu mwami naꞌbatwali baage bakayuvwa ngiisi byo bakasoma, si batakayoboha, batanadaatula ibyambalwa byabo ku mwizingeerwe.

Kimombo 4:15

Ikyanya bâli kizi lengaga, abandu banakizi bafuka akahoogo, ti: «Muyiyeeke! Si bakoli yulubiiri! Muyiyeeke maashi, mutabahume kwo!» Kyanatuma bagashaaga yaho, banatibitira mu mahanga. Neꞌyo munda, banakizi jeba-jeba, ndaanaye úkabahanguula kwo babeere yo.

Hezekyeri 24:17

Si ukakizi kungumira i mutima, buzira kiri noꞌkumúgirira ikigandaaro. Utayibwike amalanga, utanalye ibiryagu. Haliko, ugenderere ukukizi yambala ibiraato, unasoose neꞌkihunika kwiꞌtwe.»

Hezekyeri 24:22

«“Neꞌkyanya yabo bagala biinyu na banyere biinyu bagayitwa, mukagire nga kwo naani nagira. Mutakizi yibwika amalanga, kandi iri mulya ibiryagu.

Yuheeri 2:13

Mutakizi ki daatula naaho ibyambalwa biinyu, mu kuyerekana kwo mukoli jengiirwi. Si mukizi hindula imitima yinyu.» Mugalukire Nahano, Rurema winyu. Mukuba, ali mu yuvwiranwa indengeerwa, anali mu kejererana. Atali mu yagalwa duba, si ayijwiri urukundo bweneene. Ayamiri ali ibiringiini ukuyishuhiza ku mabi.

Balaawi 10:6

Musa anashubi bwira Harooni naꞌbagala bombi, Heryazaari na Hitamaari kwokuno: «Mutashovye imishaku yinyu mu kugandaara, mutanadaatule imirondo yinyu. Iri mwangagira kwokwo, mugaraakaza Nahano, na niinyu kwakundi mugayami fwa, mwe naꞌBahisiraheeri booshi. Bwo Nahano ayita yabo bombi ku muliro, mulekere abiinyu Bahisiraheeri, babe bo bangabagandaara.

Balaawi 13:44

Kwokwo, ulya mundu agaaba akoli hiiti ubulwazi bwoꞌmubembe, anabe akoli yulubiiri. Umugingi, akwaniini amenyeesanie kwoꞌyo mundu akoli yulubiiri, bwo ahiiti ubulwazi mwiꞌtwe lyage.

Balaawi 21:10

«Umugingi mukulu, ye kuliiri abaabo booshi. Ulusiku akabiikwa mu mukolwa, akataluulwa mu kuyonerwa amavuta mwiꞌtwe, anayambikwa ibyambalwa bitaluule. Kyo kitumiri atahangwirwi ukukizi shovya umushaku gwage, atanahangwirwi ukukizi daatula ibyambalwa byage,

Mika 3:7

Abanamabone biinyu, bagagwatwa neꞌshoni.» Na ngiisi ábali mu gira mbu balagule, bagateteerwa ngana. Mugaaba mutakiri mu longa ishuvyo imwa Rurema, kinatume mweshi mugabwikira akanwa noꞌkuboko.

Muharuuro 5:2

kwo agendi bwira Abahisiraheeri kwokuno: «Ngiisi úgweti umubembe, bakwiriiri bamúyimule mu shumbi. Bayimule na ngiisi úli mu shuubala amasira, na ngiisi úwayiyulubaza mu kuhuma ku kirunda.

Luka 17:12

Neꞌri akaba akola mu yingira mu kaaya kaguma, anabona abanamubembe ikumi. Bâli yimaaziri hala,

Luka 5:8

Simooni, mbu abonage kwokwo, anafukama imbere lya Yesu, anamúbwira: «E Nahamwitu, ushaage hano ndi! Si ndi munabyaha!»