Baheburaniya 8:8 - Kifuliiru8 Haliko, Rurema anabona kwaꞌbandu baage bakiri mu huba, kyanatuma agaadeta: «Nie Nahano nadeta kwokuno: Mu siku ízigayija, ngashubi nywana ikihango kihyahya naꞌBahisiraheeri, kiri naꞌBayuda. အခန်းကိုကြည့်ပါ။ |
«Mu yizo siku, ikyanya abandu bagakizi biika indahiro, batagakizi ki deta, mbu: “Nga kwo Nahano ayamiri ho, ulya úkalyosa Abahisiraheeri i Miisiri.” Si bagakizi deta: “Nga kwo Nahano ayamiri ho, ulya úkalyosa Abahisiraheeri mu bihugo byeꞌmbembe, na mu ngiisi gandi mahanga go bâli shabukiiri mwo.” Haaho, lyaꞌBahisiraheeri bagayiji tuula mu kihugo kyabo.» Kwokwo, kwo Nahano adesiri.
Abandu, ikyanya bâli tuuziri mu kihango kya mbere, bâli yamiri bashwekiirwi mu byaha byabo. Halikago buno, Kirisito keera akabashwekuula mwo, ku njira yoꞌkufwa kwage. Kwokwo, lyo akabanywaniisa kuguma na Rurema ku njira yeꞌkihango kihyahya. Na bwo bahamagiirwi na Rurema, bâye longe imigashani yeꞌmyaka neꞌmyakuula, nga kwo akabalagaania!