Baheburaniya 7:12 - Kifuliiru

¹² Neꞌkyanya ubugingi buli mu gomboolwa, bikwiriiri neꞌmaaja zaabwo, zigomboolwe.

Baheburaniya 7:12 ပူးပေါင်းရင်းမြစ်များ

Hisaaya 66:21

Na mu yabo ábagayija, ngatoola baguma, babe bagingi, naꞌbandi babe Balaawi.» Kwokwo, kwo Nahano adesiri!

Hezekyeri 16:61

Haaho, yago mabi gooshi go mwâli kizi gira, mugagakengeera, munagwatwe neꞌshoni. Yabo beene winyu, Soodoma na Samariya, ngamùheereza bo, babe nga banyere biinyu, kundu batakanywana ikihango na naani, nga kwo mukagira.

Baheburaniya 7:11

Ikyanya Abahisiraheeri bakahaabwa imaaja yaho keera, zâli yimangiiri ku bugingi bwaꞌBalaawi. Haliko yubwo bugingi, ndaabyo bwâli kizi tungaania. Nga byangabiiri ho, hatangabiiri igoorwa lyoꞌkuyimangika ugundi mugingi wa mu bugingi bwa Merikisedeeki, uyo útakiri wa mu bugingi bwa Harooni.

Baheburaniya 7:13

Yibi tushuba mu deta, bidesiri hiꞌgulu lya Nahamwitu. Mukuba, naye, atalyagagi wa mu mulala gwoꞌmugingi Harooni. Si âli riiri wa mu mulala gwaꞌBayuda. Tunayiji-yiji kwo ndaaye gundi mundu wa mu mulala gwaꞌBayuda úwâli kizi kola nga mugingi ha katanda koꞌkutangira kwaꞌmatuulo. Kiri neꞌkyanya Musa akadeta hiꞌgulu lyaꞌBayuda, ndaalyo igambo lyoshi lyo akadeta hiꞌgulu lyaꞌbagingi.

Baheburaniya 9:10

Si yibyo byoshi, byâli kulikiriini naaho neꞌbyokulya, neꞌkinywebwa, neꞌnjira ndebe zoꞌkuyiyeruusa. Yâli riiri migeeza naaho yeꞌbyaꞌmagala. Byanâli kizi kola naaho, halinde ukuhisagya ku kyanya Rurema akabigomboola na íbiri bihyahya.