Baheburaniya 6:17 - Kifuliiru

¹⁷ Kwo na kwokwo, ikyanya abandu bâli bikiirwi umuhango gwa Rurema, âli loziizi ukubayereka kweꞌshungi zaage zitâye hinduke, kyanatuma agabiika umuhango gwage kweꞌndahiro.

Baheburaniya 6:17 ပူးပေါင်းရင်းမြစ်များ

Ndondeko 26:28

Nabo, ti: «Keera tukabona ku bweranyange kwo Nahano muyamiinwi. Tukoli bwini kwo buli bwija tubeeranwe mu kati koꞌmutuula. Aahago! Tubikirane indahiro, tunanywane ikihango.

Zaburi 110:4

Nahano keera akatugirira umuhango, ataganaki guyishuhiza kwo. Akadeta kwokuno: «Wehe, ugayama uli mugingi weꞌmyaka neꞌmyakuula, ukukulikirana noꞌbugingi bwa Merikisedeeki.»

Zaburi 33:11

Si Nahano yehe, ikyanya ali mu tegeka igambo, liri mu yama lisikamiri halinde imyaka neꞌmyakuula! Ngiisi byo ali mu shungika mu mutima gwage, biyamiri ho, halinde ku bibusi byoshi.

Zaburi 36:8

Urukundo lwawe, lulyagagi lwaꞌkahebuuza, lutanali mu hera. Abakulu, kiri naꞌbakiga, bali mu tibitira mu kimbehwa kyeꞌbyubi byawe.

Kulyoka 22:11

Haliko, iri kyangazimbirwa ha mwage, akwiriiri akilihe uyo nakumúbiisa.

Migani 19:21

Kundu umundu ali mu shungika bweneene mu mutima gwage, si ngiisi byo Nahano ashungisiri naaho, byo biri mu koleka.

Lwimbo Lwija 5:1

«E shasha yani, uli weꞌmwani. Keera nayingira mu ndalo yani. Ngweti ngayimbula imanemane, kuguma noꞌbwasi úbuli mu huumura. Na ngweti ngamiima ibibambala byoꞌbuuki, na nywe idivaayi, kuguma naꞌmata.» «E biira baani, mugire mulye. Ee! Mukizi nywa, halinde mulaluke urukundo.»

Hisaaya 14:24

Nahano woꞌbushobozi bwoshi, abiika indahiro kwokuno: «Ngiisi byo nꞌgashungika, kwokwo kwo biganakoleka! Ee! Ngiisi kwo nꞌgatwa uluhango, kwo bigaanaba.

Hisaaya 46:10

Ngiisi íbiri mu koleka, nâli mali gwanwa nabimenyeesa ukulyokera ku ndondeko. Kundu bitâli zaazi koleka, haliko, nâli mali gwanwa namùmenyeesa byo. Ngiisi byo njungisiri, byo biri mu koleka. Ee! Ngiisi byo ndoziizi, byebyo, byo ndi mu gira.

Hisaaya 55:11

Kwokwo, kwo biri na ku magambo gaani. Yago magambo gaani, gatangangalukira mamaata. Si gali mu koleesa ngiisi byo ndoziizi. Ee! Ngiisi byo nꞌgagwanwa nagatuma, byo na byebyo gali mu gira.»

Hisaaya 55:7

Banangora-mabi batwikire ku mabi gaabo, banayiyeke neꞌmitono yabo mibi. Bagalukire Nahano, gira alonge kubakejeerera. Ee! Ikyanya bagagalukira Rurema witu, agabakoga lwoshi-lwoshi.

Malaki 3:6

E beene Yakobo! Niehe nie Nahano! Ndanali mu hinduka. Kyo kitumiri ndakamùminika lwoshi-lwoshi.»

Yohana 10:10

«Haliko, umuzimba yehe, ali mu yija naaho hiꞌgulu lyoꞌkuzimba, na hiꞌgulu lyoꞌkushereeza, na hiꞌgulu lyoꞌkuyitana. Si niehe nꞌgayijaga, gira abandu balonge ubugumaana. Yubwo bugumaana, bunayame bubadimiriiri mwo!

Barumi 11:29

Neꞌri Rurema angaba keera ahamagala abandu, anabaheereze ibigabi, atangaki bayihindulira.

Barumi 8:17

Na bwo tukolaga baana baage, tukola tugalonga ngiisi byo atubikiiri. Kiri na ngiisi byo abikiiri Kirisito kwakundi, na nyiitu tugabilonga kwo. Mukuba, iri twangakizi libuuka kuguma na Kirisito, lyo tugalonga ubulangashane bwage.

Bagalatiya 3:29

Na bwo mukola bandu ba Kirisito, buno na niinyu mukolaga ba mwiꞌkondo lya Hiburahimu. Kwokwo, ngiisi byo Rurema akagwanwa amùlagaania, na niinyu mugabilonga.

Bahefeso 1:11

Ngiisi byo Rurema ali mu gira, ali mu gwanwa abishungika. Kwokwo, na nyiitu, akatutoola kwo tube beꞌmwage mu kati ka Kirisito.

Baheburaniya 11:7

Nuhu naye, âli biisiri Rurema kwoꞌbwemeere, kyanatuma agamúsimbaha mu kuyubaka ulya nangungubanga waꞌmashuba, halinde anakiza abandu beꞌmbaga yage. Mukuba, Rurema âli mali gwanwa amúkengula hiꞌgulu lyoꞌmwijulire, ku kyanya atâli zaazi gubona. Na ku bwobwo bwemeere bwage, kwo akahaniisa abandi booshi. Kwokwo, kwo Nuhu akaharuurirwa kwo ye kwaniini imbere lya Rurema.

Baheburaniya 11:9

Ku bwobwo bwemeere, Hiburahimu anagendi shumbika mu kihugo kya beene, akola kinyamahanga. Kinali kihugo kyo Rurema âli mali gwanwa amúlagaania! Hiburahimu âli yamiri atuuziri yo mu maheema, nga kwo Hisake na Yakobo nabo bakagira. Mukuba, bâli mali longa gwogwo muhango kwo nabo bagalonga ku byo Hiburahimu âli bikiirwi.

Baheburaniya 6:12

Tutaloziizi kwo mukizi ba boolo. Halikago, muyigire umugani ku ngiisi ábayemiiri Yesu ku bwigenderezi, bakanalonge ngiisi byo Rurema akabalagaania.

Baheburaniya 6:16

Na íbitumiri abandu bali mu biika indahiro kwiꞌziina lya ábabakuliiri, gira lyeꞌyo ndahiro ileeta akasiisa ku byadetwa. Kwokwo, batanaki be neꞌmbamba hiꞌgulu lyabyo.

Baheburaniya 6:18

Yugwo muhango, neꞌyo ndahiro, bitâye hinduke. Bitanganaziga kwo Rurema abibeeshe kwo. Kyo kitumiri tuli mu holeezibwa bweneene! Tunakoli tibitiiri imwage, gira akizi tulanga. Tunakoli langaliiri imihango yage buzira kusisiitwa.

Yakobo 1:17

Ngiisi kindu kiija kyo tuli mu longa, kinabe kitungiini, kyohe kiri mu lyoka mwiꞌgulu imwa Rurema. Yehe, ali Yishe weꞌmirengeerwe, atanali mu hinda-hinda nga bimbehwa.

Yakobo 2:5

E beene witu bakundwa! Munyuvwirize bwija! Ngiisi ábali mu bonerwa mu kihugo kwo bali bakeni, baabo bo Rurema keera akatoola kwo bo bagaaba bagale ku bwemeere. Ee! Bwo bakuuziri Rurema, bagahaabwa ubwami bwo akatulagaania.

1 Peturu 1:3

Rurema, Yishe wa Nahamwitu Yesu Kirisito, ahuuzibwe! Akatuyereka ulukogo lwage, mu kuzuula Yesu Kirisito mu bafwiri, halinde anatubuta buhyahya. Kwokwo, tukoli ba noꞌmulangaaliro úguyamiri ho.

1 Peturu 3:7

Na niinyu mwe bashosi, mukizi tuulaga bwija na bakiinyu. Mukizi bagirira nga ngiisi kwo bibakwaniini. Bwo bali noꞌbukaholwe, mukizi baheereza ulushaagwa. Mukizi gira kwokwo, lyo hatagira kindu íkyangahangirira amahuuno giinyu imwa Rurema. Mukuba, mwe na bakiinyu, Rurema ali mu mùheereza ubugumaana ku lukogo lwage.