Baheburaniya 3:7 - Kifuliiru

⁷ Biri nga kwoꞌMutima Mweru gudesiri: «Zeene, iri mwangayuvwa izu lyage,

Baheburaniya 3:7 ပူးပေါင်းရင်းမြစ်များ

2 Samweri 23:2

«Umutima gwa Nahano, guli mu deta mu kati kaani. Amagambo gaage, gali mu kanwa kaani.

Zaburi 81:11

Si niehe, nie Rurema Nahamwinyu. Nie kamùlyosa mu kihugo kyeꞌMiisiri. Kwokwo, muyamuule utunwa twinyu, gira mbakombeke ibyokulya.

Zaburi 81:13

Ku yukwo, nanabaleka bagenderere ukuyumya imitima yabo, bakizi gira nga ngiisi kwo baloziizi.

Migani 27:1

Ibya kusheezi, utakizi biyihayira. Mukuba, ngiisi ulusiku, utayiji byo lugaleeta.

Mwigiriza 9:10

Ngiisi byo ugakizi gira, ukizi bigira ku misi yawe yoshi. Si ulindiriiri ukugenda i kuzimu! Neꞌyo munda, ndaagwo mukolwa, ndaanakwo kushungika, ndaanabwo bumenyi, ndaanabwo bwitegeereze.

Hisaaya 55:3

Munyegeere, munanyuvwirize! Ee! Mundegage amatwiri, lyo mulonga ukulama. Nâli mali lagaania Dahudi, kwo ngamúgashaanira. Kwokwo na naawe, tukola tuganywana ikihango kyeꞌmyakuula.

Hisaaya 55:6

Ugirage umwete gwoꞌkulooza Nahano, ku kyanya akiri mu boneka. Unamúhuune ubutabaazi, bwo akiri hoofi-hoofi.

Mataayo 17:5

Iri Peturu akaba akiri mu deta, hiꞌgulu lyabo, hanahulukira ikibungu, kyanabazinga. Kyâli riiri pee! Mu kirya kibungu, mwanahuluka izu, lyanadeta kwokuno: «Uyu, ye Mwana wani mukundwa! Ye mu nzimiisa. Aaho! Mukizi múyuvwiriza!»

Mataayo 22:43

Yesu anababwira: «Aaho! Kutagi kwo Dahudi angaki deta kwo Masiya ali Nahamwabo! Si Dahudi, mu kurongoorwa noꞌMutima Mweru, akadeta kwokuno:

Mariko 12:36

Si Dahudi yenyene, mu kurongoorwa noꞌMutima Mweru, akadeta kwokuno: “Nahano, akabwira Nahamwitu: Ubwatalage uluhande lwani lweꞌlulyo, halinde mbiike abagoma baawe mwiꞌdako lyaꞌmagulu gaawe.”

Yohana 10:16

«Ngi hiiti neꞌbindi bibuzi íbitali bya mu kino kiso. Bingwiriiri nabyo, ngendi bileeta. Nabyo kwakundi, bigakizi yuvwiriza izu lyani, halinde byoshi binakumaanibwe mu kiso kiguma. Binabe noꞌmungere muguma.

Yohana 10:27

Ibibuzi byani, mbiyiji-yiji. Biri mu nyuvwiriza, binali mu ngulikira.

Yohana 10:3

Umungere mwene uyo, umulaliizi ali mu múyigulira ulwivi. «Ikyanya umungere ali mu hamagala ibibuzi byage, biri mu múmenyera kwiꞌzu lyage. Anahamagale ngiisi kiguma mwiꞌziina lyakyo, mu kubihulukiza imbuga.

Yohana 5:25

«Namùbwira ukuli, kweꞌkyanya kigayija, keera kyanahika, kya abafwiri bagayuvwa izu lyoꞌMwana wa Rurema. Neꞌkyanya bagaliyuvwa, bagaalama.

Mikolezi 1:16

anababwira: «E beene witu, ngiisi íbikayandikwa mu Mandiko Meeru hiꞌgulu lya Yuda, byâli kwiriiri bikoleke, birya byoꞌMutima Mweru akadeta ku kanwa ka mwami Dahudi. Mukuba, Yuda ye karongoora abandu, halinde banayiji gwata Yesu.

Mikolezi 28:25

Neꞌkyanya Pahulu akayushuula kwaꞌgandi magambo, yabo Bayahudi banashaabuka, iri banapaapana. Mukuba, akababwira: «Umutima Mweru gukadeta ukuli, mu kubwira bashokuluza biinyu kwokuno ku njira yoꞌmuleevi Hisaaya.

Mikolezi 8:29

Lyeryo, Umutima Mweru gwanabwira Firipo: «Uduukage yiri igaare, unalikulikire!»

Baheburaniya 10:15

Yago magambo, Umutima Mweru nagwo, gugweti gugatanga ubumasi hiꞌgulu lyago. Ubwa mbere gukadeta:

Baheburaniya 3:13

Halikago, ikyanya igambo «zeene» likiri mu detwa, mukizi kanania imitima. Hatagire muguma winyu úgaaba mundagabika hiꞌgulu lyoꞌkutebwa neꞌbyaha.

Baheburaniya 3:15

Biri nga kwo bidesirwi kwokuno: «Zeene, iri mwangayuvwa izu lyage, mutayumuuse imitima yinyu, nga kwo bashokuluza biinyu bakagira ku kyanya bakaba bahuni.»

Baheburaniya 4:7

Mukuba, iri hakalengaga myaka mingi ha nyuma lya balya bashokuluza, Rurema anabiika ulundi lusiku, mu kudeta mbu «Zeene». Mukuba, akadeta ku njira ya Dahudi kwokuno: «Zeene, iri mwangayuvwa izu lyage, mutayumuuse imitima yinyu.»

Baheburaniya 9:8

Mu kati ka yibyo byoshi, Umutima Mweru gwâli kizi yerekana kweꞌkyanya yiryo iheema lyeꞌmihumaanano liki ryagagi ho, abandu batangaki biiri noꞌbulyo bwoꞌkuyingira Ahandu Heeru bweneene.

2 Peturu 1:21

Ndaanabwo úbukayija ku bulooze bwoꞌmundu. Si abandu, ikyanya bâli kizi rongoorwa noꞌMutima Mweru, banakizi deta amagambo ga Rurema yenyene.

Bwigule 3:20

«Lolagi! Ngoli yimaaziri ha mulyango ngweti ngayiguza. Neꞌri umundu angayuvwa izu lyani, ananyigulire, ngayingira mu mwage, tunashangiire ibyokulya twe naye.