Baheburaniya 3:10 - Kifuliiru

¹⁰ Kyanatuma yikyo kibusi, ngakirakarira, nanadeta: “Yaba bandu, imitima yabo iyamiri iri mu habuka-habuka, batanasobanukiirwi na íbikwaniini imbere lyani.”

Baheburaniya 3:10 ပူးပေါင်းရင်းမြစ်များ

Ndondeko 6:6

Kyanatuma agavunika umutima, anajengeerwa. Neꞌri hakatama, anayishuhiza mbu biki íbikatuma agabumba yaba bandu mu kihugo.

Zaburi 147:20

Yibyo byoshi, atakabimenyeesa mu bandu beꞌgindi milala. Si boohe, batayiji imaaja zaage! Tukizi huuza Nahano!

Zaburi 67:2

E Rurema, ukizi tubonera ulukogo, unakizi tugashaanira. Amalanga gaawe gakizi tutanguulira.

Zaburi 78:40

Yaho mwiꞌshamba, bâli kizi huna imbere lya Rurema, halinde anavunike umutima.

Zaburi 78:8

Batanabe balangi, nga bashokuluza baabo. Mukuba, boohe bâli kizi huna. Imitima yabo itâli tungiini imbere lya Rurema, batanâli kizi ba bemeera imbere lyage.

Zaburi 95:10

Kyanatuma yikyo kibusi, ngaahisa imyaka makumi gana ngirakariiri. Nanadeta: “Yaba bandu, imitima yabo iyamiri igweti igahabuka. Ikyanya ndi mu bayereka ngiisi byo ndi mu gira, batali mu ndwaza.”

Hisaaya 28:7

Halikago buno, abatwali baꞌBahisiraheeri bakoli lalusiri neꞌdivaayi. Iyo ndalwe ikoli gweti igabafuka iyo munda neꞌyo munda. Emwe! Abagingi naꞌbaleevi, amaavu neꞌdivaayi keera byabalalusa ngana-ngana. Ikyanya bali mu bona amabone, gali mu ba gahushiri. Neꞌkyanya bali mu twa imaaja, bali mu kizi buligania.

Hisaaya 63:10

Kundu kwokwo, balya Bahisiraheeri banakizi huna imbere lyage, halinde banajengeeza Umutima gwage Mweru. Kwokwo, Nahano anabahinduka, anaba mugoma wabo, anakizi balwisa.

Yeremiya 4:22

Nahano adetaga kwokuno: «Ku kasiisa, abandu baani bali bahwija. Si batanyiji! Amenge gaabo, gakubisirwi. Byo bayiji naaho, biri byebyo-byebyo byaha. Si íbikwaniini, byohe batabisobanukiirwi.»

Hosheya 4:12

«Abandu baani bagweti bagahanuusa umugisi gweꞌkiti, bali mu loogeza ishuvyo mu ngoni. Bakoli ba bashule, bwo keera bakayihandula ku Rurema wabo, banatibitira mu biri mu yikumbwa.

Mataayo 20:24

Abaabo bigirizibwa ikumi, mbu bayuvwagwe ngiisi kwo bagala Zebedaayo bahuuna Yesu, banabona buligo bweneene!

Mariko 3:5

Yesu, anabaleeza-leeza mwaꞌmasu, anajengeerwa bweneene, bwo bâli yumusiizi imitima yabo. Ulya mundu, Yesu anamúbwira: «Lambuula ukuboko kwawe!» Neꞌri akakulambuula, kwanayami kira!

Yohana 8:45

«Haliko niehe, nyamiri ngweti ngaadeta ukuli. Kyo kinatumiri mutagweti muganyemeera!

Barumi 1:28

Aahago! Bwo bakalahira ukumenya Rurema nga ngiisi kwo ali, kyanatuma naye agabaleka bakizi kulikira inzaliro zaabo ízisherebiiri, halinde banakizi yifunda mu bitali nga byo.

Barumi 3:7

Ulya mundu, hali ikyanya angashubi buuza, ti: «Ibibeesha byani, byo bitumiri ukuli kwa Rurema kuli mu boneka ku bweranyange, halinde alonge mwoꞌbwivuge. Aaho! Kituma kikagi ngiri mu twirwa ulubaaja kwo ndi munabyaha?»

Bahefeso 4:30

Mutanakizi ki jengeeza Umutima Mweru gwa Rurema. Mukuba, gwohe, yo ngwati yoꞌkuyerekana kwo mwâye ki guluulwe ku lusiku lweꞌmberuuka.

Baheburaniya 3:12

Kwokwo, e beene witu! Mukizi yilanga bwija, hatagire muguma winyu úgaaba noꞌmutima gwaꞌkazingati. Mutabe bandu bazira bwemeere, mbu mujandagire Rurema úli mugumaana.

Batwi beꞌmaaja 10:16

Haaho, banayami twikira ku biri mu yikumbwa mu mahanga, banashubi tondeera ukukolera Nahano, kyanatuma Nahano agatondeera ukujengeerwa hiꞌgulu lyaꞌmakuba gaabo.