Baheburaniya 12:9 - Kifuliiru

⁹ Badaata, ikyanya bâli kizi tuhana, twâli basimbahiri. Aahago! Ka itali yo haahe kwo tukwiriiri tukizi simbaha na Daata weꞌmitima yitu, gira lyo tuba bagumaana!

Baheburaniya 12:9 ပူးပေါင်းရင်းမြစ်များ

Hayubu 12:10

Si Rurema naaho ye hiiti ubulamu bwa ngiisi kiremwa mu maboko gaage, kuguma noꞌmuuka gwa ngiisi mundu.

Kulyoka 20:12

«Ukizi simbaha yisho na nyoko, lyo ulonga ukuramba isiku nyingi hano mu kihugo kyo Nahano Rurema wawe akuhiiri.

Migani 30:17

Ikyanya umundu ali mu shekeereza yishe, anagayirize na nyina, mu kulahira kwo atagamúsimbaha, uyo mundu, amasu gaage gagajobolwa na banamujongo. Ee! Banyunda, bagayiji múlya.

Mwigiriza 12:7

Ku yikyo kyanya, ugashubi hinduka luvu. Haliko, umutima gwawe gwohe, gugagalukira imwa Rurema. Mukuba, ye kakuheereza gwo.

Hisaaya 38:16

E Nahamwitu! We tumiri tukiri ho. We na tumiri umutima gwani gukiri mugumaana. We kangiza, wanahanguula kwo mbe ngiri ho.

Hisaaya 42:5

Nahano Rurema ye kalema igulu, analiyajuula. Ye kanagangaaza ikihugo na íbikimeziri mwo, ye nali mu heereza abandu baamwo ubugumaana. Kiri neꞌbindi biremwa, Nahano ye mu bibiika mwoꞌmuuka, binabe bigumaana. Nahano adetaga kwokuno:

Hisaaya 45:10

Yayewe imwa ngiisi mwana úli mu bwira yishe: «Ewe! Ibuta liki ubusiri?» Anabwire na nyina: «Kituma kikagi wambuta kwoku?»

Hisaaya 57:16

Ndagayama ndi mu mùlega, ndaganakizi mùrakarira. Iri nangagiziri kwokwo, imitima yaꞌbandu yangakengeera yahola, na ndi nie kababumba.

Hezekyeri 22:7

Abandu baawe bashombiri bayishe na banyina. Ibinyamahanga íbikutuuziri mwo, biri mu kizi libuzibwa. Kiri na banamufwiri neꞌfuuvi, bali mu kizi hubirwa.

Balaawi 19:3

Ngiisi muguma winyu, akwiriiri akizi simbaha yishe na nyina, anakizi simbaha neꞌsiku zaani zeꞌSabaato. Nie Nahano Rurema winyu.

Zakariya 12:1

Nahano anadeta igindi ndumwa hiꞌgulu lyaꞌBahisiraheeri kwokuno: «Nie Nahano nꞌgatabika igulu, nꞌganabiika indaliro zeꞌkihugo. Na kwakundi, nie gweti ngakizi biika umundu mwoꞌbugumaana.

Malaki 1:6

Nahano woꞌbushobozi bwoshi, agweti agabwira abagingi baage kwokuno: «Umwana ali mu simbaha yishe. Umukozi naye, ali mu simbaha nahamwabo. Aahago! Kituma kiki mwehe mutagweti muganzimbaha? Si nie Yisho, na ndi nie Nahamwinyu! Kundu kwokwo, mugweti mugagayiriza iziina lyani, iri munanguumira, ti: “Yiri iziina lyawe, kutagi kwo tukaligayiriza?”

Muharuuro 16:22

Haliko, Musa na Harooni banagwa buubi, banayamiza, ti: «E Rurema, si we mu tuma abandu booshi bali bagumaana! Aahago! Ka ugayami rakarira abandu booshi, anali mundu muguma naaho ye kakuhubira?»

Muharuuro 27:16

«E Nahano, Rurema, we yiji íbiri mu mitima yaꞌbandu. Ku yukwo, nakuyinginga utoolage umundu woꞌkurongoora yaba bandu.

Luka 18:2

Anababwira kwokuno: «Mu kaaya kaguma, mwâli riiri umutwi weꞌmaaja muguma. Uyo mundu atâli yobohiri Rurema, atanâli twaziizi ugundi yeshi.

Luka 18:4

Uyo mutwi weꞌmaaja, analeeza isiku nyingi agweti agalahira. «Mbu hatamage, ulya mutwi weꞌmaaja anayisaliza, ti: “Ndayobohiri Rurema, ndanali mu twaza ugundi mundu yeshi.

Yohana 3:6

Abandu, ikyanya bali mu buta, biri ku byaꞌmagala naaho. Halikago, ibyoꞌMutima gwa Rurema byohe, Umutima gwage gwonyene gugweti gugakizi bibuta.

Mikolezi 2:30

«Kundu kwokwo, Dahudi âli riiri muleevi. Âli yiji kwo Rurema akamúlagaania ku ndahiro, kwo agamúyimikira umundu muguma wa mwiꞌkondo lyage.

Barumi 1:3

Iyo Myazi Miija, idesiragi hiꞌgulu lya Nahamwitu Yesu Kirisito, Umwana wage. Ku byaꞌmagala, Yesu akabutwa mwiꞌkondo lya mwami Dahudi. Si ku byoꞌMutima Mweru, akayerekanwa ku bushobozi kwo ali Mwana wa Rurema, mu kuzuuka mu bafwiri.

Barumi 9:5

Yabo Bahisiraheeri, bo balyosiri mwiꞌkondo lya bashokuluza biitu ba keera, nga kwo Kirisito naye âli balyosiri mwo. Uyo Kirisito, analyagagi ye Rurema úli hiꞌgulu lya byoshi. Tukizi múyivuga imyaka neꞌmyakuula! Bikizi ba kwokwo!

Bukengeeze 27:16

«Umundu, iri angagayiriza yishe, kandi iri nyina, adaakwe. Abandu booshi banashuvye, ti: “Ee! Bikizi ba kwokwo.”

Yakobo 4:10

Mukizi yibiika haashi imbere lya Nahano, lyo naye amùkuza.

Yakobo 4:7

Ku yukwo, mukizi yibiika haashi imbere lya Rurema. Haliko Shetaani, mukizi múhaga, lyo amùtibita.

1 Peturu 5:6

Kwokwo, mukizi yibiika mwiꞌdako lyoꞌbushobozi bwa Rurema. Ye mwene ubukalage, aganamùkuza ku kyanya íkikwaniini.

Bwigule 22:6

Uyo muganda anambwira: «Yago magambo, galyagagi goꞌkuli, ganakwiriiri ukuyemeerwa. Nahano Rurema âli kizi deta mu mitima yaꞌbaleevi. Anali ye katuma umuganda wage, gira agendi menyeesa abakozi baage ngiisi íbikola bigakoleka.»