Baheburaniya 11:29 - Kifuliiru

²⁹ Yabo Bahisiraheeri, nabo bâli biisiri Rurema kwoꞌbwemeere, kyanatuma bagajabuka Inyaaja Ndukula nga ábagweti bagalenga áhakamiri. Haliko Abamiisiri boohe, iri bakagira mbu nabo bagijabukage, yanayami babindikira.

Baheburaniya 11:29 ပူးပေါင်းရင်းမြစ်များ

Nehemiya 9:11

Ikyanya inyaaja yâli koli hangiriiri bashokuluza biitu, emwe, wanagibunduula, banagijabuka ikoli yumiri. Haliko Abamiisiri boohe, ikyanya bakabalandiriza, wanababindikira mwo. Ee! Bakayami mirwa ngiꞌbuye mu kalingi.

Zaburi 66:6

Ikyanya akayumya inyaaja, hanaboneka injira yaꞌbandu baage bakajabuka mwo. Kwokwo, tuyiji múshambaalira.

Zaburi 78:13

Anabera injira mu nyaaja, anabarongoora, halinde banagilenga mwo. Amiiji gakabunduuka mwo kubiri, hanasigala nga bikombo.

Kulyoka 14:13

Musa anabashuvya: «Mutayobohe, si mutuuze. Zeene lyo na zeene, mugaabona ngiisi kwo Nahano agamùkiza. Yaba Bamiisiri bo mubwini buno, mutâye ki babone.

Kulyoka 14:22

Neꞌkyanya Abahisiraheeri bakayingira áhashuba amiiji, banahajabuka hakoli kamiri, banakizi lenga ha kati keꞌbikombo bibiri byaꞌmiiji.

Kulyoka 14:27

Kwokwo, Musa anagololera ukuboko kwage kwiꞌyo nyaaja. Neꞌri hakaba shesheezi kare-kare, yanashubi shubaana, nga kwo yâli tuula. Balya Bamiisiri, banakizi gira mbu batibite mu nyaaja. Haliko Nahano anakizi shubi batundira mwo.

Yoshwa 2:10

Keera twayuvwa kweꞌkyanya mukalyoka mu kihugo kyeꞌMiisiri, kwo Nahano akakamya amiiji geꞌNyaaja Ndukula, gira mujabuke. Ha nyuma, mwanayita abaami babiri baꞌBahamoori, mwami Sihooni, na mwami Hoogi, kwo bâli tuuziri i kajabo koꞌlwiji Yorodaani. Mwanayami bashereeza lwoshi-lwoshi.