Baheburaniya 1:9 - Kifuliiru

⁹ Ukuuziri íbikwaniini. Haliko amabi goohe, ugashombiri. Kyo kikatuma Rurema wawe akakukuza ube hiꞌgulu lyaꞌbiinyu. Anakushiiga amavuta mu kati koꞌbushambaale.»

Baheburaniya 1:9 ပူးပေါင်းရင်းမြစ်များ

Zaburi 11:5

Nahano ali mu loleekeza ku bakwaniini. Haliko, banangora-mabi boohe, kuguma naꞌbiitani, ali mu bashombereza bweneene.

Zaburi 119:104

Ku njira yeꞌmaaja zaawe, kwo ndi mu longa ubwitegeereze, halinde lyo ndonga ukushomba ngiisi mabi.

Zaburi 119:128

Ndi mu haruura imaaja zaawe kwo zikwaniini. Haliko ngiisi íbitakwaniini, byohe mbishombiri.

Zaburi 2:2

Abaami beꞌkihugo kuguma naꞌbatwali baabo, keera bayibiika kuguma, banakoli yiteganwiri, gira balahire Nahano, balahire na Masiya wage ye akatoola.

Zaburi 2:6

Nahano adetaga kwokuno: «Keera nꞌgataluula umugazi gwani Sayuni, ho nanayimika umwami wani gira akizi twala.»

Zaburi 23:5

Ugweti ugakizi njiiga amavuta mwiꞌtwe, ubuli mbiikira ibyokulya biija mu masu gaꞌbagoma baani. Urusoozo lwani, lukoli yijuliiri.

Zaburi 33:5

Nahano asiimiri ukubona kweꞌmaaja ziri mu twibwa ku njira íkwaniini, anabe asiimiri bweneene amahanga gooshi.

Zaburi 37:28

Mukuba, ngiisi ábakwaniini, Nahano ali mu ba abakuuziri. Na bwo bali bemeera, atagabajanda. Agagenderera ukukizi balanga imyaka neꞌmyakuula. Haliko, banangora-mabi boohe, agashereeza ikibusi kyabo.

Zaburi 40:8

Haaho nanadeta: «Keera nayija! Ngolaga hano, e waliha! Ibyeꞌmwani, bikoli yandisirwi mu kitaabo kyawe.

Zaburi 45:6

E mwami, imyambi yawe kwo iri myugi, ikizi beruuza mu mitima yaꞌbagoma baawe. Abandu baꞌmahanga, bakizi fukama mu magulu gaawe.

Zaburi 45:7

E Rurema, ikitumbi kyawe kigayama ho imyaka neꞌmyakuula. Uganakizi twala ku njira íkwaniini.

Zaburi 89:20

Wâli mali gwanwa wabwira abandu baawe bemeera mu kati kaꞌmabone kwokuno: «Mwe bandu baani, keera nꞌgamùtoola mwe ndwani. Keera nꞌgamúheereza imisi, nanamúkuza.

Zaburi 89:26

Ngamúyushuulira ubutwali bwage, ukulyokera ku nyaaja Mediterane, halinde ku lwiji Hefuraati.

Migani 8:13

Ngiisi úsimbahiri Nahano, ali mu shomba amabi. Kwokwo naani, njombiri ubwikangaate, noꞌkuyihaya. Njombiri neꞌngesho mbi, neꞌbibeesha.

Hisaaya 61:1

Umutima gwa Nahano Rurema gundi mwo. Keera akandaluula, kwo ngizi menyeesa abakeni imyazi miija. Akananduma imwa ábavunisiri umutima, kwo mbaholeeze. Akanduma neꞌmwaꞌbashweke, neꞌmwa ábakagwatwa imbira, gira mbamenyeese kwo bagashwekuulwa.

Hisaaya 61:3

I Sayuni, kundu abandu bakola mu yibwandalika mu munyota-kiiko, haliko agabaheereza ulushembe úlunonosiri. Na kundu bajengiirwi, agabashiiga amavuta, halinde balangashane. Na ngiisi ábagaaba bavunisiri imitima, agabashambaaza. Yabo bandu, Nahano agababyala mu ndalo yage, gira abayerekane mwoꞌbulangashane bwage, Bagakizi gira íbikwaniini, bagaanaba bakaniri ngeꞌbiti bila byeꞌmyalooni.

Hisaaya 61:8

Nie Nahano, ikyanya abandu bali mu kulikiriza íbikwaniini, lyo bali mu ba banzimiisa bweneene. Si abandu babi, naꞌbazimba, boohe, mbashombiri ngana. Abandu baani, ngabahemba ku njira íkwaniini, tunanywane ikihango kyeꞌmyaka neꞌmyakuula.

Hamoosi 5:15

Ngiisi mabi, mukizi gashomba, munabe mukuuziri amiija. Ikyanya mugakizi buulania abandu, mukizi kulikira ibyoꞌkuli. Kwokwo, balya beene Yusefu ábasigiiri, hali ikyanya Nahano Rurema woꞌbushobozi bwoshi angabakejeerera.

Zakariya 8:17

Mutanakizi shungikirana amabi, kandi iri kukizi biika indahiro zeꞌbibeesha. Si yago mabi gooshi, ngashombiragi bweneene! Kwokwo, kwo nie Nahano ndesiri.»

Luka 4:18

«Umutima gwa Nahano, gundi mwo! Keera akandoola kwo ngizi menyeesa abakeni Imyazi Miija. Akanduma neꞌmwaꞌbashweke, mbamenyeese kwo bagashwekuulwa. Akananduma neꞌmbumi, nzimenyeese kwo zigahumuulwa. Na ábakandamiirwi kwakundi, mbaguluule.

Yohana 1:41

Handereya anayami gendi looza mwene wabo wa Simooni, anamúbwira: «Keera twabonaga Masiya» (kuli kudeta Kirisito).

Yohana 10:17

«Daata anguuziri. Mukuba, ngola ibiringiini ukufwa, na njubi ba mugumaana.

Yohana 20:17

Yesu anamúbwira: «Utagire mbu umbume kwo! Mukuba, ndazi galukira mwiꞌgulu imwa Daata. Haliko, utee gendi bwira beene witu kwo ngola ngagalukira yo. Uyo Daata, ye na Yisho. Ye Rurema wani, anali ye Rurema winyu.»

Yohana 3:34

«Yehe, bwo akatumwa na Rurema, agweti agaadeta amagambo gaage. Mukuba, Rurema agweti agamúheereza Umutima Mweru buzira kumúgerera.

Mikolezi 10:38

Uyo Yesu weꞌNazareeti, Rurema akamútaluula, anamúbiika mwoꞌMutima Mweru, noꞌbushobozi. Na bwo Rurema bayamiinwi, kyanatuma agakizi genda ali mu gira amiija mu bandu. Na ngiisi ábâli gandamiirwi noꞌbushobozi bwa Shetaani, anakizi bakiza.

Mikolezi 4:26

Abaami beꞌkihugo, kuguma naꞌbatwali baabo, keera bayibiika kuguma, banakoli yiteganwiri, gira balahire Nahano, balahire na Masiya wage ye akatoola.”

Mikolezi 4:27

«Binabonekeriiri kwo kiri na Heroode na Pondyo Pilaato, nabo keera bakakuumana mu kano kaaya, kuguma naꞌBahisiraheeri naꞌbapagaani, gira balahire Yesu. Anali ye mukozi wawe ye ukataluula kwo abe ye Kirisito.

Barumi 12:9

Mukizi kundana ku mutima úgushenguusiri. Ibibi, mukizi bishomba. Haliko ibiija byohe, mukizi bikania.

Barumi 15:13

Rurema, ye mu tuma tukola noꞌmulangaaliro. Kwokwo, ngweti ngamúhuuna, kwo akizi mùyijuza mwoꞌbushambaale, noꞌmutuula, munabe mugweti mugamúbiika kwoꞌbwemeere. Kwokwo, lyoꞌmulangaaliro gwinyu gumùdimirira mwo ku bushobozi bwoꞌMutima Mweru!

1 Bakorindo 1:9

Rurema, ye kamùhamagala kwo mube neꞌngoome noꞌMwana wage Nahamwitu Yesu Kirisito, anali mwemeera.

2 Bakorindo 11:31

Mukuba, Rurema, Yishe wa Nahamwitu Yesu, yehe naaho ye kwaniini ukukizi yivugwa imyaka neꞌmyakuula. Ye nayiji kwo ndagweti ngabeesha.

Bagalatiya 5:22

Si bitumbwe byoꞌMutima Mweru, lulyagagi urukundo, noꞌbushambaale, noꞌmutuula, noꞌbwigenderezi, noꞌkunogerana, noꞌkugirirana amiija, noꞌkuba mwemeera,

Bahefeso 1:3

Rurema, Yishe wa Nahamwitu Yesu Kirisito, akizi huuzibwa! Mukuba, mu kati ka Kirisito, Rurema keera akatugashaanira ku ngiisi migashani yoshi ya mwiꞌgulu.

Bafiripi 2:9

Yibyo, byanatuma Rurema agamúkuzagya abe hiꞌgulu lya byoshi, anamúyinika iziina írihimiri agandi gooshi.

Baheburaniya 2:11

Yesu naꞌbandu bo ali mu yeruusa, booshi bahiiti yishe muguma. Kyo kitumiragi Yesu atali mu gwatwa neꞌshoni mu kudeta kwo bali beene wabo.

Baheburaniya 2:9

Si tukoli bwini Yesu! Akatee biikwa mwiꞌdako hiniini lyaꞌbaganda. Na ku lukogo lwa Rurema, analibuuka mu kuyitwa, haꞌbandu booshi bangayisirwi. Kyanatuma agakuzibwa, mu kuyambikwa ulushembe lwoꞌbulangashane noꞌlushaagwa.

Baheburaniya 7:26

Ku yukwo, Yesu ye mugingi mukulu, anashobwiri ukukizi tutabaala mu magoorwa giitu. Ayamiragi ali mweru. Ndaanabyo byo ahubiri kwo, kandi iri byo ayulubiiri kwo. Keera akanakuzibwa mwiꞌgulu, ho akoli handwirwi naꞌbanabyaha booshi.

1 Peturu 1:3

Rurema, Yishe wa Nahamwitu Yesu Kirisito, ahuuzibwe! Akatuyereka ulukogo lwage, mu kuzuula Yesu Kirisito mu bafwiri, halinde anatubuta buhyahya. Kwokwo, tukoli ba noꞌmulangaaliro úguyamiri ho.

1 Yohana 1:3

Keera tukamúyibonera, twanamúyiyuvwirwa. Kwokwo, na niinyu, tugweti tugamùmenyeesa ye, halinde lyo niinyu muba mu ngoome yo tukoli hiiti kuguma na Daata, noꞌMwana wage Yesu Kirisito.

Bwigule 2:15

Na kwakundi, hali abandi biinyu ábagweti bagakulikira amigirizo mabi gaꞌBanikolayi.