Baheburaniya 1:10 - Kifuliiru

¹⁰ Rurema akadeta na kwokuno: «E Nahano, ku ndondeko, we kabumba ikihugo. Kiri niꞌgulu, we kalibumba naꞌmaboko gaawe.

Baheburaniya 1:10 ပူးပေါင်းရင်းမြစ်များ

Ndondeko 1:1

Ku ndondeko, Rurema akabumba igulu neꞌkihugo.

Zaburi 19:1

Imwoꞌmwimangizi waꞌbimbi. Izaburi ya Dahudi.

Migani 8:29

Nâli kola ho, neꞌkyanya akabiikira inyaaja ulubibi, gira amiiji gatalujabuke, ku kyanya akabiika indaliro zeꞌkihugo.

Hisaaya 40:12

Aahago! Nyandi gundi keera úkagera inyaaja mu maboko gaage? Kandi iri akoleesa ukuboko, mu kugera ikyanyaanya? Nyandagi úyiji ubuzito bweꞌkihugo, keera anagera imigazi noꞌtugangazi noꞌlugero?

Hisaaya 42:5

Nahano Rurema ye kalema igulu, analiyajuula. Ye kanagangaaza ikihugo na íbikimeziri mwo, ye nali mu heereza abandu baamwo ubugumaana. Kiri neꞌbindi biremwa, Nahano ye mu bibiika mwoꞌmuuka, binabe bigumaana. Nahano adetaga kwokuno:

Hisaaya 48:13

Indaliro zeꞌkihugo, nie kazibiika naꞌmaboko gaani nienyene. Kiri niꞌgulu, nie kalitabika. Ikyanya ndi mu bihamagala, binayami nyitaba.

Hisaaya 51:13

Si nie Nahano, nie kamùbumba! Aaho! Kituma kiki wanyibagira? Nie katabika igulu, nanabiika neꞌndaliro zeꞌkihugo. Aahago! Yabo banakahambwa, kituma kiki muki bayobohiri? Kundu bâli kizi mùlibuza, banagire mbu bakizi mùshereeza, haliko leero bakolaga hayi?

Hisaaya 51:6

Muyinamulage amasu, munalegamire mwiꞌgulu, munalole na haashi mu kihugo. Yiryo igulu liganyerera duba nga kyusi. Neꞌkihugo kinahule nga mulondo. Ngiisi ábakituuziri mwo, bagaafwa nga saazi. Kundu kwokwo, ubukize bwani bwohe, bugaaba bweꞌmyaka neꞌmyakuula. Ubwija bwani butâye male.

Hisaaya 64:8

Aahago! Utagenderere ukukizi turakarira. Utakizi kengeera amabi giitu, bwo tweshi tuli bandu baawe! Utukejeerere, maashi!

Yeremiya 32:17

“E Nahano Rurema! Ikyanya ukalema igulu neꞌkihugo, kwâli riiri ku bushobozi bwawe bweꞌkitangaaza. Ndaanabyo íbikuyabiiri.

Zakariya 12:1

Nahano anadeta igindi ndumwa hiꞌgulu lyaꞌBahisiraheeri kwokuno: «Nie Nahano nꞌgatabika igulu, nꞌganabiika indaliro zeꞌkihugo. Na kwakundi, nie gweti ngakizi biika umundu mwoꞌbugumaana.

Bukengeeze 4:19

Ikyanya mugakizi lola hiꞌgulu, munabone izuuba, noꞌmwezi, neꞌndonde, neꞌbindi biremwa bya kwiꞌgulu, mutakolwe mbu mukizi biyikumba, kandi iri kukizi bifukamira. Yibyo byoshi, Nahano, Rurema winyu akalekera igindi milala, mbu ibe yo igakizi biyikumba.

Baheburaniya 12:27

Yiryo igambo «lindi liguma» liyerekiini kwo íbikabumbwa byoshi bigaki shaganibwa, binashaazibwe, halinde íbitangashaganibwa bibaagage byo bigasigala.

Bwigule 3:14

«Neꞌmwoꞌmuganda wiꞌshengero lya mu kaaya keꞌLahodikiya, uyandikage kwokuno: Yaga magambo, galyosiri imwoꞌlya úli mu buuzibwa “Bibe kwokwo”. Ye kamasi kemeera, kanali koꞌkuli. Anali ye shyoko ya byoshi byo Rurema akabumba: