Bagalatiya 5:5 - Kifuliiru

⁵ Halikago twehe, tukoli yemiiri Yesu, tunakoli lindiriiri mu kati koꞌMutima Mweru, kyo kitumiri tulangaliiri kwo tugakwanana imbere lya Rurema.

Bagalatiya 5:5 ပူးပေါင်းရင်းမြစ်များ

Ndondeko 49:18

«E Nahano, ndangaliiri kwo we gangiza.

Zaburi 130:5

Ngi lindiriiri Nahano, gira andabaale. Ee! Umutima gwani gugweti gugamúlindirira. MwiꞌGambo lyage, mwo mbiisiri umulangaaliro.

Zaburi 25:3

Mu bandu booshi ábagweti bagakulangaalira, ndaaye kiri noꞌmuguma úgateerwa neꞌshoni. Si ngiisi ábali mu huna mu kugiriirira, boohe, bo bagakizi zilonga.

Zaburi 25:5

Unakizi nyigiriza, halinde ngizi kulikira ukuli kwawe. Mukuba, we Rurema Lukiza wani, unali we ndangaliiri ubwakya-ubwayira.

Zaburi 62:5

Yaba bandu basiimiri ukukizi deta ibibeesha. Keera banashungika kwo bandyose ho ndi mu simbahwa. Ehee! Ku tunwa twabo, bagweti bagagashanirana. Halikago mu mitima yabo, bagweti bagadaakana naaho.

Hosheya 12:6

Nahano, ye nali mu buuzibwa Rurema woꞌbushobozi bwoshi. Yenyene naaho, ye Nahano.

Barumi 5:21

Mu kusiguusa, ibyaha byâli kizi kandamira abandu, halinde abandu banakizi fwa. Haliko buno, ulukogo lwa Rurema lwo lukoli twaziri. Kwokwo, tukoli kwaniini imbere lya Rurema, twanâye longe ukulama imyaka neꞌmyakuula ku njira ya Nahamwitu Yesu Kirisito.

1 Bakorindo 1:7

Ngiisi bigabi byoꞌMutima Mweru, mukoli bihiiti. Munakoli lindiriiri bweneene kwo Nahamwitu Yesu Kirisito agayerekanwa.

Bahefeso 2:18

Mukuba, tweshi, kuli ku yeyo njira ya Kirisito, kwo tuli mu longa ukuyija imwa Daata mu kati koꞌMutima Mweru muguma.

Bafiripi 3:9

na mboneke mu kati kaage. Ndaki yegamiiri Imaaja zaꞌBayahudi, mbu lyo ndonga ukukwanana imbere lya Rurema ku njira yazo. Si ukukwanana kwani, kube ku njira yoꞌkubiika Kirisito kwoꞌbwemeere. Mukuba, ukukwanana mwene yukwo, kwo kulyosiri imwa Rurema. Kunali mu ba ku njira yoꞌbwemeere.

1 Batesaloniki 1:10

Na buno, mukoli lindiriiri kwo Yesu agagaluka ukulyoka mwiꞌgulu. Uyo Yesu, ye mwana wa Rurema. Na bwo Rurema akamúzuula mu bafwiri, naye agatufuusa mu buraakari bwa Rurema úbugayija.

2 Batesaloniki 3:5

Nahamwitu, akizi mùrongoora mu mitima yinyu! Kwokwo, lyo mukizi yihangaana mu kati ka Kirisito, iri munaba mwoꞌrukundo lwa Rurema.

2 Timoteyo 4:8

Buno, ngoli bikiirwi ulushembe, bwo ngoli kwaniini imbere lya Nahano. Yulwo lushembe, agambeereza lwo ku lusiku lwo agagaluka kwo, anabe ali mu twa imaaja ku njira yoꞌkuli. Ndanali nienyene naaho nie galongaga ulushembe. Si agaluheereza na ngiisi bandi ábali neꞌkyedu kyoꞌkubona ngiisi kwo agagaluka.

Tiito 2:13

Tunalangaliiri kwo Yesu Kirisito agagaluka mu kati koꞌbulangashane bwingi. Ee! Ye Lukiza witu, anali ye Rurema witu mukulu!