2 Samweri 7:21 - Kifuliiru

²¹ Yaga gooshi, we kagalooza, we kanagashungika. Na buno, keera waganyereka, nie mukozi wawe.

2 Samweri 7:21 ပူးပေါင်းရင်းမြစ်များ

1 Kutondobola 17:19

E Nahano! Yiri igambo wagira, liri lya kahebuuza, wanalibiika kweꞌmihango yeꞌkitangaaza. Yibyo byoshi, biri hiꞌgulu lyani, nie mukozi wawe. Wanabigira, nga kwo uloziizi.

Zaburi 115:1

E Nahano, tutali twe tukwaniini ukulonga ulushaagwa. Si wehe we lukwaniini. Mukuba, we mwija, unali mwemeera.

Zaburi 138:2

Ngakizi fukama, mu kulola iwa nyumba yawe ndaluule, na ngizi kuhuuza. Mukuba, uyamiri uli mwemeera, unali mu kundana. Ukakuza iziina lyawe, kuguma niꞌGambo lyawe, ukuhima ibindi byoshi.

Muharuuro 23:19

Rurema atali nga mundu, mbu abeeshe. Atanali nga mundu mbu ayishuhize. Ngiisi byo agweti agaadeta, ali mu bigira. Na ngiisi byo ali mu lagaania, ali mu bikola.

Mataayo 11:26

E Daata! Kwokwo, kwo ukasiima.

Mataayo 24:35

Igulu neꞌkihugo, bigaahera. Haliko amagambo gaani, goohe gatâye here!

Luka 1:72

Akanadeta na kwo agakizi kejeerera bashokuluza biitu, iri anakengeera ikihango kyage kyeru.

Luka 10:21

Ku yikyo kyanya, Yesu anashambaala ngana-ngana mu kati koꞌMutima Mweru, anadeta kwokuno: «E Daata, ngweti ngakuyivuga bweneene, bwo we Nahano wa mwiꞌgulu, na hano mu kihugo. Yaga magambo, ukagabisha abanabwenge na ábasomiri, wanagabishuulira abagunda. E daata, kwokwo, kwo ukasiima.

Luka 12:32

«Mutakizi yoboha, kundu mulyagagi kikembere kiniini. Mukuba, mwehe, yisho úli mwiꞌgulu akasiima ukumùheereza ubwami bwage.

1 Bakorindo 1:1

Yaga maruba, galyosiri imwani, nie Pahulu. Rurema akambamagala ku bulooze bwage kwo mbe ndumwa ya Yesu Kirisito. Twe na mwene witu wa Sositeene, twe twamùyandikira,

Bahefeso 1:9

Ngiisi byo Rurema âli mali gwanwa ashungika mu Kirisito, byâli bishamiri. Kundu kwokwo, anasiima ukutumenyeesa byo.

Bahefeso 3:11

Yibyo byoshi, kwokwo kwo Rurema âli mali gwanwa abishungika ukulyokera keera. Na buno keera abikoleesa mu kati ka Nahamwitu Yesu Kirisito.

Bahefeso 4:32

Si mwehe, mukizi girirana amiija, iri munayuvwiranwa indengeerwa. Mukizi kogana, nga kwo Rurema naye keera akamùkoga mu kati ka Kirisito.

Bukengeeze 9:5

Yikyo kihugo, iri mwangakigwata, kutali kudeta mbu bwo muli bandu ábakwaniini, kandi iri mbu muli bandu boꞌkuli. Aahabi! Haliko, mumenye kwo Nahano agamùyimulira bo, ku bwenge bâli bihuusiri, na bwo aloziizi ukusimbahiisa indahiro yo akanywana na bashokuluza biinyu, Hiburahimu, na Hisake, na Yakobo.