2 Samweri 5:25 - Kifuliiru

²⁵ Ulya Dahudi, ikyanya Nahano akamúbwira kwokwo, anasimbaha, anashubi lwisa balya Bafirisiti, anabayita, ukulyokera i Geba, halinde i Gezeeri.

2 Samweri 5:25 ပူးပေါင်းရင်းမြစ်များ

2 Samweri 8:1

Iri hakalenga isiku, mwami Dahudi anateera Abafirisiti, anabahima, anagwata akaaya kaabo kahamu Gaati.

1 Kutondobola 14:16

Ulya Dahudi, ikyanya Rurema akamúbwira kwokwo, anasimbaha, anayita abasirikaani baꞌBafirisiti, ukulyokera i Gibyoni halinde i Gezeeri.

Kulyoka 12:28

Yibyo byoshi byo Nahano akabwira Musa na Harooni, Abahisiraheeri banagendi bigira.

Hisaaya 28:21

Haaho, Nahano agaaba akoli shavwiri, anakizi lwa, nga kwo akalwa naꞌBafirisiti ku mugazi Perazimu, na nga kwo akalwa naꞌBahamoori mu ndekeera yeꞌGibyoni. Leero, agayiji gira ibya kundi-kundi byo mutashubi langaliiri.

Yoshwa 10:33

Ku yikyo kyanya, mwami Horaamu weꞌGezeeri, anayiji tabaala abandu beꞌLakishi. Haliko uyo naye, Yoshwa anamúyita, kuguma naꞌbasirikaani baage booshi, atanasiga kiri na woꞌmuti.

Yoshwa 12:12

Hali na mwami wa mu keꞌHegulooni. Hali na mwami wa mu keꞌGezeeri.

Yoshwa 16:10

Abakaanani ábâli tuuziri i Gezeeri, yabo beene Hifurahimu banageregeza ukubayimula, shoobe! Banaki genderiiri ukutuulanwa halinde zeene. Haliko, Abahisiraheeri bayamiri bali mu bakoleesa ku kahaati.

Yoshwa 18:24

naꞌkeꞌKefaari-Hamooni, naꞌkeꞌHofuni, naꞌkeꞌGeba. Yutwo twaya, tuli ikumi na tubiri, kuguma noꞌtundi twaya tuniini two twâli kizi koza.

Yoshwa 21:21

Yutwo twaya, two twotu: hali akaaya keꞌShekemu, kwo kali mu migazi ya Hifurahimu, ko na kaaya koꞌkutibitira mwo. Hali naꞌkaaya keꞌGezeeri,