2 Samweri 22:46 - Kifuliiru

⁴⁶ Yabo bandu bakayija bakoli vunisiri imitima. Na ábâli bishamiri, banakizi yibishuula iri banalenga mweꞌkinyukura.

2 Samweri 22:46 ပူးပေါင်းရင်းမြစ်များ

Hisaaya 2:19

Ikyanya Nahano agayiji jugumya ikihugo, agakangana ku bulangashane bwoꞌbukalage bwage. Haahago, abandu banagendi yifunda mu nyaala, banahumbe neꞌbishimo, gira bagendi yibisha mwo.

Hisaaya 2:21

Ikyanya Nahano agayiji jugumya ikihugo, abandu bagagendi yibisha mu nyaala, na mu bishimo. Bagaaba baloziizi ukutibita uburaakari bwage, kiri noꞌbulangashane bwage.

Hisaaya 64:6

Mu kati kiitu, ndaaye úgweti úgahuuna kwiꞌziina lyawe. Ndaanaye uli mu kebukwa, mbu akuhuune ulukogo. Si keera watuhindulira ingoto, wanalekaga ibyaha biitu bitushereeze!

Hamoosi 9:3

Kwakundi, kundu bangayibisha kwiꞌrango lyoꞌmugazi Karimeeri, ngagendi bashakula yo, na mbabirigishe. Na kundu bangagendi bishama mu tulingi tweꞌnyaaja, ngahanguula kirya kihuume kyoꞌmujoka, kigendi bakoma mwo.

Mika 7:17

Yibyo binyamahanga, bigakizi yibulula mu luvu, nga mujoka. Binalyoke mu tuhonga twabo, mu kuyiji juguma imbere lya Rurema Nahamwitu. Bagagwatwa neꞌkyoba imbere lyage.

Yakobo 1:11

Ikyanya izuuba liri mu ba keera lyatwa, ikyuka kyalyo kiri mu bogamya imbuto. Utwaso tunaholoke, tunabe tutaki buyahiri. Kwokwo, noꞌmugale naye, ikyanya ali mu ba akiri mu hiduukira mu mikolwa yage, mwomwo mwo ali mu fwira.

1 Samweri 14:11

Yabo bombi banagendi yiyerekana imwaꞌBafirisiti. Balya Bafirisiti, mbu bababonage, banadeta: «Langiizi Abaheburaniya! Bashubi yibishiri mu myobo. Na buno, bagihuluka mwo.»