2 Samweri 22:33 - Kifuliiru

³³ Rurema, ye mu nzikamya. Ye nali mu njongaaniza ho ndi mu lenga.

2 Samweri 22:33 ပူးပေါင်းရင်းမြစ်များ

2 Samweri 22:2

«Nahano, ye lwala lwani. Ye butibitiro bwani. Ye na Lukiza wani.

Hayubu 22:3

Iri wangaba uli woꞌkuli, unabe utungiini imbere lyage, ka utoniri kwo uli mu shambaaza Rurema woꞌbushobozi bwoshi? Ka halyagagi ubunguke bwo angakulonga kwo?

Zaburi 101:2

Na nviitirwe ukutuula buzira kashembo. Aaho! Ugayiji ndabaala mangoki? Mu nyumba yani, ngatuula ku njira íkwaniini.

Zaburi 101:6

Ikyanya ngaleeza amasu mu kihugo, ngakizi lola naaho ku bemeera. Boohe naaho, bo tugakizi kombeeranwa. Ee! Ngiisi ábagakizi ngolera naaho, bali baabalya bazira kashembo.

Zaburi 119:1

Bahiriirwi, ngiisi ábali mu gira íbikwaniini, banabe basimbahiri imaaja za Nahano.

Zaburi 18:32

Ndaaye gundi Rurema, átali Nahamwitu naaho. Ee ma! Rurema yenyene, ye lwala lwitu.

Zaburi 27:1

Izaburi ya Dahudi. Nahano ye mulengeerwe gwani, ye nali mu ngiza. Aaho! Nyandi ye ngaki yoboha? Nahano ye mu ndanga, gira ndayitwe. Nyandagi úwangaki ndeera ikyoba?

Zaburi 32:8

Rurema adesiri kwokuno: «Ngakizi kuhindula ube mwitegeereza. Na nguyereke injira yo ukwaniini ukukizi lenga mwo. Na ngizi kuhanuula, iri na ngizi kutanduula.

Zaburi 46:1

Imwoꞌmwimangizi waꞌbimbi. Izaburi yaꞌbaana ba Koora. Luli mu yimbwa kwiꞌzu lihanike.

Kulyoka 15:2

«Nahano ye misi yani. Ye nganakizi yimbira inyimbo zoꞌbwivuge. Yehe ye Rurema wani, ye na Rurema wa daata. Kwokwo, ngakizi múyivuga, na ngizi múhuuza.

Hisaaya 41:10

Aaho! Bwo nyamiri tutuliinwi, mutakizi yoboha. Ndi Rurema winyu! Ku yukwo, mutashenguke. Ngakizi mùkania, iri ninamùtabaala. Ninamùsikamye, mu kukoleesa ubushobozi bwani.

Zakariya 10:12

Abandu baani, ngakizi basikamya ku bushobozi bwani, halinde banakizi genda ngiisi ho baloziizi. Kwokwo, kwo nie Nahano, ndesiri.»

2 Bakorindo 12:9

Halikago ananjuvya: «Ugaahasha ku njira yoꞌlukogo lwani naaho. Ee! Ikyanya ugakizi ba mu bukaholwe, mwoꞌbushobozi bwani bugakizi kukola mwo.» Ku yukwo, yubwo bukaholwe bwani, bwo ngasiimaga ukukizi yihayira kwo, halinde lyoꞌbushobozi bwa Kirisito bukizi nyama mwo.

Bahefeso 6:10

Mu kuyusa, namùbwira: Mukizi sikamaga mu kati ka Nahano, na mu bushobozi bwage bwaꞌkahebuuza!

Bukengeeze 18:13

Haliko mwehe, mukwaniini muyitange ku mutima gwoshi imwa Nahano, Rurema winyu.

Bafiripi 4:13

Njobwiri ukukizi gira byoshi ku njira ya Kirisito. Mukuba, ye mu mbiika mweꞌmisi.

Baheburaniya 13:21

Kwokwo na niinyu, Rurema akizi mùtungaania mu miija gooshi, halinde lyo mulonga ukukizi kola ngiisi byo aloziizi. Yehe yenyene, abe ye gakizi tukola mwo, halinde tukizi gira íbimùsimisiizi mu kati ka Yesu Kirisito. Yesu akizi yama ali mu huuzibwa imyaka neꞌmyakuula! Bikizi ba kwokwo!