2 Samweri 22:29 - Kifuliiru

²⁹ E Nahano, uli itara lyani. Uli mu hindula ikihulu, gube mulengeerwe.

2 Samweri 22:29 ပူးပေါင်းရင်းမြစ်များ

2 Samweri 21:17

Haliko, Habishaayi mugala Zeruya, anagendi vuna Dahudi, anagwisa ulya Mufirisiti, anamúyita. Lyeryo, abashosi ba Dahudi, banabiika indahiro kwokuno: «E mwami Dahudi, tutâye ki gendanwe mwiꞌzibo. Wehe, we mulengeerwe gwaꞌBahisiraheeri. Aaho! Kuti kwo twangaleka guzime?»

1 Baami 11:36

Uyo mugala Sulumaani, ngamúsigira umulala muguma naaho. Na íbitumiri ngaagira kwokwo, gira umukozi wani Dahudi akizi ba noꞌmundu muguma wa mu kibusi kyage úgakizi twala akaaya keꞌYerusaleemu. Mukuba, yako kaaya, ko nâli loziizi kwo bakizi nyikumbira mwo.

Hayubu 29:3

Itara lyage lyâli kizi mmolekera. Kundu nâli riiri mu kihulu, haliko nanakizi genda mu mulengeerwe gwalyo.

Zaburi 112:4

Yabo bandu boꞌkuli, kundu bangaba bakola mu kihulu, haliko, umulengeerwe gugakizi batanguulira. Bagweti bagakizi tabaalana, banali mu gashanirana, banali mu yuvwiranwa indengeerwa.

Zaburi 18:28

Ee! Abanabwikangaate, uli mu batindimaza. Si abatuudu boohe, uli mu bakiza.

Zaburi 27:1

Izaburi ya Dahudi. Nahano ye mulengeerwe gwani, ye nali mu ngiza. Aaho! Nyandi ye ngaki yoboha? Nahano ye mu ndanga, gira ndayitwe. Nyandagi úwangaki ndeera ikyoba?

Zaburi 4:6

Mukizi tangira Nahano amatuulo ágakwaniini, iri munamúbiika kwoꞌmulangaaliro.

Zaburi 84:11

Iri nangahisa ulusiku luguma naaho ndi mu nyumba yawe, luhimiri isiku kihumbi zo nangamaziri ndi handi-handi. Nanganasiima ukukizi langa imiryango yeꞌnyumba ya Rurema wani, ho nangatuula mu nyumba za banangora-mabi.

Zaburi 97:11

Ngiisi ábakwaniini, umulengeerwe guli mu kizi batanguulira. Bwo bagweti bagaagira íbikwaniini, bayamiri bashambiiri.

Hisaaya 50:10

Mu kati kiinyu, nyandagi úyobohiri Nahano, anabe asimbahiri umukozi wage? Iri wangaba ukiri mu genda mu kihulu buzira itara, ugire ukizi yihega ku Nahano Rurema, unamúbiike kwoꞌmulangaaliro.

Mika 7:9

Nâli gweti ngayifunda mu byaha imbere lya Nahano, kyanatuma agandakarira. Kundu kwokwo, agaki mbulanira imbere lyaꞌbatwi beꞌmaaja. Ee! Agandeetera ngiisi íbingwaniini. Hanatame, anandwale mu mulengeerwe, halinde na mbone ngiisi kwo angololera íbihengamiri.

Yohana 12:46

Niehe nꞌgayija mu kihugo ndi mulengeerwe gwakyo. Kwokwo, iri umundu angaba ambiisiri kwoꞌbwemeere, atâye kituule mu kihulu.

Yohana 8:12

Yesu anashubi bwira abandu: «Niehe, nie mulengeerwe gweꞌkihugo! Umundu, iri angaba angulikiiri, atâye ki gende mu kihulu. Si agaaba akola noꞌmulengeerwe úguli mu leeta ubugumaana.»

Bwigule 21:23

Yako kaaya katalyagagi niꞌgoorwa mbu kayakirwe niꞌzuuba, kandi iri mwezi. Mukuba, ubulangashane bwa Rurema, bwo buli mu katanguula mwo. Kirya Kyanabuzi, lyo niꞌtara lyamwo.